Category Archives: الدول العربية

معلومات سريعه و مهمه عن محمد بن سلمان 

Mohamed_Ben_Salman

طالما انه من يحكمنا فعليا فلازم على الأقل نتعرف عليه. 

مولود سنه ١٩٨٥. حصل على درجه الحقوق من جامعه الملك سعود عام ٢٠٠٣. يعني كان عمره ١٨ سنه و حصل على المركز الثاني في الكليه. و طبعا جامعه الملك سعود من ارقى جامعات الحقوق في العالم ! ده طبعا غير ان السعوديه تشتهر بأنها بلد الحقوق! كما ان التعليم في السعوديه معروف انه لا يجامل اي امير من الأمراء. اطلاقا يعني. مفيش فساد خالص. 

بعد تخرجه أسس و عمل في مجموعه شركات (غير معلومه الهويه و لا النهايه) و انضم في سنه ٢٠٠٩ لمجلس الخبراء التابع لمجلس الوزراء السعودي مع ترقي والده في المناصب. و طبعا هو خبير. اي حد عنده اعتراض؟ و من هناك انطلق و عبر ليصبح وزير دفاع ثم ولي ولي العهد ثم ولي العهد ثم الحاكم الحقيقي للسعوديه و مصر و شمال اليمن.

تقييم الوضع العربى بعد الحرب العالمية الأولى

من الحرب العالمية الاولى و انهيار الخلافة الاسلامية و نظام السيطرة على شعوب الشرق الاوسط مبني على ٣ ركائز:

١- سيطرة دينية على مشاعر الشعوب دي باستخدام انظمة تتطرف في الدين في كل ما لا يهم و لكنها في الحقيقة عميلة كامله للغرب. الانظمة دي كانت متمثله في نظام الشريف حسين في مكة و ورث دوره نظام ال سعود في السعودية. الفكرة ببساطة ان الشعوب دي متدينة و منقدرش اننا نلغي الخلافة عندها ببساطه كدة. لكن الخلافة في اسطنبول كانت بالطبع ضد التبعية و العمالة و كان لها دور وطني اسلامي. يبقى نعمل حاجة شبه الخلافة بتاخد شرعيتها من انها مثلا خادم الحرمين الشريفين و بتأخذ شرعيتها من التطرّف في كل تفاهات الأمور من الدين عشان الدراويش في الشرق الاوسط يحسوا ان ده هوه الدين الحقيقي و يغرقوا في كل السفاهات.

بتطور الاوضاع ال سعود بقى عندهم قنوات فضائيه و شبكات اعلامية و فلوس بالمليارات بيدفعوها عشان غسيل مخ شعوب الشرق الاوسط. و كمان بيشغلوا فيها إعلاميين مصريين و لبنانيين هدفهم استغلال القوة الناعمة لمصر و لبنان انها تبقى في أيد القوة الناعمة السعوديه اللي مبقتش دينيه بس لكن بتحاول تسيطر على كل مصادر القوة الناعمة في الشرق الاوسط عشان تحتفظ بالتوكيل الحصري قصاد الغرب. Read more

نظرة مستقبلية فى أحوال اّل سعود وتأثيره على مصر

Look_into_Al_Saud

الامبراطورية الرومانية لما ابتدت تتراجع و تفلس بعد لما ضيعت فلوسها في القرن التاني في حروب من غير فايدة و مع تزايد التهديدات حواليها من القبائل الجرمانية، زادت فيها الانقلابات و التخلص من الخصوم بالقتل. السبب في كدة بسيط. مفيش مشكلة سياسيه متتحلش بالفلوس. اي مشكله داخل ال سعود كان حلها تاخد كام مليار تعمل بيهم تجارة و تعيش حلو و خلاص. مقرن ساب ولاية العهد كده. لكن مع تراجع الدخل و تضييع الفلوس على مصر و اليمن و ترامب و غيره و توقعات افول عصر البترول و التهديدات من حواليها من صعود نجم ايران و تركيا ، طبيعي ان الحل يبقى باستخدام العنف و الانقلابات. لو عاوز تقرأ عن الامبراطورية الرومانية و تراجعها لازم ترجع لكتاب جيبون تراجع و سقوط الامبراطورية الرومانية و هو كتاب اكتر من ممتاز و للاسف ملقيناش ترجمه عربية ليه! لكن موجود بالمجان بالإنجليزي في مصدر ١.  Read more

فرنسا والدول العربية

The French_andArabs

مش عارف ليه افتكرنا الصوره دي. 

