Category Archives: الدروس و الأمثال من جميع أنحاء العالم

سؤال ودعوة للتفكر

stream_img

سؤال ودعوة للتفكر:

هل أنت ممن يركبون قطار الأخرة وتمر على محطات الدنيا؟ أم أنت مع ركاب قطار الدنيا وتمر على محطات الأخرة؟

 فكر جيداً في أي قطار أنت أو انتي وأي مسار تريد

السؤال الثاني: ماذا أعددت لها؟

الناس الأشرار و الناس الطيبين

انتشار الفساد في هذا العالم ليس بسبب نشاط الناس الأشرار… لكن بسبب تكاسل و تقاعس الناس الطيبين

ليس لان الأشرار فاعلين قادرين … لكن لأن أصحاب الحق سلبيين مستسلمين

[د. خالد عمارة] 

Evil_versus_Good

تحيا تونس

Long_Live_Tunis.jpg

عشان نعرف ان من يدير الثوره المضاده في كل البلاد العربيه هو مركز واحد في الإمارات، نبص بس على شعار حزب نداء تونس (حزب الثوره المضاده) بقياده الباغي قائد السبسي. الشعار هو “تحيا تونس”. و هو شعار غريب على تونس أساسا. و لكن الاداره واحده. و هو امر تحدث فيه الرئيس المنصف المرزوقي باستفاضة انه متأكد ان من يدير الثوره المضاده جهه واحده. 

https://youtu.be/G5UN5KZUA7A

صدق او لا تصدق… واحدة فقط من الاجابات التاليه حدثت بالفعل

هل هي الاجابه أ ام ب ام ج؟ 

Believe_it_or_not

أ- وقف رئيس الولايات المتحده الامريكية رونالد ريجان و خلفه بوابة براندنبورج في برلين، مخاطباً الشعب الامريكي و شعوب أوروبا ليقول لهم: مشكلتكم مع الاتحاد السوفيتي دي مشكلتكم انتم مش مشكلتي انا. هما مش حيضربوني انا بالنووي او بالصواريخ هم حيضربوكم انتم. فيه عندنا كونجرس ليه مسئولية و فيه عندنا كبير موظفي البيت الأبيض. خلصت كده. 

ب- تحدث رئيس الوزراء البريطاني تشرشل مخاطبا الشعب البريطاني عبر الإذاعة بعد هجمات الطيران الألماني القاسيه على لندن و قال لهم: مشكلتكم مع الشعب الألماني دي مشكلتكم انتم مش مشكلتي انا. عندكم فيه برلمان و ملك اسمه ادوارد. الطيران الألماني بيضربكم انتم مش بيضربني انا. خلصت كده. 

ج- تحدث عبد الفتاح السيسي مخاطبا الشعب المصري عبر التلفزيون و قال: اثيوبيا مش حتاخد المية مني انا. دي حتاخدها منكم انتم. عندكم فيه رئيس وزراء و رئيس مجلس شعب. دي مشكلتكم انتم. خلصت كده. 

الاجابه الصحيحة في نهايه المقالة.  Read more

ملاحقة نظام السيسي و المتعاونين معه

Court_Cases_Against_Israel

من كام يوم ادارة ترامب هددت منظمة التحرير الفلسطينيه انها حتقفل مكتبها في واشنطن الا اذا الفلسطينيون وقفوا التهديد انهم يرفعوا قضايا ضد اسرائيل في المحكمه الجنائية الدولية. تيليرسون في بيان من الخارجيه الامريكية قال انه “بعض التصريحات من القيادات الفلسطينية فيما يتعلق بالمحكمة الجنائية الدولية تمنع الوزاره من توثيق ان المكتب ملتزم بالقانون الامريكي.” مصدر ١. دي اشاره ان محمود عباس في سبتمبر اللي فات قال انه حيحيل انتهاكات اسرائيل للحقوق الفلسطينيه للمحكمة الجنائية الدولية. و اشارة كمان انه فيه قانون أمريكي نادر الاستخدام انه لو الفلسطينيين استخدموا المحكمه الجنائية الدولية ضد اسرائيل يدي ده الحق لامريكا تقفل المكتب.

