الحرب الأهليه السوريه والسياسه السعوديه

Civil_War_in_Syria_And_Saudi_Politics_Change

احنا شايفين بعينينا لكن من غير ما ناخد بالنا الحقيقه انتهاء الحرب الأهليه السوريه و تغيير السياسه السعوديه ١٨٠ درجه. ازاي؟ و ازاي احنا مش واخدين بالنا؟ 

راقب اتفاق وقف النار اللي أتفاوض عليه ترامب مع بوتين. الاتفاق ده ساري لحد دلوقتي بدقه و بالتالي الحدود السوريه الأردنيه بقت هاديه صحيح مش بشكل كامل لكن افضل بكتير من اي اتفاقات سابقه. مصدر ١. الاتفاق ده في الحقيقه مش وقف إطلاق نار موقت او هدنه زي ما كان بيحصل زمان. ده اتفاق ببساطه ان المعارضه السوريه تقف مكانها و قوات بشار الأسد تقف مكانها. المعارضه عاوزه تحكم في مكانها و تشغل الشرطه و المستشفيات و المصالح الحكوميه، مفيش مانع. ببساطه هي اتفاق حكم ذاتي لأي طرف شارك في الثوره السوريه طالما بشار يفضل رئيس. في الحقيقه هو اتفاق لتقسيم سوريا دون اعلان التقسيم بشكل فعلي.  Continue reading

استخرج المشاكل في التويته؟

What_is_wrong_with_this_tweet

خلف احمد الحبتور هو ملياردير اماراتي تخصصه انشاء و اداره الفنادق فمثلا يمتلك فندق سان ريجيس دبي و ويستين دبي. خلف بعث تويته تعزيه للسيسي (اولا) و الشعب المصري (ثانيا) في حادثه القطار الاخيره. ثم أعقبها مباشره بالرد على تويته التعزيه كاتبا:

“تسليم اداره القطاعات العامه في مصر كالسكك الحديديه و المطارات و الفنادق و المشافي لشركات خاصه مثل الدول الغربيه من مصلحه شعبها” 

استخرج المشاكل في التويته. أدي بعض من المشاكل اللي احنا طلعناها:

١- في تقاليدنا و تقاليد العروبه ان اللي ييجي في العزاء ميجيش في نفس اللحظه بيدور على مصلحه و انه يورث القتيل.  Continue reading

حركه الطيران بين تل ابيب و القاهره

Air_Travel_Between_Cairo_Tel_Aviv_1.jpg

لاحظت جوده زياده كبيره في حركه الطيران بين تل ابيب و القاهره منذ عام ٢٠١٢. في عام ٢٠١٢ قاربت حركه الطيران على التوقف (مصدر ١). و طالب وزير النقل الاسرائيلي وقتها بوقف الحركه بين تل ابيب و القاهره بسبب انعدام المسافرين. و نشرت وقتها الصحف الاسرائليه ان هذا امر غير مسبوق منذ معاهده السلام المصريه الاسرائليه. كان هذا في سبتمبر ٢٠١٢. ثم جرت مياه كثيره تحت السدود و الكباري و عادت الحركه لسابق عهدها وهو ٤ رحلات طيران كل اسبوع. مصدر ٢. و كانت مصر في يوليو ٢٠١٤ احدى الدول القلائل في العالم التي استمرت في تسيير الطيران لمطار بن جوريون وقت حرب غزه ٢٠١٤ في حين أوقفت الحركه الولايات المتحده الامريكيه ذاتها للحفاظ على سلامه الطيران خلال وقت كانت غزه تقصف فيه مطار بن جوريون. مصدر ٢. طبعا مصر استمرت في الطيران وقتها. لا تعاطف مع غزه حتى بالعكس الأهم هو التعاطف مع اسرائيل. Continue reading

