هل فيه اي حاجه نتعلمها؟

Boycot_Israel.jpg

فيه تطور مهم حصل انت أكيد مسمعتش عنه عشان الاعلام المصري مش عاوزك تسمع عنه. فيه حركه بقالها كذا سنه في امريكا اسمها BDS اختصار boycott, divestment and sanctions , 

او بالعربي المقاطعه و التخلص من الاستثمارات و العقوبات. و هي حركه أسسها امريكان ضد اسرائيل و هدفها إقناع الجامعات و الأفراد و المؤسسات الامريكيه و العالميه بحاجه بسيطه و سهله جدا: لو عندك استثمارات في شركات او مؤسسات إسرائيليه تخلص من الاستثمارات دي لحد لما اسرائيل تعترف بحقوق الفلسطينيين. مقالوش لحد لما اسرائيل تترمي في البحر. مقالوش اضرب و اقتل الاسرائليين. فقط قاطع الشركات الاسرائليه و تخلص من استثماراتك فيها لحد ما اسرائيل ترضى بالسلام. طبعا في البدايه اسرائيل اهملت الحركه دي. حركه من مجموعه يسارين امريكان عايشين في كاليفورنيا. ناس من اللي بيقولوا عليهم California people. يعني ناس بتحب السلام و التعايش و عايشين احلام ورديه بحكم ثراء ولايه كاليفورنيا. بمرور الوقت الحركه اكتسبت زخم و نجحت انها تقنع جامعات امريكيه كبيره انها تشيل استثماراتها من اسرائيل. و نجحت انها تحقق اختراقات مهمه في دول و شركات أوروبية اقتنعت بالحركه و مثلا أوروبا كلها وقفت استيراد اي منتجات مصدرها المستوطنات الاسرائليه في الاراضي المحتله و القانون دلوقتي في أوروبا بيطلب ان اسرائيل توري شهاده منشأ توكد ان المنتج مش طالع من اي مستوطنه و الاتحاد الاوروبي بيفتش عليهم كمان.  Continue reading

احنا ليه بنقلش كتير و هل التقليش ليه تأثير؟

Why_Egyptians_like_sarcasmjpg

“متضاده القلش”

Satire Paradox

ادخل على اي صفحه فيسبوك لأي مصري حتلاقي كتير من البوستات هي ما يطلق عليه القلش. او التريقه يعني باللغة المصريه القديمه. المصريون معروف عنهم مثلا او بيحبوا يقولوا عن نفسهم انهم ولاد نكته او دمهم خفيف. احنا في جوده ممكن نكتب بوست في منتهى الجديه لكن نلاقي عشرات الناس داخله تقلش سواء متفقه معانا او مختلفه. كتير من المصريين متخيلين نفسهم عادل امام في مدرسه المشاغبين. لدرجه انه صعب جدا ينشأ حوار جاد حوالين اي شيئ. بلد كلها بتقلش. كلها عايشه في مسرحيه كوميديه. أنصار الشرعيه بيقلشوا و السيساويه كمان. لكن السؤال هل التقليش ده مفيد؟  Continue reading

ليه قطر نجحت و تركيا نجحت في دحر العدوان و فشلت مصر؟

Why_Qatar_Turkey_Succeeded.jpg

رقم واحد: الداخل 

الشعب القطري و المقيمين محسوش بأي تأثير من الحصار. الحكومه و الشركات القطريه قدرت انها تتعامل بسرعه و مرونه. اهم مثل لكده كان شركه الخطوط الجويه القطريه اللي بسرعه غيرت كل مسارات الطيارات القطريه للتعامل مع الوضع الجديد (صوره ١) لدرجه انه مفيش و لا طياره وقفت و لا حركه اتأثرت الا في الحقيقه التأثير على مواطنين دول الحصار نفسها زي مصر مثلا. تخيلوا مثلا لو كانت الخطوط القطريه مقدرتش تغير المسارات دي كان اما طائراتها حتقف على الارض و يحصل فقدان ثقه في الاقتصاد القطري و الأهم ان كانت شحنات الأكل و العلاج مكانتش توصل قطر و بالتالي كانت حتبقى رجه كبيره في الداخل القطري. او كانت حتطير بعض الطيارات القطريه تحاول دخول المجال الجوي السعودي او الإماراتي و بالتالي كان حيتم اعتراضها و ينتج عن كده انهيار الثقه في الطيران القطري و محدش كان حيرضى يركبه. السرعه و المرونه دي بتيجي من الكفاءه. مهندسين و مخططين طيران على اعلى مستوى من كل جنسيات العالم يقودهم اكبر الباكر رئيس الخطوط القطريه و هو خبير دولي مهم في الطيران و تأثيره ضخم لدرجه ان بوينج بتصمم طيارات بتاثير منه (مصدر ١).  Continue reading

صفقه القرن

The_Century_Deal.jpg

الدليل القاطع على رغبه مبارك إعطاء سيناء للفلسطينيين. الكشف عن طبيعه صفقه القرن. 

