مسلمي ميانمار

Mianmar

ليه الدول العربيه و الاسلاميه (باستثناء قليل) مش قادره حتى انها تعترض او تشجب او تندد بالاعتداءات على مسلمي ميانمار؟ الحقيقه فيه سببين:

الأولاني ان ميانمار موقع استراتيجي مهم جدا. نفهمه الاول و بعدين نفهم ليه ده موضوع مؤثر على الدول العربيه و الاسلاميه. ميانمار هي أضيق نقطه بين المحيط الهندي و الصين. و بالتالي بدل ان السفن تدور لحد مضيق مالقا عشان توصل لمواني الشاطئ الشمالي الشرقي للصين، ممكن بسهوله ان سفن جايه من الخليج العربي او أوروبا توصل لميانمار و تلقي حمولتها في ميناء جزيره مايد Made island و تروح في خط انابيب ميانمار – الصين Myanmar China Energy Link. ده بيوفر نصف الزمن و نصف التكاليف. لذلك ميانمار بالنسبه للعالم دلوقتي زي مصر و موقعها في القرن ١٨-١٩.  Continue reading

نظريه الترخيص الاخلاقي 

moral licensing

فيه مرض نفسي اسمه “الترخيص الاخلاقي” moral licensing و المرض ده بيفسر بشكل كامل تعامل المصريين مع الحجاب و النقاب و البيكيني. المرض ده ملخصه ان الانسان لما بيعمل عمل خير بيتخيل ان بقى عنده رخصه انه يعمل السيئات! فيه مثلا ناس كتير بتفسر ان احد أسباب انتخاب ترامب مش هيلاري هو ان بعض الامريكان لما انتخب باراك اوباما و هو اول رئيس اسود و مش بس كده كمان والده مسلم، تخيلوا ان كده خلاص اثبتوا لنفسهم انهم حلوا كل مشاكل التفرقه و بالتالي بقى عندهم رخصه يختاروا رئيس عنصري بالعكس شديد العنصريه كمان (مصدر ١). النتيجه هي انه تقدم البشرية مش بيحصل بطريقه مطرده ثابته لكن كتير من الأحيان بياخذ خطوتين لقدام و خطوه لورا.  Continue reading

طبقات الاعتراض

hierarchy_of_disagreement

تعالوا شويه نتعلم ازاي اننا نكتب تعليق او نحتج على رأي او نرد على حد و نقدر بيه اننا نوصل لنتيجه. يا أيها الناس في درجات او طبقات للتعليقات زي ما وضحها بول جراهام في نظريته عن طبقات الاعتراض hierarchy of disagreement نبدأ من أسفلها لحد لما نوصل لاعلاها:

١- درجه الشتيمه: و دي طبعا أدنى الدرجات. انك تعترض او تكتب تعليق بيقول حاجات من نوعيه: “إنتوا خونه” او “انتم ولاد ….” او حط الشتيمه اللي على مزاجك. كل ده اسمه شتيمه او بالإنجليزي name calling. طبعا الدرجه دي متدنيه جدا لدرجه انها ملهاش رد عندنا غير الحذف و المنع. اللي بيلجأ للأسلوب ده هو في الحقيقه بيلجأ له لانه عاجز فكريا عن انه يرتقي لأي درجه اعلى من كده.  Continue reading

هل انت نازي؟ اختبر نفسك

Test_yourself_Are_you_Nazi

كتير من المصريين مؤمنون بالمعتقدات التاليه. لو انت مؤمن بيهم يبقى عندك ميول نازيه:

١- الاعتقاد ان فعلا الجنس الآري جنس متفوق. 

و ده اعتقاد عجيب جدا انه يبقى عند مصري مسلم او مسيحي. لانه تسليم بتفوق جنس مختلف. معنى كده انه استعباد السود مثلا مش مشكله بالمخالفة للدين الاسلامي. اللطيف ان الحقائق العلميه بتقول غير كده. يعني البشر كلهم مشتركين في ٩٩٪‏ من الجينات. الأهم ان امريكا و جنودها بعضهم من السود و اغلبهم طليان او أنجلو ساكسون و الاتحاد السوفيتي و هم سلاف و بالنسبه للاريين هم الأحقر، مش بس كسبوا ألمانيا في الحرب. لا. دول خلصوا عليها تماما. 

