Category Archives: الانقلابات العسكرية

توقعات نتائج ما يطلق عليها انتخابات مصر 

Expectations_of_so_called_egyptian_Election.jpg

و النتائج هنا لا تعني نتائج الفرز و العد و الإعلان و لكن النتائج هنا تعني ما ستفضي له الانتحابات الحاليّه. 

نلاحظ حدوث تغيير مهم في اُسلوب الدعايه للسيسي و اُسلوب حديثه نفسه و هو تغيير كبير بالمقارنه بعده أسابيع مضت و تغيير اكبر مقارنه بالانتخابات الماضيه. فالحديث تغير من ان السيسي هو رئيس شعبي محبوب من الجماهير و مطلوب دفع الناس كي تذهب للجان لانتخابه الى رئيس يراعي الله فقط و لا تهمه شعبيته بين الناس. لذلك على عكس ٢٠١٤ عندما اهتزت الدوله كلها لان الإقبال كان ضعيف جدا و كان رجال اعمال الاعلام يراوغون السيسي بالحديث عن ضعف الإقبال فلن يحدث ذلك (تتذكرون “الدوله تبحث عن صوت”)، لكن هذه المره لن يحدث ذلك. الأسباب هي: Read more

المعلم سيد العسكري وعماله

sayed_el3askry

المعلم سيد العسكري من اكبر تجار مصر. المعلم سيد بيتاجر في الخضار و الفاكهة و الدواجن و كمان أتوسع و بيعمل نوادي و ملاهي و بيبني طرق و كباري. لكن المشكلة عنده هي انه أتوسع جامد و دخل في ادارة مشاريع ملوش خبرة فيها و ابتدت الأمور تخرج عن سيطرته و العمال عنده بقوا متضررين و بيهددوا يعملوا ثوره و يسيبوا الشغل. المعلم سيد العسكري اتزنق و استلف جامد دولارات من المعلم فهد السعودي تاجر كبير جدا في المنطقة جنبه. لكن لان المعلم سيد برضه مش عارف يشغل الأمور العملية لسه مش شغالة. راح مره تانية للمعلم فهد يطلب منه قرض حسن او منحة جديدة. المعلم فهد رفض و قاله انه المره دي لازم يستلف من البنوك بالدولار. المعلم سيد فعلا استلف من البنوك بالدولار. لكن سيد خايف انه يصرف فلوس السلفه في اي مشاريع جديدة. و في نفس الوقت مش عاوز يصرفها كلها على العمال عشان شايف انهم مايستهلوش. يقوم يعمل ايه؟ المعلم سيد عاوز يوهم العمال حواليه انه لسه راجل غني و كسيب و كاسر عينهم. قام المعلم سيد واخد الفلوس الدولارات اللي استلفها من البنوك و حطها في حساب في البنك و طلع اشاعه بين العمال ان حسابه في البنك بالدولار وصل اعلى رقم ممكن و هو ٤٠ مليار دولار. رقم رهيب يرهب بيه اي عامل. مع ان الحقيقه انه مديون ب ٨٠ مليار دولار. يعني ال ٤٠ دول لازم يرجعهم و فوقهم كمان ٤٠ زيهم! 

Read more

«نيويورك تايمز»: الطيران «الإسرائيلي» قاد مائة غارة على سيناء بموافقة السيسي

israel-airstrikes-sinai-egypt

قالت صحيفة نيويورك تايمز الأميركية، في تقرير لها اليوم السبت، إنّ طيران الاحتلال الإسرائيلي قاد أكثر من مائة هجوم عسكري داخل سيناء بموافقة عبدالفتاح السيسي، ورفضت السلطات المصرية الإفصاح عن تفاصيلها؛ خوفًا من ردة فعل الشعب، الذي يعتبِر أغلبه أنّ «إسرائيل» عدو، بالرغم من معاهدة السلام بين البلدين. Read more

مجموعة حقائق عن ترشح عنان

Facts_about_Anan_Candidacy

١- احد اهم اسباب حدوث تحول ديمقراطي في امريكا اللاتينيه هي ان ضباط الجيش (اللي كان محتكر السلطه بعد سلسله من الانقلابات العسكريه في معظم دول امريكا اللاتينيه) مع كل انتخابات رياسه كانوا بيتخانقوا مع بعض مين يبقى الرئيس. ده خلى جواهم فيه شلليه و فتت الدوله العميقه في البرازيل مثلا. جزء من الدوله العميقه يبقى مع فلان ضد علان. و جزء تاني مع علان ضد فلان. دي طبيعه بشريه. اللي حصل كمان ان كل ضابط جيش عاوز يوصل للرئاسه كان بيستعين بمجموعات مدنيه ضد غريمه ضابط الجيش برضه و يوعد المجموعات المدنيه دي بحريات اكتر و انفتاح. في النهايه ده كان احد اهم اسباب ان الجيش البرازيلي وصل لاستنتاج انه مش قادر يحكم و لازم يسيب السلطه للمدنيين. مصدر ١. 