السفير سعيد كمال مش اي شخصيه. ده كان سفير فلسطين في القاهره لعشرات السنين. واستمر سفير و ممثل شخصي لياسر عرفات خلال فتره القطيعة الفلسطينيه مع السادات. و هو اللي نبه السادات قبل ٣ أسابيع من اغتياله انه فيه محاوله لقتله. فده شخص غير اعتيادي وكان مراقب لكل الدبلوماسيه السريه المصريه و الفلسطينيه. سعيد كمال قبل ما يموت عمل سلسله حلقات عدت من غير ما حد يأخذ باله منها. الحلقات كلها في مصدر ١ بالصوت والصوره.  Continue reading

جزيرة الوراق ومنهاتن مصر

Warrak_Island

نفاجأك احنا شويه. محدش في جوده معترض اطلاقا على تحويل جزيره الوراق في القاهره الى مانهاتن مصريه. اطلاقا. الاعتراض هو على ٣ نقط:

١- الاستيلاء على الارض من أصحابها القانونيين بالقوه. ليه المبدأ ده مهم؟ لان اساس القانون في اي مكان في العالم هو الحفاظ على الملكيه الفردية. لو انهار المبدأ ده (و هو بالفعل مهتز في مصر) يبقى انا لو صاحب بيت او عماره او ارض او شركه في اي حته في مصر، اصرف عليها و اعملها صيانه او تطوير ليه؟ عشان تاني يوم الحكومه تيجي تهدها و تاخدها؟ أكيد لا. طيب ما الصيانه و التطوير دول اللي بيشغلوا الناس و يخلوهم ينتجوا و يخلوا البلد شكلها جميل. الخ. الحقيقه ان نزع ملكيات الأجانب و تأميم ملكيات الباشوات في مصر و إقرار قانون ايجار مجحف للملاك في الستينات احد اهم نتائجه هو تدهور الشكل الحضري لكل المدن المصريه و تحولها لصفيحة الزباله اللي احنا عايشين فيها. الاستمرار في نفس السياسه هو استمرار في الانتقال من وش لقعر صفيحة الزباله. ببساطه لانه محدش حيستمر في صيانه او تطوير اي حاجه.  Continue reading

دارلين والاش

Darlene Wallach

دارلين والاش Darlene Wallach مهندسه كمبيوتر امريكيه من سان هوزيه بولايه كاليفورنيا. دارلين تعمل في أغنى مجال في أغنى و اجمل منطقه ربما في العالم. والاش أيضا هي عضوه منتخبه في مجلس اداره المنطقه المدرسيه لمدرسه لوثر بيربانك. و لكن دارلين اختارت حياه اكثر صعوبه من أقرانها. والاش عضوه رئيسيه في حمله مقاطعه اسرائيل boycott, divestment, sanction بي دي اس. تقود دارلين مظاهره أسبوعيه في سان هوزيه ضد اسرائيل. كذلك دارلين هي مندوبه منطقه شمال كاليفورنيا في حركه غزه حره العالميه Free Gaza Movement اف جي ام.  Continue reading

الوزير احمد ابو الغيط

Ahmed_Abo_Elgheet

اخيرا الوزير احمد ابو الغيط كشف المؤامره بين امريكا و الإسلاميين. في حديث لقناه روسيا الْيَوْمَ (مصدر ١) احمد ابو الغيط فضح الإسلاميين الاخوان و غيرهم و صفقتهم مع امريكا. احنا دلوقتي عرفنا و فهمنا اللي اتباع السيسي كانوا بيتكلموا عنه و الحاجات الوحشه اللي الاخوان المتأسلمون كانوا حيعملوها. ابو الغيط قال ان فيه ٤ شروط للصفقه بين الغرب و الإسلاميين:

١- انتم (يعني الإسلاميين) تاخذوا الحكم في الدول العربيه و الاسلاميه

٢- بس اوعوا تتعرضوا للمدن بتاعه الغرب. يعني متعملوش تفجيرات في روما او برلين او غيرها من عواصم الغرب. 

٣- متقربوش من اسرائيل لان دي كمان تبعنا. 

٤- مصالح الغرب الرئيسيه في المنطقه تفضل مؤمنه. البترول و القناه و خلافه. 

Continue reading