التاريخ السري للمخابرات المصريه و مباحث أمن الدوله  ..  الحلقه ٥٦

ما وراء كواليس الأيام الأولى لمبارك 

ما هي الخطه ١٠٠ لتأمين مصر؟

و تصرفات مبارك المثيره للاستغراب في شهر اكتوبر 

#التاريخ_السري_للمخابرات

————————

قيادات الدوله في مصر كانت خايفه بعد اغتيال السادات انه يكون فيه مؤامره كبيره داخل الجيش للانقلاب على الحكم. لذلك اخذوا إجراءات كان أهمها ان قوات الحرس الجمهوري قفلت كل الطرق المؤدية للقناه عشان تمنع اي تحركات الجيش من دخول القاهره. كمان بعتوا كل الوحدات المشاركة في العرض العسكري على قوتها الأصليه في الجيشين التاني و التالت و تم تفتيشهم خلال طريق الرجوع للتأكد انه معهمش سلاح بإبر الإطلاق. مصدر ١. 

طبعًا في البدايه كان فيه شك في المخابرات العسكريه بالنظر للتقصير الشديد منها و اللي شرحناه في الحلقه ٥٥. لذلك كان الاعتماد الرئيسي في الساعات الأولى على مباحث امن الدوله اللي قبل الاغتيال اثبتت كفاءه في تعقب خلية الاغتيال. 

وزارة الداخليه كان عندها خطه للطوارئ اسمها “الخطه ١٠٠”. (دي نفس الخطه اللي اتنفذت خلال ثورة يناير برضه). بموجب الخطه دي عناصر من امن الدوله و الحرس الجمهوري بتنزل تؤمن الكباري الرئيسيه على النيل و مباني الإذاعة و التلفزيون و الجوامع الرئيسيه و القصور الرئاسية. مصدر ٢.  Continue reading “التاريخ السري للمخابرات المصريه و مباحث أمن الدوله  ..  الحلقه ٥٦”

التاريخ السري للمخابرات المصريه و مباحث امن الدوله  … الحلقه ٥٥

من هم مدربي مبارك؟ 

من هو مبارك الحقيقي؟ و كيف نعرفه من شخصيات مدربيه

#التاريخ_السري_للمخابرات

Hidden_History_Egyptian_Intelligence_55

عصر يوم ٦ اكتوبر ١٩٨١ تولى حسني مبارك حكم مصر فعليا. اتخرج مبارك من الكليه الجويه عام ١٩٤٩ و قاد طائرات تي يو (توبوليف) الروسية القاصفه للقنابل فوق اليمن و لاحقا في تدريبات في الاتحاد السوفيتي. بعد عودته من الاتحاد السوفيتي تمت ترقيته لقائد الكليه الجويه ثم قائد سلاح الطيران قبيل حرب ٧٣. بعد الحرب اختاره السادات ليكون نائب الرئيس و أوكل مهمة تدريبه لمجموعه من المعاونين أحاطوا به خلال فترة توليه منصب نائب الرئيس. 

مستشار حسني مبارك و مدربه الأساسي كان اسامه الباز. كثيرون الحقيقه انخدعوا في اسامه الباز. أسامه كان مدير مكتب سامي شرف في أواخر الستينات و بالتالي مش بعيد عن صناعة عمليات القمع في مصر. مصدر ١.  Continue reading “التاريخ السري للمخابرات المصريه و مباحث امن الدوله  … الحلقه ٥٥”

التاريخ السري للمخابرات المصريه و مباحث أمن الدوله  … الحلقه ٥٤

إذا وقعت الواقعه! 

