صفحات منسيه من حياة الرسول محمد  صلى الله عليه و سلم …   الحلقه ٣٤

Forgotton_Pages_of_the_prophet_life_34

صفحات منسيه من حياة الرسول محمد 

صلى الله عليه و سلم 

“اقتلوهم و لو تعلقوا بأستار الكعبه” 

من هم الذين امر الرسول بقتلهم بعد فتح مكه بالرغم انه أعطى الأمان لأهل مكه؟ 

ماذا فعلوا كي يستحقوا ذلك؟ و العبر المستفادة الْيَوْمَ. 

شفنا في الحلقة اللي فاتت ازاي حصل فتح مكه و ازاي الرسول أدى الأمان لأهل مكه. لكن الأمان ده استثنى ٦ أفراد بالعدد منهم ٥ رجال و امرأة. و الرسول قال اقتلوهم و لو حتى اتعلقوا بأستار الكعبه. يعني على عكس الشائع ان الأمور كانت سلميه و خلاص. طيب ايه السبب اللي خلى السته دول يبقوا كده؟ تعالوا نشوف. 

“جاء في ” الأحكام السلطانية ” للماوردي ” ص 132 ” أنهم ستة، هم:

1ـ عبد الله بن سعد أبي سرح، كان من كُتّاب الوحي، فكان يغير ما أمرَه الرسول بكتابتِه ثم ارتدَّ ولحِق بقريش.

2 ـ عبد الله بن خطل ، كانت له جاريتان تُغنيان بسبِّ الرسول صلّى الله عليه وسلم .

3 ـ الحُويرث بن نُفيل ، كان يؤذِي الرسول .

4 ـ مقيس بن حبابة كان بعض الأنصار قتل أخاه خطأ فأخذ ديته ثم اغتال القاتِل وعاد إلى مكّة مرتدًّا .

5 ـ سارة مولاة لبعض بني عبد المطلب كانت تسبُّ وتؤذي .

6 ـ عكرمة بن أبي جهل، كان يكثر التأليب على الرسول، طلبًا لثأر أبيه.” Continue reading “صفحات منسيه من حياة الرسول محمد  صلى الله عليه و سلم …   الحلقه ٣٤”

صفحات منسيه من حياة الرسول صلى الله عليه و سلم…  احداث لا تعرفها عن كيف تم فتح مكه

احداث لا تعرفها عن كيف تم فتح مكه!

كيف انك تتجنب الاستفزاز الذي لا ضروره له لانه ممكن يكون مقصود! 

الحلقه ٣٣ 

Forgotton_Pages_of_the_prophet_life_33_2

بعد صلح الحديبيه، المتطرفين في مكه حرضوا قبيله بدويه متحالفه مع مكه اسمها بني بكر انها تهاجم قبيله بدويه تانيه اسمها بني خزاعه متحالفه مع المسلمين و تقتل ٢٠ منها. الفكره ان الرسول صلى الله عليه و سلم أكيد حيتدخل عشان ينتقم لحق بني خزاعه و الا هيبته تضيع. القتله من بني بكر هربوا على مكه و احتموا بيها. و بكده الفكره ان المسلمين حيحاولوا ينتقموا مش بس من القبيله المعتديه لكن من مكه ذاتها و بده يبقى ترجع الحرب بين مكه والمدينة و ينتهي صلح الحديبيه. Continue reading “صفحات منسيه من حياة الرسول صلى الله عليه و سلم…  احداث لا تعرفها عن كيف تم فتح مكه”

صفحات منسيه من حياة الرسول صلى الله عليه وسلم… السهل الممتنع  نبي الحرب و السلام…  الحلقه ٣٢ 

