JAWDA

توجد ٤ شروط علميه لحدوث تحول ديمقراطي في مصر:

١- ضغط اقتصادي خانق يدفع الجماهير للحركه. لكن هذا وحده يصبح هوجه و ليست ثوره و هي بتعريفها حدوث تغيير. 

٢- شعور الطبقات العليا و الوسطى (كبار الموظفين، كبار التجار) بأهميه التغيير و وجود بديل مطمئن. وجود الطبقه الوسطى ضروري لانها القادره علي التنظيم و التعامل مع الخارج. و هي طبقه بطبيعتها محافظه و تريد بدائل مضمونه. 

٣- دعم خارجي مناسب. بدونه يمكن استخدام القمع دون ان يتحرك احد في الخارج. لا ننسى ان دعم العالم لثوره ٢٥ يناير كان ضروريا خصوصا عندما يقول الرئيس الامريكي ان ارحل معناها ارحل الان. 

٤- حدوث حاله سيوله في الإقليم توضح للشعب المصري ان التغيير ممكن و مضمون. لم تحدث ثوره او تغيير في مصر في العصر الحديث دون حدوث سيوله في الإقليم. ١٩٤٨ قاد ل ١٩٥٢. سقوط الدوله العثمانيه و قيام جمهوريات سوريا و العراق قاد لثوره ١٩١٩. و اخيرا ثوره تونس قادت لثوره ٢٠١١.  Read more

في حديثه مع تلفزيون العربي (مصدر ١) ذكر عصام حجّي (مستشار عدلي منصور العلمي الأسبق في الفتره ٢٠١٣-٢٠١٤) النقاط التاليه:

١- انه نادم علي عمله كمستشار علمي في تلك الفتره. و ارجع ذلك انه “ضُحك” عليه حيث قيل له ان مصر تقع في يد ارهابيين و انه عليه انقاذها. 

٢- انه في خلال فتره عمله في رياسه الجمهوريه كان هناك فقط ٥ مدنيون و الباقي كلهم عسكريون! الخمسه المدنيون من السهل معرفه معظمهم فهو واحد و المسلماني اثنان و عدلي منصور نفسه ثلاثه! 

اذن نحن امام اعتراف كامل ان الدوله من البدايه يديرها عسكريون لا يثقون في ايه مدنيين.  Read more

من ١٥ ابريل حتي ٢٥ ابريل سادت روح يمكن ان نطلق عليها روح ١٥ ابريل، عندما ادركت كل الفصائل المعاديه للسيسي ان خلافها ليس مع بعضهم البعض و لكنه في الحقيقه مع السيسي و ما يمثله من حكم العسكر. و ان استمرار الوضع الحالي من التشرذم لا يعني الا استمرار انقلاب السيسي في اهانه المصريين و شبابهم و تضييع ثروات مصر و مائها و ارضها. نشر وقتها الاخوان المسلمين بيانا رائعا و نشرته ٦ ابريل علي صفحتها و توحد الجميع ضد الجنرال. 

و لكن بعد مرور اقل من شهر عاد الجميع الي موقعه من التشرذم دون سبب استراتيجي او مقنع. 

دون شك هناك مجموعه من الناس ممن يطلق عليهم التيار الليبرالي أخطأوا في تأييد الانقلاب علي اول رئيس مصري. ثم انجرف بعضهم في الكبر و لم يرفض المذابح الاولي. ثم أخذت بعضهم العزه بالاثم و لم يرفض حتي مذابح رابعه و النهضه. و اخيرا هناك من لم يعد لصوابه الا بعدما طالته الاعتقالات او طالت أهله و عشيرته. نعم هذا صحيح.  Read more

الكلام ده كتبناه في يناير ٢٠١٥:

“تحليل نفسيه السيسي:

هناك العديد من الدلائل ان السيد السيسي ينفعل جدا عندما يواجه مواقف فيها أناس يظن هو انه رئيسهم و لكنهم يتحدوه او لا يبالوا به، او اسوء يتعرض لما يظنه الاهانه منهم، بينما الحقيقه انه هجوم سياسي عادي. تبدي ذلك لأول مره في لقائه مع المحامي سيف الدين عبد الفتاح خلال احداث الثوره حين انتابت اللواء وقتها عبد الفتاح السيسي نوبه غضب نتيجه هجوم الاستاذ سيف علي مبارك و نظامه و اصراره علي الاستمرار في الثوره رغم “نصيحه” السيسي له بان يرجع الجميع لبيوتهم. 