ليه السعوديه بتخاف من تركيا او قطر او الاخوان؟

Why_Saudi_Fear_Qata_and_Turkey

السعوديه قائمه على احتكار الحديث بإسم الاسلام. وظيفتها في المنطقه هي انها تظهر قدام الشعوب العربيه و الاسلاميه انها تمثل الاسلام الحقيقي و يمكن كمان تتشدد في احكام الاسلام اكثر من المطلوب او الطبيعي. بينما الحقيقه انها تابعه و متحالفه و جزء من نظام الهيمنه الغربي في المنطقه اللي نشأ بعد الحرب العالميه الاولى. النظام ده أتكون بعد انهيار الامبراطوريه او الخلافه العثمانيه اللي كانت الممثل الشرعي للمسلمين و اللي لم ينقطع من وفاه الرسول لحد الحرب العالميه الاولى يعني ١٣٠٠ سنه فيه مؤسسه اسمها الخلافه تتكلم باسم المسلمين. نظام السيطره على الشرق الاوسط بسيط جدا و عبقري في نفس الوقت (مصدر ١): Continue reading

عبد الرحمن الراشد … المتحدث الرسمي الحقيقي بأسم الجناح السديري

AbdelRahman_ALRashid.jpg

عبد الرحمن الراشد مش شخص عادي. ده المتحدث الرسمي الحقيقي بأسم الجناح السديري المسيطر في عيله ال سعود. ده الشخص اللي أسس قناه العربيه و جريده الشرق الاوسط و مجله المجله. باختصار هو المؤسس لكل الابواق المتحدثه و المعبره عن ال سعود. حنحكي قصه حتكشف كل حاجه عن عبد الرحمن الراشد و “الفكر الجديد” داخل ال سعود. في وقت باراك اوباما، المسلمين في امريكا كانوا عاوزين يعملوا مسجد بالقرب من مكان ابراج التجاره العالميه و احداث ١١ سبتمبر و يسموه مركز قرطبة. و كان مش بس حيبقى مسجد (المنطقه في جنوب مانهاتن مفيهاش مساجد كافيه) كان حيبقى متحف و مركز إسلامي و دعوي. طبعا حصلت ازمه. و الرئيس اوباما أتدخل لصالح المسلمين و حقهم انهم يبنوا مسجد بالقرب من مكان ١١ سبتمبر. يقوم صاحبنا عبد الرحمن الراشد يكتب و يقول “ان تدخل اوباما موقف غير مهم و غير ضروري بالنسبه للمسلمين” و ان المسلمين ميهمهومش بتبني مسجد بالقرب من ١١ سبتمبر! يعني اوباما يؤيد حق المسلمين. و المسلم العربي يرفض ده. مصدر ١.  Continue reading

الفكر الجديد في السعوديه

Saudi_Arabia_New_Vision

تعالوا ننبهر شويه بالفكر الجديد في السعوديه. الطبيعي ان سياسه السعوديه على مدى عشرات السنين هي الحفاظ على سعر البترول اعلى ما يمكن لكن اقل من انه يسبب كساد عالمي او يسبب ان الغرب يخترع تكنولوجيات جديده تقلل الاحتياج للبترول. كلام واضح و بسيط. لذلك دايما السعوديه بسبب إنتاجها الكبير كانت اما بتزود الانتاج بكثافه زي ايّام حرب الخليج ١٩٩٠ عشان تقلل احتمالات زياده الأسعار وقتها او تقلل الانتاج بشكل كبير لما بيحصل ان الأسعار تقل جدا زي أواخر التسعينات. و دايما السعوديه كان بيتقال عليها swing producer. في الوقت اللي احنا فيه دلوقتي و سعرالبترول في اقل مستوياته و السعوديه عماله تصرف من احتياطيها الاستراتيجي بشكل متسارع على حرب اليمن وعلى جزيه ترامب و على رز السيسي، المفروض ان السعوديه تكون بتقلل الانتاج بشكل كبير. كلام بسيط وواضح.  Continue reading

!الإمارات والحرب على مسلمي أمريكا

United_Arab_Emarates_and_War_on_Muslim_Americans.jpg

بقلم احمد غانم

الإمارات تبرعت بمليون دولار لإدراة الاستخبارات التابعة لشرطة نيويورك في عام ٢٠١٢..ومن المعروف أن هذه الإدارة كانت متورطة بشكل كبير في التجسس على المسلمين وعلى معظم المساجد في نيويورك وكانوا زارعين مخبرين في كل المساجد وحتى المدارس والجامعات اللي فيها مسلمين

مصدر تسريب خبر التبرع هو موقع الأنترسبت الأمريكي

وهذا هو لينك التسريب: https://goo.gl/aFQty4

Continue reading