أقر و اعترف انا المواطن المصري أني فعلا كنت مخطأ في الهجوم على السيد الرئيس السيسي لانه نادى بتعديل الخطاب الديني. و أني اكتشفت فعلا انه خطاب بل دين كله يدعو للحرب كما قال السيد الرئيس. مصدر ١. 

ففعلا انا كمواطن مصري مسلم دخلت لاحتلال مصر بالبوارج الحربيه في عام ١٨٨٢. و قبلها بقليل دخلت انا شخصيا الجزائر في حرب لا اساس قانوني لها و فقط لان الجزائر طالبت بديونها المستحقه على فرنسا من وقت ان ساعدت الجزائر فرنسا بتصدير القمح لها وقت الثوره الفرنسيه، هي ديون لم تدفعها فرنسا حتى الان. و انا المواطن المصري أطلقت على مهمتي في الجزائر وصفا بالفرنسية mission civilisatrice حتى اخلص ضميري من عبء القتل و التدمير في الجزائر و أكسبه صيغه اخلاقيه. القتل الاخلاقي. و بعدها في ١٩١٤ دخلت انا بذاتي و صفاتي حربا دمويه استنزفت ملايين من الشباب في أوروبا انتهت باتفاق سلام قسم بلادي انا شخصيا و قضى على دوله الخلافه الاسلاميه بحرب بدأتها انا بجيوشي و غزوت فيها سيناء ثم فلسطين ثم سوريا ثم قسمت دوله الخلافه الاسلاميه ذاتها في تركيا بعد عده محاولات لغزو تركيا مات فيها دفاعا عن تركيا مئات الالاف. بالتأكيد كنت انا هناك و كنت انا من قتل هؤلاء الأتراك. ثم قررت انا إعطاء فلسطين ليهود أوروبا للتخلص من صداعهم هناك. و بالطبع فأنا المواطن المصري المسلم ذهبت لمحاوله الدفاع عن اهلي في فلسطين و من وقتها بالكاد حاربت حتى استعيد جزء فقط من ارض سيناء. و بالتأكيد فأنا ايضا من أقوم بقتل الفلسطينيين يوميا في بلادهم. و انا بالطبع من يسير في طرق الضفه الغربيه مدججا بالسلاح. حتى أطفالي يسيرون في الضفه الغربيه مدججين بالسلاح. و بالطبع فأنا قمت باحتلال العراق ثم اكتشفت أني اخطأت و قتلت ملايين من العراقيين دون سبب. و بالتأكيد فأنا أنفق كل أموالي على السلاح فأنا مسلح حتى الأسنان. انظر لشركاتي التي تنتج و تصدر السلاح للعالم كله.  Continue reading “اعتراف لسياده الرئيس السيسي “

امر مهم لفت نظرنا في الصور المنتشره للطائرات فالكون ٧ اكس التي اشترتها مصر مؤخرا

اشترت الحكومه المصريه مؤخرا اربع طائرات من طراز داسو فالكون ٧ اكس. و بالرغم من نفي الحكومه المصريه الخبر فقد اكدته وكالات الأنباء (مصدر ١ هي المجله الأكثر توثيقا في عالم صفقات الدفاع و الطيران) ثم انتشرت صور الطائرات و هي في مرحله التجهيز في مجمع لوفتهانزا تكنيك في هامبورج (الصور المرفقه). الامر الذي فات الجميع هو ليه الطياره تروح لوفتهانزا تكنيك في هامبورج طالما الشركه المنتجه هي داسو الفرنسيه؟ حنشرح. Continue reading “طائرات فالكون ٧ اكس التي اشترتها مصر مؤخرا”