بصرف النظر عن التفاصيل فيه حاجه مهمه جدا نتعلمها من الموضوع ده. هوه انه ملاحقة الفلسطينيين حتى العاديين منهم لإسرائيل و حكامها في المحاكم الدولية سواء الجنائية الدولية او حتى المحاكم العادية في الغرب زي ما بيحصل في اسبانيا او هولندا بتوجع. بدليل ان دي اول حاجه اسرائيل و ادارة ترامب عاوزين الفلسطينيين يوقفوها. لذلك اللي بيقولوا ان ملهاش لازمه و حتعمل ايه الحقيقه اما مش فاهمين او هدفهم تثبيط العزايم. و جوده عملت ملف كامل عن محاكمات نظام السيسي و المتعاونين معاهم و ازاي تتعمل. مصدر ٢. 

المصادر:

١- بيان الخارجيه الامريكيه 

http://www.cnn.com/2017/11/18/politics/state-department-palestinians-washington-mission-israel/index.html

٢- محاكمات نظام السيسي و المتعاونين معه. ازاي؟ 

https://jawdablog.org/2015/03/23/how_to_break_military_coup_14_trials-of-individuals/

https://jawdablog.org/2014/12/28/how_to_break_military_coup_2/comment-page-1/

فرقٌ بين استهلاك الحضارة و انتاج الحضارة

ناس كتير متلخبطين و بتقول ازاي بتقولوا الدول العربية و بالذات الخليج دول متخلفة. انتم مش شايفين عندهم شركات طيران و مترو و الخ. الحقيقة لازم نفك الالتباس ده. هي دول تستخدم التكنولوجيا و لا تنتج التكنولوجيا. نعطيك مثالاً. طيران الإمارات هي اكبر شركه في العالم مالكه لطائرات ٧٧٧-٣٠٠ ممتدة المدى extended range. 

Difference_between_utilizing_versus_producing_civilization

لكن كم قطعة من الطائرة و محركاتها تم إنتاجها في الإمارات؟ صفر. لا شيئ. بينما معظم ما نطلق عليه rotating parts داخل المحرك تم إنتاجها في تركيا في مصنع كبير اسمه TEI و يمكنك ان تبحث عنه بنفسك بسهوله. و هو اكبر مصنع في العالم لإنتاج تلك المكونات التي تحتاج لجودة عالية و هو مصنع لا مثيل له في العالم الا في امريكا و بريطانيا و فرنسا فقط. كم قطعة من الطائرة تم إنتاجها في اسرائيل؟ عدة مكونات في الحقيقه يتم تصنيعها بواسطة شركة صناعات الطيران الاسرائلية.

عليك ان تفرق بين استهلاك الحضاره و انتاج الحضاره. و العالم الجزائري مالك بن نبي كتب عن هذا كثيرا و نشرنا شروحا له هنا

https://jawdablog.org/category/التاريخ/حلقات-سكة-الكواكبي/

كاس العالم في الأرجنيتن سنه ٧٨

World_Cup_in_Argentina_1978

كاس العالم في الأرجنيتن سنه ٧٨ كان اول عهد كتير مننا بالفرجه على كاس عالم. ده المونديال بتاع جيل الخطيب و فاروق جعفر و حسن شحاته اللي اتغلبوا من تونس في تونس بعد لما كسبناهم في القاهره بتشجيع أسطوري من ضمنه ان محمد نوح غنى في ميكروفون أستاد القاهره مدد مدد شدي حيلك يا بلد. و ده خلى الفيفا يلغي التشجيع في الميكروفون. تونس راحت كاس العالم في الأرجنتين و لو انت من الجيل ده حتفتكر اننا شجعنا تونس اللي كسبت اول ماتش ليها مع المكسيك ٣-١. كاس العالم ده كان بتاع ماتش الأرجنتين ضد بيرو (بلبسهم الأبيض اللي فيه خط احمر) اللي الأرجنتين كسبت ٦-صفر! و شفنا فيه كيمبيس الارجنتيني بيجيب ٦ اجوان في كأس العالم. و شفنا التشجيع الارجنتيني الجنوني و هما بيقولوا “ارجنتينا ارجنتينا” و كانت اول مره في حياتنا نشوف ورق الكونفيتي بيترمي في الملعب بالكميات المهوله دي. و سهرنا طول الليل نتفرج على ماتش النهائي و هو بيتلعب ٣٠ دقيقه إضافي بعد التعادل ١-١ بين الأرجنتين و هولندا. و في الاخر الأرجنتين كسبت ٣-١. و ده كان برضه جيل باولو روسي في إيطاليا. و لو نفتكر مدرب الأرجنتين العقر جدا و اسمه سيزار لويس مينوتي. و كان في منتهى الهدوء و التركيز لحد لما الأرجنتين كسبت الكأس.  Read more

« Older Entries