اسوء فشل في تاريخ اجهزة المخابرات المصريه 

هل هناك دور لحسني مبارك و الجيش المصري في اغتيال السادات؟

الحلقه ٥٤

#التاريخ_السري_للمخابرات

Hidden_History_Egyptian_Intelligence_54

في يوم ٦ اكتوبر ١٩٨١ نجح خالد الاسلامبولي و مجموعته في اختراق عدة نطاقات من الأمن المصري و اغتيال رأس الدوله المصريه ذاته.  Continue reading “التاريخ السري للمخابرات المصريه و مباحث أمن الدوله  … الحلقه ٥٤”

التاريخ السري للمخابرات المصريه و مباحث أمن الدوله … الحلقه ٥٣ 

الجهاد و تأسيس الأمن المركزي !

#التاريخ_السري_للمخابرات

Hidden_History_Egyptian_Intelligence_53

مع الوصول لسنه ١٩٧٩ حصلت تحولات كبيره في مصر بعضها غاطس و بعضها ظاهر. كان السادات فعلًا تخلص من العناصر الناصرية و اليساريه في المخابرات و مباحث امن الدوله. في نفس الوقت السادات أتاح لجماعة الإخوان المسلمين انها تاخد دور قيادي في دعم المجاهدين الأفغان و ده ادى الجماعه ظهور و حتى إصدار مجلة خاصه بيها، طالما ان الجماعه مش بتهدد سلطة السادات. لكن في نفس الوقت ظهرت في الجامعات المصريه مجموعات من الشباب غير راضين عن اداء جماعة الإخوان المسلمين و لا نهجها الاصلاحي و التصالحي evolutionary. دول كانوا عاوزين نهج ثوري revolutionary. دول كانوا تجمعات من الشباب في تشكيلات مختلفه تماما عن الإخوان. في حين ان الإخوان جماعه هرمية القياده hierarchical. المجموعات الجديده دي كانت تجمعات شبكيه networks. و ابتدوا يطلقوا على نفسهم اسم هو “الجماعه الاسلاميه”. التجمعات الشبكيه دي يتبقى طبعًا اصعب في الاكتشاف و اصعب في التحكم في التوجهات و عادة بتكون هي أصول الثورات. امن الدوله مش بس غضت النظر عن ظهور التشكيلات دي لكن ساعدتها لمواجهة التشكيلات اليسارية في الجامعات. و كانت الفكره انه صحيح ممكن يكون توجههم متطرف لكن ده بسبب انهم شباب. مصدر ١.  Continue reading “التاريخ السري للمخابرات المصريه و مباحث أمن الدوله … الحلقه ٥٣ “

التاريخ السري للمخابرات المصريه و مباحث أمن الدوله  … الحلقه ٥٢

بدايات العداء المصري-الإيراني 

الطريق لافغانستان

#التاريخ_السري_للمخابرات

————————

بداية من ١٩٧٤ و حتى ١٩٧٩ طور السادات علاقة صداقه قويه مع شاه إيران و إيران بما فيها زي ما شرحنا عضوية مصر و إيران مع السعوديه و فرنسا و المغرب في نادي السفاري. كل ده انتهى مع الثوره الإيرانيه و سقوط الشاه في سنة ١٩٧٩. إيران أخذت بعض الوقت انها ترتب أوضاعها الداخليه بعد الثوره لكن بعد قليل تولى الحرس الثوري الإيراني مهمة تصدير الثوره الإيرانيه لخارج إيران. 

مصر كانت هدف أساسي لإيران من البدايه بسبب اتفاقية السلام بين مصر و إسرائيل و بسبب منح السادات لجوء للشاه و علاقته القويه مع شاه إيران. في أوائل سنة ١٩٧٩ اعتقلت مباحث امن الدوله عضو في منظمه اسمها فدائيين الإسلام و بيرأسأها الشيخ محمد صالح خلخال

ي بذاته و هو قاضي الاعدامات الشهير في إيران و اللي قضت احكامه على نظام الشاه تماما. المتهم اعترف انه مهمة المنظمه هي تقويض عملية السلام بين مصر و إسرائيل بعمل حملة تفجيرات في مناطق تجمعات الأجانب في المدن المصريه لاقناع العالم و إسرائيل ان مصر غير مستقره و بالتالي غير قادره على سلام مع اسرائيل. مصدر ١. 