وفق مقياس ترتيب جوازات السفر في العالم passport visa restriction index يقع جواز السفر المصري في المركز ٨٨ في العالم. نيكاراجوا و جزر المالديف و أوكرانيا و كازاخستان و ليسوتو و سوازيلاند و مالاوي و نامبيبيا و كينيا و تنزانيا و جامبيا و تونس و كوبا و زامبيا و زيمبابوي و أوغندا و ارمينيا و غانا و المغرب و بنين و الهند و طاجيكستان و هاييتي و السنغال و الجابون و موزمبيق و بوركينا فاسو و رواندا و مالي و مدغشقر و فيتنام كلهم في ترتيب اعلى من مصر (مصدر ١). معنى ذلك ان مواطني تلك الدول يمتلكون حريه حركه لعدد اكبر من الدول دون تأشيره. لا نتحدث عن تركيا و ماليزيا فهم اعلى من مصر بمراحل طويله. و السبب الرئيسي ان دول افريقيا و اسيا و امريكا اللاتينيه في مراكز اعلى من مصر هو ان كلها دول تنتمي لتجمعات اقليميه تسمح بحريه حركه المواطنين دون تأشيره بينهم. مثلا دول امريكا اللاتينيه في تجمع الميركسور و الذي يسمح لمواطني دول امريكا اللاتينيه بالتنقل الحر دون تأشيره و يسمح كذلك بحركه السلع دون جمارك.  Continue reading “المصريون في قمقم “

الأخبار عن مصر في الصحافة العالمية كلها الحقيقة حاجة تفرح. اول خبر عن الست الانجليزية لورا بلمر اللي اتسجنت في مصر في المطار لان معاها ١٠٠ قرص مخدر. بصرف النظر هي الست دي غلط و لا لأ (جوزها المصري طلع صور أشعة و تقارير بتقول انه محتاج العلاج). مش ده موضوعنا. المشكلة هي ان الصحافة العالمية بتقول ان اوضاع السجون المصريه غير أدمية و مش ممكن اننا نسيب لورا مع الوحوش دول. المصيبة الأكبر ان لورا جالها ٢ محاميين مصريين طلب الأولاني ١٠ آلاف جنيه إسترليني و التاني طلب ٢٠ الف إسترليني! و قالولها انها تكدب و تقول ان الحبوب دي مش بتاعتها. الست لورا اللي بتشتغل في محل تجميل قالت انها مش ممكن تكدب أبداً لان ده عيب في ثقافتها و بالتالي السفارة البريطانية وكلت لها محامي تالت. حاجة تفرح الحقيقه. مصدر ١.

Continue reading “الأخبار عن مصر في الصحافة العالمية”

كنّا عاوزين نبقى بلد محترمه. ننتج حاجه و نستخدم التكنولوجيا في المدارس و الجامعات. اللطيف انه لما حصل الانقلاب و قلنا ان اول حاجه حتختفي هي اينار قالولنا مؤيدو السيسي يا جهله. اسألوهم في الجحور اللي مستخبيين فيها هوه فين اينار.  و عشان نفتكر شويه من الزمن الجميل اقرأ الخبر ده بتاريخ مايو ٢٠١٣ عن أضافه سيم كارد و نظام أندرويد للتابلت اينار و انه يعمل ب 3G بالفعل: http://www.elbalad.news/486548 دلوقتي هم عاوزين يقفلوا فيسبوك و تويتر أساسا بنظريه هات ضرفها. Continue reading حد فاكر الحاسب اينار؟ 

نفاجأك احنا شويه. محدش في جوده معترض اطلاقا على تحويل جزيره الوراق في القاهره الى مانهاتن مصريه. اطلاقا. الاعتراض هو على ٣ نقط:

