JAWDA

تمتلك مصر ٢١ طائره من طراز سي ١٣٠ هيريكيوليس و هي طائره امريكيه من صنع لوكهيد مارتن ذات اربع محركات من نوع الدفع المروحي propeller و تستخدم في أغراض النقل الجوي للجنود و المعدات الخفيفه. مصدر ١. هي طائره قديمه منذ الخمسينات و لا زالت تستخدم في القوات الجويه الامريكيه في النقل الخفيف و اخلاء الجرحى و التجسس. لكن عمليات النقل الثقيل في الجيش الامريكي الان تعتمد على الطياره الاحدث جالاكسي سي ٥ و هي ايضا من صنع لوكهيد مارتن و ذات ٤ محركات ذات دفع نفاث من طراز سي اف ٦ من صنع جنرال إليكتريك الامريكيه. عشرات من القوات الجويه في العالم تمتلك الطايره سي ١٣٠ بما فبها القوات الجويه المصريه وبنجلاديش و الجزاير و السعوديه و ايران و غيرهم. بينما يقتصر امتلاك الطائرة الاحدث سي ٥ على القوات الجويه الامريكيه فقط حيث توفر مدى بعيد يمكن من نقل الجنود و المعدات لأي مكان في العالم دون التوقف للتزود بالوقود. بينما أقصى مدي للطائرة سي ١٣٠ هو حوالي ٢٣٠٠ ميل فقط و هي مسافه لا تمكن الا بالكاد من الوصول من القاهره الى باريس مثلا. مصدر ٢.  Read more

في السنين الاخيره مصر دخلت حلقه جهنمية مفرغة vicious circle تسلسلها كالتالي:

١- حكومات عاجزه عن توفير الحد الأدنى من رغبات الشعب المصري و تطلعاته. 

٢- الشعب يتململ اكثر 

٣- تقوم الحكومه بزياده الاستبداد و القهر 

٤- يترك مصر افضل عقولها للهجره او يبتعد الاغلبيه عن المساهمه في حكومات لا تمثلهم او لا يشعرون بالراحه معها 

٥- يزداد الانهيار الاقتصادي نتيجه هجره العقول 

٦- يزداد تململ الشعب 

٧- يزيد الاستبداد و القهر 

و هكذا.  Read more

هل ممكن ناخذ موضوع شيرين رضا و الشيخ الشعراوي مع الاذان و نحاول نوضح الصوره شويه بشكل علمي بعيد عن وجهات النظر؟ مره من نفسنا ناخد موضوع بشكل علمي؟

اولا: شيرين رضا بتقول ان صوت الاذان الوحش طارد للسياح. تعالوا نشوف اذا كان فيه اساس علمي و هل دي حقيقه فعلا و لا وجهه نظرها كده. 

الحقيقه ان فعلا مصر من اسوء الأماكن في العالم للسياحه وفق التقارير الدوليه (مصدر ١) لكن شكوى السياح لمصر بتتركز حوالين الآتي: 

١- التحرش بالنساء. الايادي اللي بتتمد على اي سايحه و كلنا عارفين الكلام ده و الانترنت عامره بشكاوى مره ان مصر هي اسوء مكان في العالم للنساء. مصدر ٢. و التقارير دي من سياح راحوا الأماكن السياحيه التقليديه. الأقصر. الهرم. شرم الشيخ. طالما طلعوا بره الفندق ينوبهم ما ينوبهم.  Read more

..١.. كان هناك قرية تعاني من العطش .. ليس لديهم أدوات متقدمة لحفر بئر .. جلس الرجال و النساء يندبون حظهم .. بعضهم هاجر .. بعضهم جلس يحكي انه ما فيش فايدة .. و ان هذا حال هذه القرية منذ قديم الزمان ..و سيظل … بعضهم انطلق يصدر النكات على الفشل المزمن

لكن هناك شاب وحيد .. اعتقد ان عليه العمل .. و على الله النتيجة… و الثواب … لا يستعجل … اخذ جاروف صغير ليحفر البئر … كل يوم يحفر … الجميع يسخر منه … لكن قدوته كان إصرار سيدنا نوح على بناء السفينة ..رغم سخرية الناس …

الحفرة تتزايد يبطئ شديد … لن يصل إلى عمق الماء قبل عشرات السنين لو استمر بهذه السرعة … لكن ظل يحفر Read more

“إن خلع أمة ما من باطلها ليس كخلع امرى لقميصه أو نعله، الأمر يحتاج إلى معاناة طويلة ، يتم خلالها هز التقاليد ورد التهم ، وهذا جهاد الدعوة”

الشيخ محمد الغزالي من كتابه جهاد الدعوة 

فيه مرض نفسي اسمه “الترخيص الاخلاقي” moral licensing و المرض ده بيفسر بشكل كامل تعامل المصريين مع الحجاب و النقاب و البيكيني. المرض ده ملخصه ان الانسان لما بيعمل عمل خير بيتخيل ان بقى عنده رخصه انه يعمل السيئات! فيه مثلا ناس كتير بتفسر ان احد أسباب انتخاب ترامب مش هيلاري هو ان بعض الامريكان لما انتخب باراك اوباما و هو اول رئيس اسود و مش بس كده كمان والده مسلم، تخيلوا ان كده خلاص اثبتوا لنفسهم انهم حلوا كل مشاكل التفرقه و بالتالي بقى عندهم رخصه يختاروا رئيس عنصري بالعكس شديد العنصريه كمان (مصدر ١). النتيجه هي انه تقدم البشرية مش بيحصل بطريقه مطرده ثابته لكن كتير من الأحيان بياخذ خطوتين لقدام و خطوه لورا.  Read more

كتير من المصريين مؤمنون بالمعتقدات التاليه. لو انت مؤمن بيهم يبقى عندك ميول نازيه:

١- الاعتقاد ان فعلا الجنس الآري جنس متفوق. 

و ده اعتقاد عجيب جدا انه يبقى عند مصري مسلم او مسيحي. لانه تسليم بتفوق جنس مختلف. معنى كده انه استعباد السود مثلا مش مشكله بالمخالفة للدين الاسلامي. اللطيف ان الحقائق العلميه بتقول غير كده. يعني البشر كلهم مشتركين في ٩٩٪‏ من الجينات. الأهم ان امريكا و جنودها بعضهم من السود و اغلبهم طليان او أنجلو ساكسون و الاتحاد السوفيتي و هم سلاف و بالنسبه للاريين هم الأحقر، مش بس كسبوا ألمانيا في الحرب. لا. دول خلصوا عليها تماما. 

٢- الاعتقاد ان هتلر كان لسبب غامض سيتعامل بشكل لطيف مع العرب Read more