دي كانت بداية حرب بارده بين مصر و إيران مستمره لحد يومنا هذا.  Continue reading “التاريخ السري للمخابرات المصريه و مباحث أمن الدوله  … الحلقه ٥٢”

التاريخ السري للمخابرات المصريه و مباحث أمن الدوله … الحلقه ٢٠

“القاهرة زي البركه العكرة. كله بيصطاد فيها” ضابط سوفيتي 

بالوثائق: بدايات انكشاف مصر امام التجنيد من المخابرات الأجنبيه

Hidden_History_Egyptian_Intelligence_20.jpg

في بدايه انقلاب ١٩٥٢، السوفيت اعتبروا انه ده انقلاب مشابه لانقلابات أمريكا اللاتينية و ان المخابرات الأمريكيه وراه. نيكيتا خوروشوف نفسه قال الكلام ده. مصدر ١. 

(شفنا في الحلقات السابقة – مصدر ٢- ان المخابرات الأمريكيه كانت راضيه عن ناصر و حركته و رحبت بيها لنفس السبب اللي خلى السوفيت يرفضوها لكن مفيش اَي ادله ان المخابرات الامريكيه كانت وراء ناصر في ١٩٥٢. العلاقات بينهم تطورت لاحقا زي ما شرحنا) 

عزز من اعتقاد الروس ان ناصر ضدهم هو حمله القمع اللي عملها ضد الشيوعيين في مصر في نمط مشابه تماماً لانقلابات أمريكا اللاتينية و القمع ضد الشيوعيين له زي ما شفنا كان مدعوم من المخابرات الامريكيه. 

لكن مع الغاره الاسرائليه على غزه و مقتل عشرات من الجنود المصريين هناك في سنه ١٩٥٥ و جنوح مصر لحركه عدم الانحياز و عمل المخابرات المصريه ضد فرنسا في الجزاير و ضد بريطانيا في منطقه القناه،  Continue reading “التاريخ السري للمخابرات المصريه و مباحث أمن الدوله … الحلقه ٢٠”

التاريخ السري للمخابرات المصريه و مباحث أمن الدوله… الحلقه 19

دور عبد الناصر في تأسيس دوله المخابرات اكبر من دور صلاح نصر و سامي شرف

Hidden_History_Egyptian_Intelligence_18.jpg

في يناير ١٩٥٧ اصبح صلاح نصر المدير الثالث لجهاز المخابرات العامه بعد زكريا محيي الدين و علي صبري. الحقيقه انه خلال حرب ٥٦ زي ما شفنا الحلقه اللي فاتت (مصدر ١) المخابرات العامه المصريه فشلت في تقدير توجهات بريطانيا و فرنسا و اسرائيل بالرغم من توافر معلومات كافيه عنهم. بالرغم ان معظم الفشل ده راجع في الحقيقه لخطأ عبد الناصر ذاته في التوقع و انه أهمل تماما دور اسرائيل و فرنسا و انه تخلص من كبار رجال المخابرات وقت الملك اللي ربما كانوا اكثر درايه بطبائع الغرب، لكن عبد الناصر في تقديره ان المشكله هي ان زكريا محيي الدين (المشرف العام على المخابرات و مدير المخابرات العسكريه) و علي صبري (رئيس جهاز المخابرات العامه) كانوا مشغولين في الحرب ذاتها و ده سبب الفشل الاستخباراتي. لذلك عبد الناصر جاب صلاح نصر عشان يبقى المدير الثالث للمخابرات و كلفه بمهمة “احياء جهاز المخابرات العامه”. صلاح كان متردد في قبول المهمه لانه مكانش عاوز يشترك في جهاز بيتجسس على المصريين (مصدر ٢).  Continue reading “التاريخ السري للمخابرات المصريه و مباحث أمن الدوله… الحلقه 19”