JAWDA

نواصل الحديث عن كيفيه بناء مصر علي نضافه في الثوره القادمه (الحلقات كلها في مصدر ١). نتكلم في هذه الحلقه عن اختراع مؤلم لا ينتبه له احد اسمه “الشرطه المدرسيه”! و هو شيئ لا مثيل له في دول العالم المتقدم. في مصر تقوم الاداره باختيار بعض الطلبه و كمان تعطيهم شاره يلبسونها حول ذراعهم و تقول “الشرطه المدرسيه”. فجأه يتحول هذا الطالب لشخص ذي سيطره علي الطلبه حوله و يبلغ عنهم للاداره بسبب او دون سبب. و طبعا موجود في مصر ايضا نظام اسمه “الألفا” و هو نظام شبيه حيث يقوم المدرسون باختيار طالب او كثر وظيفتهم هو حفظ النظام في الفصل في غياب المدرس او المدرسه! طبعا هذه انظمه هي في المركز في تعليم الطلاب ثقافه القمع و الاستبداد. ازاي؟ Read more

في هذه السلسله نتناول اساسيات بناء الدول و المجتمعات الصحيه من دروس العالم و قواعد العلوم السياسيه. الحلقات السابقه كلها في مصدر ١. النهارده حنتكلم عن الثقه! تخيل انه مستحيل اقامه دوله او مجتمع ناجح بدون التعاون و الثقه بين افراد المجتمع. مثلا فرانسيس فوكوياما بيقول ان كل لما الثقه بين الأفراد و بعضهم و بين الأفراد و الحكومه تقل كل لما الدوله تصبح فاشله (مصدر ٢). و هو ادي في كتابه امثله ان اليونان مثلا ثقه الأفراد في الحكومه قليله لان حكام اليونان في التاريخ الحديث كانوا عثمانيين يعني اجانب و بالتالي كانت الثقه قليله. و بيقول ان قله الثقه في الحكومات بتولد المافيا. ازاي؟ بيقول ان ده كان تطور جنوب إيطاليا انهم مش بيثقوا في الحكومه و الشرطه و بالتالي ظهر مجموعات تحمي الناس مقابل اتاوه و ده كان ظهور المافيا. و بمرور الوقت اصبح الناس لا يثقون في بعضهم لان من يحميهم حتي ياخد اتاوه.

فكر كده في وضع مصر. هل انت تثق في الحكومه؟ أكيد لا. هل انت تقدر تخلص حاجه في مصر بدون اتاوه؟ أكيد لا. هل لاحظت ان بعض الناس بقي عندهم فتوات يحموهم؟ و حتي الشرطه عايزه تعمل شركات امن خاصه (مصدر ٣). Read more

علي نضافه … درس من كوستاريكا 

—————————————

في الحلقات دي بنتكلم عن انه بعون الله لما يسقط الانقلاب ايه هي الحاجات المفروض نعملها عشان لا نكرر اخطاء الماضي. اتكلمنا عن اهميه العدل و اتعلمنا ده من اليابان و إنجلترا في القرن ١٩. و ايه هي الطبقه اللي المفروض تقود البلد و اتعلمنا ده من الصين. و شفنا دور الجيش و اهميه المحليات و نوع الاستثمار المفروض يحصل و اتعلمنا ده من دول زي امريكا و الصين و البرازيل. الحلقات السابقه كلها في المصدر ١. حنتعلم النهارده ايه هي الصفات اللي نختارها في القيادات. و حنتعلم ده من كوستاريكا! عجيب مش كده.

كوستاريكا بلد في امريكا الوسطي. جنوبها بنما و شمالها نيكاراجوا و في القرن العشرين كانت كل الدول اللي حواليها ديكتاتوريات عسكريه زي مصر كده. لكن الغريب ان كوستاريكا من سنه ١٩٤٨ (يعني من ٦٥ سنه) محصلش فيها لا انقلابات و لا عنف سياسي و مر عليها حوالي ٢٠ رئيس منتخب في انتخابات حره (مصدر ٢). الاهم كمان ان كوستاريكا متوسط دخل الفرد فيها ١٠ الاف دولار مقارنه مثلا بنيكاراجوا اللي جنبها علي طول و متوسط دخلها ألفين دولار بس! يعني كوستاريكا متوسط المعيشه فيها اعلي من مصر ٣ مرات تقريبا. طيب ايه السبب؟ Read more

في هذه السلسله نتحدث عن كيفيه بناء دوله تستطيع النهوض بالامه عندما تنتصر الثوره ان شاء الله. 