و من سنتين كمان كتبنا:

“حتي معمر القذافي اشتري سلاح فرنسي و تصور ان فرنسا مفتوحة له علي مصراعيها مع إيطاليا (بالضبط كما يتخيل السيسي هذا. بنفس التفاصيل). من منا لا يتذكر ان بيرلوسكوني كان يحتضن القذافي و ان ساركوزي وفر عشرات من الحارسات الخاصات للقذافي في داخل قصر الاليزيه؟ 

و لكن عندما جد الجد اكتشف كل هؤلاء ان فرنسا هي في الحقيقه جزء تابع في التحالف الغربي لامريكا. قد يسمح لها في بعض الأحيان ان تأخذ سياسة مستقلة كي تعظم بعض الارباح الوقتية كما يحدث الان. و لكن عند الجد تجد أمور.  Read more

رؤية حول أطراف الصراع في المنطقة

View_of_Conflict_parties_in_the_region

تغيرات العلاقه بين مصر و غزه أكيد كانت صادمه لناس كتير. ازاي غزه و فيها حماس/اخوان تقبل التعامل مع النظام المصري؟ و ازاي السيسي يقبل انه يخط أيده في أيد جماعه من الاخوان و فتحت السجون و يحاكم محمد مرسي بتهمه التخابر معها؟ الطرف الأولاني ارتاح لما قال انه حماس اعلم بشعابها بس يا ريت تاخدوا بالكم. و الطرف التاني قال السياسه نجاسه و السيسي مناور و احنا مالنا. وبعدين دخلت الكوره و نسيتنا الموضوع و لو مؤقتا. تعالوا نفهم شويه الأوضاع. 

في اي صراع في العالم لازم نفهم الاطراف المهمه جايه منين و عاوزه ايه قبل ما احنا ندخل في تفاصيل بعضها ممكن ميكونش مهم.  Read more

الديمقراطيه حتميه في مصر بقلم: جيمي كارتر 

Jimmy_Carter

لماذا انا مؤمن بقدرات الشعب المصري

صيف ٢٠١٢

الأحداث خلال العام الماضي او اكثر كانت في رصيد الشعب المصري. لقد استطعتم التغلب على عقبات مهوله. و بالرغم ان التطورات كانت في بعض الأوقات ضبابية و أوقات اخرى ايجابيه و احيانا أيضا سلبيه لكن بشكل عام حدث تقدم. لو نجح المصريون في تحولهم الديمقراطي ليس فقط سيحلون مشاكل بلادهم و لكن بلاد اخرى عربيه و غير عربيه ستلحق بمصر في التحول من الديكتاتوريه و الشموليه صوب الحريه و الديمقراطيه. 

كي تنجحوا يحب عليكم ان تظهروا ان المسيحيين و المسلمين يستطيعون العيش معا في تجانس و احترام متبادل. كذلك العرب و اليهود و الفلسطينيون و الأمريكيون مثلي بامكانهم العمل معا من اجل الصالح المشترك. ان الانسان بصرف النظر عن لون بشرته او معتقداته الدينيه سواء رجل او امرأة جميعا متساوون امام الله و يجب ان يعاملوا بمساواه من قبل حكوماتهم أيضا. انني ارى حريه و ديمقراطيه و حقوق إنسان و رفع المعاناه و السلام. انني ارى كل ذلك في المستقبل.  Read more

الحرب الأهليه السوريه والسياسه السعوديه

Civil_War_in_Syria_And_Saudi_Politics_Change

احنا شايفين بعينينا لكن من غير ما ناخد بالنا الحقيقه انتهاء الحرب الأهليه السوريه و تغيير السياسه السعوديه ١٨٠ درجه. ازاي؟ و ازاي احنا مش واخدين بالنا؟ 

راقب اتفاق وقف النار اللي أتفاوض عليه ترامب مع بوتين. الاتفاق ده ساري لحد دلوقتي بدقه و بالتالي الحدود السوريه الأردنيه بقت هاديه صحيح مش بشكل كامل لكن افضل بكتير من اي اتفاقات سابقه. مصدر ١. الاتفاق ده في الحقيقه مش وقف إطلاق نار موقت او هدنه زي ما كان بيحصل زمان. ده اتفاق ببساطه ان المعارضه السوريه تقف مكانها و قوات بشار الأسد تقف مكانها. المعارضه عاوزه تحكم في مكانها و تشغل الشرطه و المستشفيات و المصالح الحكوميه، مفيش مانع. ببساطه هي اتفاق حكم ذاتي لأي طرف شارك في الثوره السوريه طالما بشار يفضل رئيس. في الحقيقه هو اتفاق لتقسيم سوريا دون اعلان التقسيم بشكل فعلي.  Read more

« Older Entries