Forgotton_Pages_of_the_prophet_life_32.jpg

بالوصول لصلح الحديبيه الرسول اثبت انه مش بس نبي الحرب لكن برضه نبي السلام. الرسول عكس مقولة كلاوسفيتس قبلها ب ١١ قرن و اثبت ان الحرب و السلام الاتنين وسائل من وسائل السياسه و تحقيق الأهداف. غاندي نفسه حقق اقل من اللي حققه الرسول بالسلام. الرسول أرغم مكه انها تنزع سلاحها و انها ميبقاش قدامها الا انها تنازعه بالحجه و طبيعي ان حجتهم اقل بكتير. الرسول بصلح الحديبيه زي ما شفنا في الحلقه السابقه (مصدر ١) انتزع القدره انه يلغي تحالفات مكه السابقه و بالتالي يقدر انه اولا يقنع القبائل في نجد اللي كانت متحالفه مع مكه بدخول الاسلام و انه كمان يطلق أيده انه يحارب قبائل عندها تحالف ضمني مه قريش من غير ما قريش تتدخل. 

Continue reading “صفحات منسيه من حياة الرسول صلى الله عليه وسلم… السهل الممتنع  نبي الحرب و السلام…  الحلقه ٣٢ “

صفحات منسيه من حياة الرسول صلى الله عليه وسلم …  الحلقه ٣١ 

صفحات منسيه من حياة الرسول

صلى الله عليه و سلم

السهل الممتنع 

الخطه الاستراتيجيه لدخول مكه و انتهاء دور القتال 

Forgotton_Pages_of_the_prophet_life_31.jpg

تعليق جوده:

الكتاب المدرسي المصري يفشل فشل ساحق في شرح الأهداف الاستراتيجيه لصلح الحديبيه. نتوقع ان ما سنقوله هنا هو امر لا يعرفه الغالبيه من قبل. و هو جزء من جعل دراسه الدين في مصر امر جاف جدا. سنرى هنا قد ايه فيه دروس كبيره في الحياه و السياسه من صلح الحديبيه.  Continue reading “صفحات منسيه من حياة الرسول صلى الله عليه وسلم …  الحلقه ٣١ “

صفحات منسيه من حياة الرسول صلى الله عليه و سلم  …  الحلقه ٣٠

“مذبحه” بني قريظه

ليه الرسول قتل يهود بني قريظه؟ 

هل كانت مذبحه غير مبرره؟ هل كان لا بد منها؟ ما هو الباقي منها حتى الْيَوْمَ؟ 

Forgotton_Pages_of_the_prophet_life_30.jpg

ليله يوم جمعه من شهر فبراير ٦٢٧ م انسحب الأحزاب من حصار المدينه بعد فشلهم سياسيا و بعد لما جات ريح قويه عصفت بنار التدفئة زي ما شفنا في الحلقه السابقه (مصدر ١). 

في صلاة الجمعه الرسول أعلن هزيمه الأحزاب في الخطبه. لكن أعلن حاجه تانيه مهمه جدا. أعلن ان بني قريظه و هم اخر قبيله يهوديه فضلت في المدينه كانوا متعاونين مع الأحزاب و انه يجب حصار قريتهم. المؤمنون خرجوا من الصلاه و اخدوا سيوفهم و سلاحهم و راحوا حاصروا قريه بني قريظه.  Continue reading “صفحات منسيه من حياة الرسول صلى الله عليه و سلم  …  الحلقه ٣٠”

صفحات منسيه من حياة الرسول صلى الله عليه و سلم… الحلقه ٢٩

دور نعيم بن مسعود الذي لا يتذكره احد في هزيمه الأحزاب

Forgotton_Pages_of_the_prophet_life_29.jpg

بعد هزيمه احد، الرسول صلى الله عليه و سلم أتعرض لهجوم شديد في المدينه و ده طبيعي بعد اي هزيمه خارجيه. لكن الرسول قدر انه يتخلص من زعماء الهجوم ده و فيهم نزلت آيات المنافقين زي ما شفنا في الحلقات السابقه (مصدر ١). شفنا ان القدره على المناوره ضد الأعداء الداخليين و تدعيم الموقف الداخلي مهم جدا بعد اي هزيمه. 