(ملاحظه: هذا التقرير ينفي تماماً كل ما يقوله السيسي انه كان هادئ الاعصاب وقت الثوره. كما انه ينفي ما يقوله السيسي مؤخراً لائما مبارك علي مصايب مصر. باختصار السيد السيسي يكذب و يتغير وفقا للموجه السائده).  Read more

في ١٠ ايام من ١٥ ابريل لحد ٢٥ ابريل الناس دي كلها جت مصر:

ملك السعوديه بعد لما اجل الزياره عده مرات و كان ممكن يأجلها تاني لان عنده مؤتمر قمه في الرياض، الحاكم الفعلي للامارات اللي جه جايب رز مستعجل، رئيس فرنسا، مستشار ميركيل اللي جه قعد ساعتين قال فيهم بس ان حاكم مصر رجل مبهر impressive مع انه عارف كويس قوي الصحافه الالمانيه بتقول عنه ايه، وزير خارجيه امريكا اللي جه و قعد ساعتين بس برضه عشان يقول ان مفيش مشاكل كتير بين مصر و امريكا حوالين حقوق الانسان و مطلعش حتي يقول ده في مؤتمر صحفي، و اخيرا رئيس أركان حرب الجيش الامريكي ذات نفسه اللي برضه قعد كام ساعه و مقلش و لا حاجه. ده طبعا غير وفد صناعي إسرائيلي جاي يشوف أوجه التعاون الصناعي مع مصر عشان اسرائيل تحاول تنقذ اقتصاد مصر.

كل دول بس عشان مظاهره واحده و عشان حسوا ان السيسي و نظامه متلخبط و الامور بتفلت منهم. كل دول!

يعني ركب السيسي اللي بتطرقع في بعضها مش بس سمعت في الرياض. لا دي وصلت امريكا و لفت حوالين العالم. ركب السيسي بقت عالميه الحقيقي.

النظام ده زي ما قولنا مرعوب من اي حاجه. دبه النمله بتخليه over react. يعني لو سمع كلمتين علي فيسبوك يطلع يقول حديث ساعتين في التلفزيون لحد ما اللي حواليه قالوله انت كل لما تتكلم بتغرقنا أكتر. اقرأ من الورق و خلاص.

النظام ده معندوش اي استعداد انه يسمح بوقفه حتي. لما ضغطوا عليه عشان يعدي مظاهرات يوم الارض اللي فاتت و خلوه يروح البحر الأحمر يشم هوا، و يسيب الموضوع للشرطه تتعامل زي ما كانت بتتعامل ايام مبارك. يعني تتفق مع قيادات المظاهرات زي خالد علي ان ساعه شتيمه و بعدين مرواح من غير ضرب. و كان واضح ان صدقي صبحي متضايق من السيسي لما بيقول منتكلمش خالص في الموضوع ده تاني (مصدر ١).

لكن السيسي لما شاف ان فيه مظاهرات فعلا اترعب و ركبه ضربت و الناس دي كلها جت عشان كذا حاجه:

١- انها ترمم السيسي و تخليه ميقعش علي روحه من ذات نفسه. ببساطه لان الدول دي كلها مش ناقصه بلد كمان تضرب في الشرق الاوسط و يجيها مشكله لاجئين. 

٢- انها تتأكد ان السيسي مش حيعمل حاجه مجنونه. يعني مش حيضرب الناس في الشوارع بالنار و الرشاشات. كانوا خايفين جدا من ده لانه بيخليهم ميقدروش يساعدوه قدام شعوبهم. 