١- الاستيلاء على الارض من أصحابها القانونيين بالقوه. ليه المبدأ ده مهم؟ لان اساس القانون في اي مكان في العالم هو الحفاظ على الملكيه الفردية. لو انهار المبدأ ده (و هو بالفعل مهتز في مصر) يبقى انا لو صاحب بيت او عماره او ارض او شركه في اي حته في مصر، اصرف عليها و اعملها صيانه او تطوير ليه؟ عشان تاني يوم الحكومه تيجي تهدها و تاخدها؟ أكيد لا. طيب ما الصيانه و التطوير دول اللي بيشغلوا الناس و يخلوهم ينتجوا و يخلوا البلد شكلها جميل. الخ. الحقيقه ان نزع ملكيات الأجانب و تأميم ملكيات الباشوات في مصر و إقرار قانون ايجار مجحف للملاك في الستينات احد اهم نتائجه هو تدهور الشكل الحضري لكل المدن المصريه و تحولها لصفيحة الزباله اللي احنا عايشين فيها. الاستمرار في نفس السياسه هو استمرار في الانتقال من وش لقعر صفيحة الزباله. ببساطه لانه محدش حيستمر في صيانه او تطوير اي حاجه.  Continue reading “جزيرة الوراق ومنهاتن مصر”

اخيرا الوزير احمد ابو الغيط كشف المؤامره بين امريكا و الإسلاميين. في حديث لقناه روسيا الْيَوْمَ (مصدر ١) احمد ابو الغيط فضح الإسلاميين الاخوان و غيرهم و صفقتهم مع امريكا. احنا دلوقتي عرفنا و فهمنا اللي اتباع السيسي كانوا بيتكلموا عنه و الحاجات الوحشه اللي الاخوان المتأسلمون كانوا حيعملوها. ابو الغيط قال ان فيه ٤ شروط للصفقه بين الغرب و الإسلاميين:

١- انتم (يعني الإسلاميين) تاخذوا الحكم في الدول العربيه و الاسلاميه

٢- بس اوعوا تتعرضوا للمدن بتاعه الغرب. يعني متعملوش تفجيرات في روما او برلين او غيرها من عواصم الغرب. 

٣- متقربوش من اسرائيل لان دي كمان تبعنا. 

٤- مصالح الغرب الرئيسيه في المنطقه تفضل مؤمنه. البترول و القناه و خلافه. 

Continue reading “الوزير احمد ابو الغيط”

احنا مش حنتريق و نقول يع على الصالون المدهب بتاع الناس البيئه و لا خريطه مصر المرسومة بزيت العربيات. و لا حنقول اللوحات اللي وراهم و السجاد تصميماته بتاعه محدثين نعمه. مش حنقول كده لان احداث النعمه مش عيب. كلنا اصلنا فلاحين و اَي حد اغتنى في وقت من الأوقات اغتنى أهله من فقر. بالعكس. احنا عاوزين الناس كلها تبقى محدثين نعمه عشان النعمه تبقى مع الناس كلهم. احنا مش حنقول كده خالص.  Continue reading “يا انتصار تعالي أوريكي الامله اللي احنا فيها”

لا تخطئ عين الخبير عمليه تفكيك أسلمه de-Islamization المجتمع المصري الجاريه الان على قدم و ساق دون ان يشعر الكثيرون. في خلال الأربعين عاما الماضيه و منذ السبعينات حدثت أسلمه واضحه للشارع المصري. امهاتنا في الستينات كن لا يرتدين الحجاب. مع وصول التسعينات اصبح ذلك أمرا غير مألوف. بصرف النظر عن مناظره هل تلك المظاهر تعني تمسكا حقيقيا بالمبادئ الاسلاميه ام لا. في التسعينات خلال عمليه أوسلو كان قطاع غزه يشكل ارقا دائماً لإسحاق رابين. كان رابين يأمل ان يودي انسحاب اسرائيل من القطاع لتخفيف أسلمه المجتمع الغزاوي و هي أسلمه بالضروره معاديه لإسرائيل. كان رابين يسأل كل من يزور غزه (و هذا قبل وصول حماس للحكم بأمد) عن طول تنوره (جيبه) البنات في غزه و هل قصرت ام لا! مصدر ١.  Continue reading “هجوم السيسي على الاسلام”