الناس الأشرار و الناس الطيبين

انتشار الفساد في هذا العالم ليس بسبب نشاط الناس الأشرار… لكن بسبب تكاسل و تقاعس الناس الطيبين

ليس لان الأشرار فاعلين قادرين … لكن لأن أصحاب الحق سلبيين مستسلمين

[د. خالد عمارة] 

Evil_versus_Good

…صفحات منسيه من حياه الرسول محمد صلى الله عليه و سلم الحلقه ١٠

انقطاع الوحي و عودته و “عزومه” الرسول لعيلته و تلاوته للقرآن فيها و رد فعلهم خلال العزومه … الحلقه ١٠forgotten_pages_prophet_life_10_01

شفنا في الحلقه السابقه ازاي و فين نزل الوحي (مصدر ١). الحقيقه في نقطه مهمه جدا دايما بتغيب عننا و هي ود فعل السيده خديجه. لو واحده جوزها رجع قبل الفجر بقليل بعد غياب كذا ليله كان مختلي بنفسه فيهم و بيقول لها غطيني غطيني و عمال يرتعش. يا ترى ايه حيكون تصرفها؟ في الأغلب لو متفهمه كانت حتطمنه و تقوله متقلقش ده بس مَس من الجن (العرب كانوا يعتقدوا ان الجنون هو مَس من الجن). و تهديه و تخليه ينام و يحاول ينسى الموضوع كله. ده لو واحده متفهمه. طبعا ممكن جدا تقع في واحده متخليكش تروح تتأمل في الصحرا أساسا. السيده خديجه قالتله انه مستحيل يكون ده مَس من الجن او جنون او شعر. لأنك بتكرم اهلك و تعين الضعيف و الفقير. السيده خديجه معتقده برسالته من البدايه. بتقوله ده أكيد مش جنان و بالتالي دي رساله من الله. و بعدين اول ما يطلع الصبح تروح لورقه بن نوفل اللي يقول لها ان لو الوصف صحيح يبقى دي رساله و اختيار من الله. تصديق كامل و اطمئنان لا مثيل له من السيده خديجه. يقين فعلا. السيده خديجه كمان لاحظت شيئ مهم جدا. آيات سوره اقرأ مش طريقه و لا اُسلوب كلام الرسول اطلاقا. الرسول كان تاجر و اتربى في الباديه و أسلوبه كان خالي تماما من السجع او الشعر. كان أسلوبه و ده باين من الأحاديث في عبارات طويله متسلسلة و مترابطة و قليله من ناحيه المشاعر. بينما ما تلاه الرسول عليها كان شيئ تاني خالص. شيئ لم يعهده العرب و هي سيده تاجره من الأعيان و عارفه كويس ايه الشعر و ايه الكلام اللي ما اتسمعش قبل كده. ورقه قال للسيده خديجه ان أهل الرسول و عشيرته حيقاوموه لان ده اللي حصل لكل رسول. السيده خديجه معملتش زي اي زوجه (او ام حتى) مصريه و قالت احنا مالنا و مال الكلام ده. و ليه نجيب وجع الدماغ. احنا عايشين كويس. مالناش دعوه بالسياسه و ليه نقاوم اهلنا في قريش. ما نعيش و نربي العيال و خلاص. السيده خديجه مقالتش الكلام المعروف ده لأي حد عاوز يدخل في السياسه او يؤيد الشرعيه الديمقراطيه في مصر او غير ذلك. Read more

حول إعلان ترامب القدس عاصمة إسرائيل

About_Trump_Announcement_Jerusalem_Israel_Capital

ناس كتير بتقول طيب هوه القرار بتاع ترامب ده يغير ايه. هوه مش القدس كده كده محتله. 

القرار الحقيقه يفتح أبواب كثيره كانت مغلقه:

١- تسريع حركه الاستيطان في القدس. الحكومه الامريكيه كانت ترفض اي قروض متجهه لإسرائيل لبناء مستوطنات في القدس. الان اسرائيل تستطيع الاقتراض بسهوله من المؤسسات الماليه الامريكيه دون الحاجه لجمع تبرعات او استثمارات كان اسرائيل بقالها فتره بتحاول تلمها من يهود امريكا. و كل دوله في العالم تقترض لعمل مشاريع كبيره بصرف النظر عن الغنى. الان الموضوع مفتوح. سهل الاقتراض بفايده قليله. 

٢- معنى ذلك تسارع شديد للاستيطان. تغيير الواقع على الارض بمشاريع ضخمه.  Read more