٣- انها تجس نبض الجيش اذا كان عنده أتجاه يعمل حاجه. ده اهم سبب رئيس أركان حرب الجيش الامريكي يجي. لان ضباطنا الحقيقه كل لما يشوفوا جنرال أمريكي بيقولوا كل اللي عندهم. 

٤- انها تشوف الفشل في سينا ده اخره علي فين.

لذلك السيسي بعد لما الناس دي مشيت فهم انه ممكن يقبض علي الناس لكن ميقدرش يضرب بالرشاشات زي زمان. و ده بالضبط اللي عمله من وقت لما مشيوا لحد يوم ٢٥ ابريل.

كل ده عشان مظاهره واحده!

النظام ده مشروخ. و احنا لازم نفضل نعمق الشرخ ب ٣ طرق:

١- فضحه قدام مؤيديه انه نظام عره. 

٢- نفضل نعمل له اي قلق. مش مهم قلق كبير. اي قلق بيرعب النظام ده. حتي الكلام علي الانترنت بيساعد زي ما قلنا كتير قبل كده (مصدر ٢). لحد لما مؤيديه في الخارج يفهموا ان تكلفه السيسي في الحكم اعلي من اللي يقدروا عليه. 

٣- يفضل الاخوان و ٦ ابريل متحدين.

النظام ده حيقع من اهون الأسباب. من حد حيقول بخ. من ناموسه حتقرص السيسي و حتجننه هرش. او ان حد يعلن وفاه السيسي علي الانترنت فيموت بجد. احنا بس نفضل نعمل له قلق.

خليكم مع ربنا ثم معانا. و سلسله كسر الانقلاب كلها في مصدر ٣.

‫#‏كسر_الانقلاب‬

المصادر:

———

١- السيسي خايف مننا:

https://jawdablog.org/2016/04/13/yes_sisi_is_afraid/

٢- العمل علي الانترنت ليس قليلا:

https://jawdablog.org/2015/01/20/how_to_break_military_coup_6/

٣- كيف تكسر الانقلاب:

https://goo.gl/ibgk2f/

النظام النهارده اتشرخ و كلنا شوفنا الشرخ. 

قانون التظاهر النهارده انتهي. 

النظام خاف. و حيبتدي يغلط أكتر كل لما نضغط أكتر.

حتلاقي زي ما قلنا قبل كده بعض أركان النظام رأيهم ان الضغط العالمي كبير و موقفنا وحش و لازم نهدي و منقتلش حد. دول اسمهم الحمائم. و حتلاقي الصقور اللي مع اضرب يا ريس. النهارده الاتنين دول بيتخانقوا مع بعض.

كان واضح ان السيسي لما قال منتكلمش في الموضوع ده تاني ان صدقي صبحي مش مبسوط (مصدر ١). Read more

كانت جوده و ستظل دوما مع اي تحرك ضد الطاغيه. كل حركه بنعملها بتهزهم. لأنهم خايفين مننا. و عارفين ان ملهمش شرعيه زي الحرامي بالضبط. علي طول الحرامي بيبص وراه. احنا نجحنا ان السيسي مش عارف يتكلم في المستقبل. مش عارف يأسس لشرعيته. كل خطاب ليه يطلع يقول احداث ٣٠ يونيو. بالضبط زي الحرامي علي راسه بطحه. كل تنازلاته مع العالم عشان العالم يعترف بيه. احنا نجحنا في هدم نفسيته. شرحنا قبل كده ان في البرازيل و الأرجنتين و بولندا و غانا و غيرها، كل يوم كانت الديمقراطيه بتكسب حاجه و لو صغيره. مظاهره من ١٦ واحد. مش مشكله. وقفه و بعدها الناس تجري من البوليس. وقفه علي سلم النقابات. كل ده بيهزهم. و بمرور الوقت بيتفتتوا. و بعدين تيجي ضربه اكبر في وقتها تخلص عليهم لما تبقي كل الظروف متاحه. 

الضربه الأخيره دي مش لازم تبقي بكره. مش لازم (مصدر ١). لكن كل حركه بنعملها بتفتتهم و بتفكرهم قد ايه هم ضعفا.  Read more