بعد التخلص من المنافقين و تدعيم الموقف الداخلي، الرسول وجه اهتمامه للجبهه الخارجيه. في الوقت ده زادت الهجمات ضد طرق تجاره قريش و الهدف من ده هو توصيل رساله لقريش انه صحيح انتصروا في احد لكن خط حياتهم ممكن تهديده. بدل ما قريش تاخد طريق مباشر من الشام للوصول لمكه عن طريق المدينه، القوافل اضطرت انها تلف لحد حدود العراق الحاليّه مع السعوديه و تلف داخل نجد لحد ما توصل مكه لتجنب المرور بالمدينه و المناطق المحيطه بها المتحالفه مع المسلمين.  Continue reading “صفحات منسيه من حياة الرسول صلى الله عليه و سلم… الحلقه ٢٩”

صفحات منسيه من حياه الرسول  صلى الله عليه و سلم  …  الحلقه ٢٨

صفحات منسيه من حياه الرسول 

صلى الله عليه و سلم 

زيجات الرسول و حقيقتها و 

القصه الحقيقه وراء حادثه الإفك و الأحداث التي لم تروى! 

Forgotton_Pages_of_the_prophet_life_28

الزواج في العالم في القرن السابع كان مفهومه مختلف جدا عن دلوقتي. في معظم الأوقات كان وسيله لتوطيد العلاقات داخل العائله الواحدة او وسيله لحل الصراعات بين الأعداء. يعني طبيعي جدا في القرن السابع الميلادي في أوروبا او اسيا انه ملكين كان بينهم حرب و لما تنتهي الحرب جزء من اتفاق السلام انه كل واحد منهم يتجوز أخت او ابنه الثاني. و هكذا. في شبه الجزيره العربيه الزواج كان واخد شكل مؤسسي للعلاقات بين القبائل. يعني تلاقي القبائل كلها بينها و بين بعضها علاقات تزاوج واسعه جدا. ده كان له هدفين مهمين جدا: اولا ضمان انهم ميحاربوش بعض. مش معقول مثلا حتحارب قبيله ابن زعيمها هو ابن اختك مثلا. و خصوصا ان لو ابن اختك ده هو اللي عليه الدور يأخذ الزعامه. ثانيا انها بقت شبكه إنذار مبكّر و تداول اخبار بين القبائل العربيه عن مين بيعمل ايه. الزوجه بتبعت لأبيها في قبيله تانيه تقوله ان قبيله جوزها متضايقة من الموضوع كذا و ياريت تحلوه او ان قبيله جوزها فيها مشاكل كذا او بتحضر لحرب ضد قبيله تانيه و هكذا. شبكه اخبار و إنذار مبكّر مضمونه و بيها الجزيره العربيه بتضمن نوع من الاستقرار. طبعا مستحيل انه لو شيخ القبيله محدد انه يتجوز واحده بس ان شبكه العلاقات دي تتكون. و مع ملاحظه انه فيه عشرات القبائل في الجزيره فلازم يبقى عدد الزيجات كبير بالذات كل ما المنصب ارتفع.  Continue reading “صفحات منسيه من حياه الرسول  صلى الله عليه و سلم  …  الحلقه ٢٨”

صفحات منسيه من حياه الرسول صلى الله عليه و سلم  …  الحلقه ٢٧

كيف تعامل الرسول سياسيا مع هزيمه احد و الدروس التي يستلهمها اردوغان من ذلك! 

الحلقه ٢٧

Forgotton_Pages_of_the_prophet_life_27_1

شفنا في الحلقه الماضيه (مصدر ١) ان الرسول صلى الله عليه و سلم رجع من هزيمه احد ليواجه اضطرابات سياسيه ضخمه في المدينه. قائد الاضطرابات دي كان ابن أُبي اللي في الأساس كان عاوز يبقى ملك المدينه و كان على وشك يبقى ملك فعلا قبل وصول الرسول للمدينه. ابن أُبي كانت فكرته بسيطه جدا. فكرته ان الرسول ما سمعش كلامه و راح احد عكس ما نصحه. و انه صحيح الرسول على دماغنا نبي و قائد ديني لكن مش قائد سياسي. و بالتالي المدينه محتاجه قائد سياسي (أكيد طبعا ابن أُبي) يكون جنب القائد الديني. الكلام ده احنا عارفينه كويس جدا و معروف تحت عنوان فصل الدين عن السياسه. لما أبن أُبي قال الكلام ده المؤمنون أجبروه انه ينزل عن المنبر و قالوله انزل يا عدو الله. بعدها على طول نزلت سوره المنافقون. “اذا جاءك المنافقون قالوا نشهد انك لرسول الله و الله يعلم انك لرسوله و الله يشهد ان المنافقين لكاذبون” Continue reading “صفحات منسيه من حياه الرسول صلى الله عليه و سلم  …  الحلقه ٢٧”