٢- الاعتقاد ان هتلر كان لسبب غامض سيتعامل بشكل لطيف مع العرب Continue reading

حد فاكر الحاسب اينار؟ 

Do_you_remember_Inar

كنّا عاوزين نبقى بلد محترمه. ننتج حاجه و نستخدم التكنولوجيا في المدارس و الجامعات. اللطيف انه لما حصل الانقلاب و قلنا ان اول حاجه حتختفي هي اينار قالولنا مؤيدو السيسي يا جهله. اسألوهم في الجحور اللي مستخبيين فيها هوه فين اينار. 

و عشان نفتكر شويه من الزمن الجميل اقرأ الخبر ده بتاريخ مايو ٢٠١٣ عن أضافه سيم كارد و نظام أندرويد للتابلت اينار و انه يعمل ب 3G بالفعل:

http://www.elbalad.news/486548

دلوقتي هم عاوزين يقفلوا فيسبوك و تويتر أساسا بنظريه هات ضرفها.

هل فيه اي حاجه نتعلمها؟

Boycot_Israel.jpg

فيه تطور مهم حصل انت أكيد مسمعتش عنه عشان الاعلام المصري مش عاوزك تسمع عنه. فيه حركه بقالها كذا سنه في امريكا اسمها BDS اختصار boycott, divestment and sanctions , 

او بالعربي المقاطعه و التخلص من الاستثمارات و العقوبات. و هي حركه أسسها امريكان ضد اسرائيل و هدفها إقناع الجامعات و الأفراد و المؤسسات الامريكيه و العالميه بحاجه بسيطه و سهله جدا: لو عندك استثمارات في شركات او مؤسسات إسرائيليه تخلص من الاستثمارات دي لحد لما اسرائيل تعترف بحقوق الفلسطينيين. مقالوش لحد لما اسرائيل تترمي في البحر. مقالوش اضرب و اقتل الاسرائليين. فقط قاطع الشركات الاسرائليه و تخلص من استثماراتك فيها لحد ما اسرائيل ترضى بالسلام. طبعا في البدايه اسرائيل اهملت الحركه دي. حركه من مجموعه يسارين امريكان عايشين في كاليفورنيا. ناس من اللي بيقولوا عليهم California people. يعني ناس بتحب السلام و التعايش و عايشين احلام ورديه بحكم ثراء ولايه كاليفورنيا. بمرور الوقت الحركه اكتسبت زخم و نجحت انها تقنع جامعات امريكيه كبيره انها تشيل استثماراتها من اسرائيل. و نجحت انها تحقق اختراقات مهمه في دول و شركات أوروبية اقتنعت بالحركه و مثلا أوروبا كلها وقفت استيراد اي منتجات مصدرها المستوطنات الاسرائليه في الاراضي المحتله و القانون دلوقتي في أوروبا بيطلب ان اسرائيل توري شهاده منشأ توكد ان المنتج مش طالع من اي مستوطنه و الاتحاد الاوروبي بيفتش عليهم كمان.  Continue reading

احنا ليه بنقلش كتير و هل التقليش ليه تأثير؟

Why_Egyptians_like_sarcasmjpg

“متضاده القلش”

Satire Paradox

ادخل على اي صفحه فيسبوك لأي مصري حتلاقي كتير من البوستات هي ما يطلق عليه القلش. او التريقه يعني باللغة المصريه القديمه. المصريون معروف عنهم مثلا او بيحبوا يقولوا عن نفسهم انهم ولاد نكته او دمهم خفيف. احنا في جوده ممكن نكتب بوست في منتهى الجديه لكن نلاقي عشرات الناس داخله تقلش سواء متفقه معانا او مختلفه. كتير من المصريين متخيلين نفسهم عادل امام في مدرسه المشاغبين. لدرجه انه صعب جدا ينشأ حوار جاد حوالين اي شيئ. بلد كلها بتقلش. كلها عايشه في مسرحيه كوميديه. أنصار الشرعيه بيقلشوا و السيساويه كمان. لكن السؤال هل التقليش ده مفيد؟  Continue reading