احد اكثر الأمور التباسا في مصر هي وضع الجيش بل وضع اجهزه الدوله بأسرها في المجتمع. حنحاول النهارده نفهم شويه. هل مثلا ممكن يكون في دوله ضعيفه و أمه قويه؟ هل ممكن يكون في دوله ضعيفه و جيش ضعيف و لكن أمه قويه؟ هل ممكن يكون في دوله مستبده و غير ديمقراطيه و لكن شعب عايش سعيد و مبسوط؟ و هل ممكن دوله تكون ديمقراطيه جدا و لكن الشعب حيكون مبسوط اكثر لو كانت الدوله دي مستبده؟ السعوديه دوله مستبده لكن الشعب مبسوط. صح؟ و الصين كمان دوله مستبده لكن عماله تتقدم؟ طيب ليه انتم بتوجعوا دماغنا بالديمقراطيه؟ احنا بس عاوزين نعيش كويس؟ 

تعالوا نفهم بأمثله و بعدين حنربط الامثله دي كلها بالوضع في مصر.  Read more

نواصل هنا حلقاتنا عن كيف نبني علي نضافه (الحلقات السابقه كلها في المصدر ١).

احد اهم قواعد البناء علي نضافه هو التنظيف! يبدو هذا شيئ بديهي لكن في ثوره يناير ٢٠١١ لم يتم تنفيذه بشكل جيد.

الحقيقه ان عمليات الاعتقالات ضد رموز نطام مبارك بعد ثوره ٢٠١١ شابتها ٣ مشاكل كان لا بد ان نلتفت جميعا لها:

١- انها كانت عمليات اعلاميه بهدف تفريغ طاقه الشعب تجاه شخصيات مكروهه. و الحقيقه ان مزاج الشعب المصري كان و مازال مزاج انتقامي و ليس مزاج حقوقي. المزاج الحقوقي معناه الرغبه في استرجاع الحقوق لاهلها. و هذا مختلف تماماً عن النزعه الانتقاميه. و قد تم استغلال تلك النزعه الانتقاميه المتسرعة لكتابه اتهامات يسهل التلاعب حولها كما حدث في كل الحالات دون استثناء حتي ضاعت الحقوق الاصيله. Read more

كيف نبني مصر علي نضافه بعد زوال الانقلاب؟ توصلنا في الحلقات الماضيه ان إصلاح الجهاز الاداري للدوله (جيش – شرطه – قضاء – وزارات – حكم محلي) بالقضاء علي المحسوبيه و الفساد فيه هو اول خطوه ضروريه مثلما فعلت بريطانيا في القرن ١٩. في الحلقه الثانيه تعلمنا من الصين ان ثاني الخطوات الرئيسيه هي تحديد من يقود التنميه في الدوله. و توصلنا ان الجامعات في مصر هي المكان الاسلم لقياده التنميه مثلما كان وضع المحليات في الصين في عام ١٩٩١ مما مكنها من تحقيق طفرات تنمويه (الحلقات السابقه في مصدر ١). Read more

تعلمنا في الحلقه السابقه (مصدر ١) ان احد أولويات بناء مصر بعد زوال الانقلاب هو تكوين دوله تقوم علي العداله و اختيار الاصلح بدون واسطه. و رأينا ان إصلاحات المحسوبيه في بريطانيا و اليابان في القرن ١٩ هي التي أدت لتطورهم. 

في هذه الحلقه سنتعلم من الصين شيئ مهم جدا و هو من يقود النمو و التطور في الاقتصاد سيحدد شكل القادم.  Read more