صفحات منسيه من حياه الرسول  صلى الله عليه و سلم  … الحلقه ٢٦

Forgotton_Pages_of_the_prophet_life_26.jpgتبعات الهزيمه في احد و كيف يتعامل القائد مع الهزيمه

الحلقه ٢٦

—————

شفنا الحلقه اللي فاتت (مصدر ١) ان ابي سفيان تقريبا اعتذر عن تصرفات زوجته و كلامه للرسول صلى الله عليه و سلم كان واضح انه بيقول انه ملوش دعوه بالتمثيل بجثه حمزه عم الرسول. دي كانت نقطه فارقه في تاريخ الاسلام لان الاسلام دلوقتي بقى عدوه مش شخص أيدلوجي زي ما ابو لهب كان. ابو لهب كان بيكره الاسلام والمسلمين فقط لانه كان بيكرههم. مش بس مسأله انه تهديد لأسلوب الحياه في قريش. ابو سفيان كان راجل تاجر عملي. ابو سفيان كان بيحارب الاسلام لانه تهديد لحياه و تجاره قريش. 

الرسول عليه الصلاه و السلام شفنا انه اتضرب في رأسه الشريف في احد. الضربه كانت قويه لدرجه ان الصحابه تخيلوا انه مات. بالرغم ان الجرح التئم لكن الرسول حيعاني من صداع نصفي بسببه بقيه حياته.  Continue reading “صفحات منسيه من حياه الرسول  صلى الله عليه و سلم  … الحلقه ٢٦”

صفحات منسيه من حياه الرسول صلى الله عليه و سلم… الحلقه ٢٥

تصرف ابي سفيان المفاجئ بعد نهايه معركه احد

ماذا فعل؟

Forgotton_Pages_of_the_prophet_life_24

شفنا في الحلقات السابقه (مصدر ١) ان زعماء مكه كانت عادتهم يخلوا أهالي القتلى في المعارك السابقه يطلعوا يحمسوا المقاتلين. بالضبط مثلا زي ما السيسي دلوقتي يطلع أهالي “الشهداء” معاه في التلفزيون متجاهلين تماما ان الناس دي رايحه تقتل و تسكر بيوت أهالي سيناء دم تمييز. في معركه أحد، ابو سفيان اختار ١٥ من ارامل و بنات القتلى في بدر و كانت بتقودهم زوجته شخصيا هند بنت عتبه. لاحظ الفارق هنا ان ابي سفيان كان عنده شجاعه مش زي الانظمه العربيه دلوقتي. هند كانت من عيله أرستقراطية في قمه الهرم في مكه اللي كانت وقتها حاجه زي دبي كده. زي ما تقول انها مثلا مرات محمد بن زايد او محمد بن راشد دلوقتي. 

هند كانت بتقول الشعر و كانت شخصيه سياسيه مهمه جدا و ابو سفيان كان زوجها التالت و تزوجته بعد ما تركت زوجها الاول و التاني و قالت لوالدها انها مش حتتجوز حد الا لما يتعرض عليها الاول و توافق او ترفض و ابوها قالها “ذلك لك”. 

في احد هند قادت النسوه و كانت بتقول الشعر التالي:

نحن بنات طارق نمشي على النمارق

إن تقبلوا نعانق وإن تدبروا نفـارق Continue reading “صفحات منسيه من حياه الرسول صلى الله عليه و سلم… الحلقه ٢٥”