وضوح التحالف المعادي للإسلام 

Coalition_Against_Islam.jpg

ده خبر و تحليل مستحيل تقرأه في مصر لأنهم حيستموتوا عشان يخبوه. امريكا بلد صعب اخفاء اي سر فيها. من كام يوم مايكل فلين مستشار ترامب للامن القومي اعترف انه اتصل بروسيا بشكل غير قانوني و في مقابل تخفيف العقوبه عليه وقع على اتفاق انه حيتعاون بشكل كامل مع المحققين الفيدرالين. و طبعا المحقق الفيدرالي مش حيسيب فريسه زي و بحجم مستشار أمن قومي الا لو كان الهدف المرجو اكبر بكتير جدا و معروف ان الهدف هو ترامب نفسه. كل ده معروف لكن محدش سأل طيب ايه المشكله ان مستشار أمن قومي يتصل بروسيا. ماهو أكيد ده جزء من وظيفته؟ كمان ايه علاقه مصر و الإمارات بالموضوع و ليه الاعلام المصري حيخبي الجزء ده بالذات؟ لو تفتكروا في ديسمبر ٢٠١٦ يعني من سنه بالضبط كان فيه قرار قدام مجلس الأمن الدولي برعايه اداره اوباما و كانت مقدماه مصر و المجموعه العربيه في الامم المتحده لإدانه المستوطنات الاسرائيليه في الاراضي العربيه المحتله و القرار كان نصوصه شديده جدا على اسرائيل و تعتبر المستوطنات كلها خرق للقانون الدولي. في العاده امريكا بتستخدم حق النقض ضد النوع ده من القرارات. لكن اوباما في اخر أيامه و كان متحفز جدا ضد اسرائيل اولا لان علاقته مع نتنياهو كانت سيئه جدا (مصدر ١) و ثانيا لانه كان شايف ان سياسات اسرائيل الحاليه تخريب للمنطقه و تخريب لمستقبل اسرائيل ذاتها (و ده كلام الساسه الاسرائليين نفسهم بيقولوه دلوقتي لان توسع اسرائيل في الضفه معناه نهايه دوله فلسطينيه و ان اسرائيل لازم تستوعب العرب او تطردهم – مصدر ٢). و اخيرا لان ربما اوباما كان بيفكر فقط في انه يسيب و لو قليل من الارث legacy في الشرق الاوسط. ترامب يوم ٢٢ ديسمبر غرد في تويتر ان القرار ده لازم يتعمله فيتو. طبعا اداره اوباما طنشت تماما كلام ترامب. ده في الوقت اللي محمد بن زايد ولي عهد ابي ظبي و الحاكم الفعلي للامارات كان قبلها بقليل بيزور امريكا عشان يقابل ترامب بدون علم اداره اوباما. و قصاد كده اضطرت سوزان رايس مستشاره اوباما للامن القومي انها توجه المخابرات الامريكيه انها تتابع تحركات محمد بن زايد و تكشف اسماء الشخصيات اللي قابلها. لانه لو كانت النوايا سليمه ليه يخبي انه أساسا جاي امريكا عن اداره الرئيس الامريكي الموجود وقتها عشان يقابل الرئيس الجديد؟ مصدر ٣.  Read more

تحيا تونس

Long_Live_Tunis.jpg

عشان نعرف ان من يدير الثوره المضاده في كل البلاد العربيه هو مركز واحد في الإمارات، نبص بس على شعار حزب نداء تونس (حزب الثوره المضاده) بقياده الباغي قائد السبسي. الشعار هو “تحيا تونس”. و هو شعار غريب على تونس أساسا. و لكن الاداره واحده. و هو امر تحدث فيه الرئيس المنصف المرزوقي باستفاضة انه متأكد ان من يدير الثوره المضاده جهه واحده. 

https://youtu.be/G5UN5KZUA7A

معلومات سريعه و مهمه عن محمد بن سلمان 

Mohamed_Ben_Salman

طالما انه من يحكمنا فعليا فلازم على الأقل نتعرف عليه. 

مولود سنه ١٩٨٥. حصل على درجه الحقوق من جامعه الملك سعود عام ٢٠٠٣. يعني كان عمره ١٨ سنه و حصل على المركز الثاني في الكليه. و طبعا جامعه الملك سعود من ارقى جامعات الحقوق في العالم ! ده طبعا غير ان السعوديه تشتهر بأنها بلد الحقوق! كما ان التعليم في السعوديه معروف انه لا يجامل اي امير من الأمراء. اطلاقا يعني. مفيش فساد خالص. 

بعد تخرجه أسس و عمل في مجموعه شركات (غير معلومه الهويه و لا النهايه) و انضم في سنه ٢٠٠٩ لمجلس الخبراء التابع لمجلس الوزراء السعودي مع ترقي والده في المناصب. و طبعا هو خبير. اي حد عنده اعتراض؟ و من هناك انطلق و عبر ليصبح وزير دفاع ثم ولي ولي العهد ثم ولي العهد ثم الحاكم الحقيقي للسعوديه و مصر و شمال اليمن.

الأسس العشرة لعقل عبد الفتاح السيسي

 Ten_principles_for_Sisi_Brain

بعد ٤ سنوات في الحكم (٢٠١٣-٢٠١٧) يمكن الان تكوين فكرة عن أسس حكم السيسي لمصر و كيف يعمل عقله. 

١- من يحكم مصيره في النهايه هم اسرائيل و القوى الصهيونيه المتعصبه في امريكا و المال الخليجي. 

و هو يبالغ في التودد لهم و هم يزورونه باستمرار و يقول لهم و ينفذ كل ما يريدونه. و الاعتقاد هو ان تلك القوى تحرك في النهاية المال الخليجي. و موضوع مجلس ادارة العالم ليس فقط كلام إعلامي فنحن نجد لواءات سابقين في الجيش المصري مقتنعون فعلا بمواضيع مثل الرياح الشمالية الغربية و تحويل الإسمنت لشجر و ما دواء الكفته ببعيد. لذلك فقمة النظام المصري مقتنعة فعلا كعقيدة ان الصهاينة يديرون العالم و اقتصاده (غير حقيقي. بيل جيتس و وارين بافيت مثلا غير يهود و هم أغنى الناس في العالم. اليهود مؤثرون لا شك و لكن لا يتحكمون في العالم. و الا لماذا يلاحقون في محاكم أوروبا و عاجزون عن فعل شيئ؟ و لماذا تتطور دول مثل تركيا و ماليزيا؟). نحن اذا امام ليس فقط واحد او اثنين بل ان كل القمه في الجيش المصري و قاعده عريضه في الشعب المصري مؤمنون بهذه العقيدة. 

و قدر رأي السيسي بنفسه ان مبارك رحل عندما قال اوباما الان يعني الان.  Read more

« Older Entries Recent Entries »