السعوديه قائمه على احتكار الحديث بإسم الاسلام. وظيفتها في المنطقه هي انها تظهر قدام الشعوب العربيه و الاسلاميه انها تمثل الاسلام الحقيقي و يمكن كمان تتشدد في احكام الاسلام اكثر من المطلوب او الطبيعي. بينما الحقيقه انها تابعه و متحالفه و جزء من نظام الهيمنه الغربي في المنطقه اللي نشأ بعد الحرب العالميه الاولى. النظام ده أتكون بعد انهيار الامبراطوريه او الخلافه العثمانيه اللي كانت الممثل الشرعي للمسلمين و اللي لم ينقطع من وفاه الرسول لحد الحرب العالميه الاولى يعني ١٣٠٠ سنه فيه مؤسسه اسمها الخلافه تتكلم باسم المسلمين. نظام السيطره على الشرق الاوسط بسيط جدا و عبقري في نفس الوقت (مصدر ١): Continue reading →

عبد الرحمن الراشد مش شخص عادي. ده المتحدث الرسمي الحقيقي بأسم الجناح السديري المسيطر في عيله ال سعود. ده الشخص اللي أسس قناه العربيه و جريده الشرق الاوسط و مجله المجله. باختصار هو المؤسس لكل الابواق المتحدثه و المعبره عن ال سعود. حنحكي قصه حتكشف كل حاجه عن عبد الرحمن الراشد و “الفكر الجديد” داخل ال سعود. في وقت باراك اوباما، المسلمين في امريكا كانوا عاوزين يعملوا مسجد بالقرب من مكان ابراج التجاره العالميه و احداث ١١ سبتمبر و يسموه مركز قرطبة. و كان مش بس حيبقى مسجد (المنطقه في جنوب مانهاتن مفيهاش مساجد كافيه) كان حيبقى متحف و مركز إسلامي و دعوي. طبعا حصلت ازمه. و الرئيس اوباما أتدخل لصالح المسلمين و حقهم انهم يبنوا مسجد بالقرب من مكان ١١ سبتمبر. يقوم صاحبنا عبد الرحمن الراشد يكتب و يقول “ان تدخل اوباما موقف غير مهم و غير ضروري بالنسبه للمسلمين” و ان المسلمين ميهمهومش بتبني مسجد بالقرب من ١١ سبتمبر! يعني اوباما يؤيد حق المسلمين. و المسلم العربي يرفض ده. مصدر ١.  Continue reading →

تعالوا ننبهر شويه بالفكر الجديد في السعوديه. الطبيعي ان سياسه السعوديه على مدى عشرات السنين هي الحفاظ على سعر البترول اعلى ما يمكن لكن اقل من انه يسبب كساد عالمي او يسبب ان الغرب يخترع تكنولوجيات جديده تقلل الاحتياج للبترول. كلام واضح و بسيط. لذلك دايما السعوديه بسبب إنتاجها الكبير كانت اما بتزود الانتاج بكثافه زي ايّام حرب الخليج ١٩٩٠ عشان تقلل احتمالات زياده الأسعار وقتها او تقلل الانتاج بشكل كبير لما بيحصل ان الأسعار تقل جدا زي أواخر التسعينات. و دايما السعوديه كان بيتقال عليها swing producer. في الوقت اللي احنا فيه دلوقتي و سعرالبترول في اقل مستوياته و السعوديه عماله تصرف من احتياطيها الاستراتيجي بشكل متسارع على حرب اليمن وعلى جزيه ترامب و على رز السيسي، المفروض ان السعوديه تكون بتقلل الانتاج بشكل كبير. كلام بسيط وواضح.  Continue reading →

اي حد لسه عنده شك ان الدول الاربعه إياها عملاء لإسرائيل يقرأ الكلام ده. من ٣ سنين بالضبط في يوليو ٢٠١٤، و احنا أكيد نسينا، قطاع غزه قدر انه يوقف حركه الطيران من و الى اسرائيل. الإسرائيليين وقتها اتجننوا و لو نفتكر مصر كانت واخده صف اسرائيل لدرجه انها عملت “مبادره” كل نقاطها كانت جايه من اسرائيل. المعلقين في التلفزيون الاسرائيلي (القنوات الاولى و التانيه و العاشره) وقتها كانوا بيقولوا ان التخلص من حماس يبدأ بضرب قطر اولا. و طبعا قالوا القضاء على تركيا كمان لكن تركيا اصعب و عضو في ناتو و مش سهله. مش بس كده وقتها أفيجدور ليبرمان وزير خارجيه اسرائيل قال ان الجزيره لازم تتمنع من اسرائيل و كان متحمس جدا ضد الحزيره. مصدر ٢. 

Continue reading →

فيه تطور مهم حصل يوم الثلاثاء 4/ يوليو في موضوع قطر لكن محدش اخد باله منه. قطر للبترول أعلنت انها ستفتح الانتاج في حقل الشمال لزياده انتاج الغاز القطري بمقدار ٣٠٪‏. مصدر ١. ده معناه تقريبا زياده انتاج قطر بمقدار حوالي ٣٠ مليون طن من الغاز كل سنه. ده كده خبر ممكن يعدي بسهوله على واحد مش متخصص. المتخصص بقى يلاحظ ايه؟ 

اول حاجه ان حقل الشمال ده زي ما اسمه باين هو حقل بيقع في الحدود الشمالية البحريه لقطر مع ايران. الحقل ده هوه نفسه الحقل اللي ايران بتسميه حقل جنوب بارس south Pars. الحقل ده اكبر حقل غاز في العالم دون منازع. مصدر ٢. من حوالي ١٢ سنه و في قمه قيام قطر بتطوير مصادرها للغاز و في عز توسع عمليات الإنشاءات في قطر وقتها فجأه أعلنت قطر من جانب واحد وقف عمليات التوسع المستقبليه و الاكتفاء بما هو متفق عليه فعلا. مصدر ٣. القرار ده وقتها كانت له أسباب عديده: Continue reading →

كشفت صحيفة يديعوت أحرنوت العبرية، يوم الخميس، أنه تم الاتفاق على بدء تفعيل خط طيران مباشر بين “دولة الاحتلال” الصهيوني والمملكة العربية السعودية

وأوضحت الصحيفة أنه في “خطوة رمزية للتطبيع مع الاحتلال، فإن مفاوضات سرية دارت في الآونة الأخيرة بين الولايات المتحدة الأمريكية والسلطة الفلسطينية والسعودية والأردن وإسرائيل للتنسيق لرحلات جوية هي الأولى من نوعها من مطار بن غوريون إلى السعودية”.

Continue reading →