٢- مفيش اي ثوره في العالم نجحت بدون كسر او تحييد الجيش في البلد دي. من اول الثوره الامريكيه اللي الجيش الامريكي نجح فيها في كسر احتكار الجيش البريطاني للسلاح في العالم الجديد و تفوق عليه و استدرجه لمعارك في الداخل الامريكي بعيد عن الموانئ و بالتالي بعيد عن الإمدادات من بريطانيا لحد ثوره فرنسا اللي الجيش فيها اتفتت بعيد عن الملكيه لحد اخيرا الثورات الملونه في أوروبا الشرقيه اللي كان مستحيل تنجح لولا تفتت الجيش السوفيتي و هزيمته معنويا قدام أمريكا. غير كده كان الاتحاد السوفيتي يدخل يحتل المجر و تشيكوسلوفاكيا تاني زي ما حصل في الخمسينات و الستينات. مصدر ٢. 

٣- الجيش المصري هو المحتكر الحقيقي للسلاح و للسلطه و الاقتصاد في مصر. و هو جيش رجعي غير ثوري و هدفه تثبيت الاوضاع القائمه على احتكاره للاقتصاد و تربح قياداته من ذلك و تثبيت تبعيه مصر للخليج و اسرائيل. 

٤- الاوضاع العالميه الحاليّه مع وجود ترامب في السلطه تسمح للسيسي و قيادات الجيش باستخدام أقصى درجات العنف ضد اي حركه ثوريه شعبيه. و العائق الوحيد أمامهم لن يكون اوباما الذي قال وقتها ارحل الان يعني الان و ساهم في تسريع رحيل مبارك. العائق الوحيد سيكون الخوف من هروب المجندين و انفراط الجيش. و السيسي لن يتورع عن المغامره بذلك لإنقاذ كرسيه. و الشعب المصري مدرك ذلك و بالتالي يوجد خوف حقيقي من الخروج الشعبي. 

٥- كلنا نتذكر لما السيسي في بدايات ٢٠١٧ حاول تعديل الدستور ليكون له حق التجديد مدى الحياه و اعترضت امريكا على ذلك بمكالمة من ترامب خوفا من تكرار تجربه مبارك و تحمل امريكا تبعات انفجار مصري في المستقبل. اذا هناك ضوء احمر أمريكي امام السيسي. او على الأقل اصفر. و السيسي يدرك ذلك و هذا يفسر عدم اطمئنانه. و يفسر ان النقيب اشرف يقول في التسريبات تمنيه ان الانتخابات تعدي على خير. و يفسر قلق السيسي الواضح في مؤتمر حكايه وطن. و يفسر التسريبات عن شد بين السيسي و نائب الرئيس الامريكي. و يفسر تقديم السيسي لميعاد الانتخابات عشان يخلص. 

لذلك و بشكل براجماتي فدخول عنان الانتخابات خبر سيئ للسيسي. و سيدفعه للتزوير على نطاق واسع. و ده أحسن جدا. لانه يكشفه و يعريه امام من يعرفون الحقائق في العالم. و سترى الدوله العميقه التزوير لانها ستشارك فيه. و هذا جميل لانه يقسم الدوله العميقه ضد بعضها. مخابرات حربيه ضد عامه. جميل جدا. و سيدفع صغار الضباط في العامه لتسريب ما هو اخطر ضد السيسي و ضد الحربيه. و ربما سيعملون ضده أساسا. و سيعملون ضده بحشد بعض الناس و الوعد لهم بتوفير غطاء قانوني و ربما بالسلاح أيضا. و هو المطلوب لانه يفتح الامر في ٢٠١٩ امام غطاء للشعب المصري للنزول بشكل حقيقي تحت رعايه اجهزه في الدوله العميقه ضد بعضها و يفتح الطريق امام بعض قيادات الجيش ان تتردد في طاعه أوامر السيسي. 

على فكره حتى لو تمثيليه (و نحن نشك جدا لان السيسي يخشى ظله و مستحيل يثق في عنان في هذا الامر و يفسر هذا غضبه و تصريحه انه لن يسمح لفاسد بالوصول للكرسي)، حتى لو تمثيليه فالبعض سيصدقها داخل الدوله العميقه و يزيد الانقسام داخلها. 

افضل شيئ الان امام الاخوان هو الصمت التام. 

افضل شيئ امام الشعب المصري هو تأجيج الخناقه. 

ازاي؟ اننا نمثل ان عنان مرشح قوي جدا. و نحط صورته اللي مع المقاله دي لانها بتغيظ السيساويه. كل لما يزيد تقل عنان مع الرأي العام كل لما الدوله العميقه حتحس ان نهايه السيسي قربت لان الدوله العميقه عارفه ان امريكا و أوروبا و الخليج بيقيسوا الرأي العام كمان. 

خليكم مره اذكياء. هل ده ممكن؟ 

المصادر:

١- التحول الديمقراطي في امريكا اللاتينيه 

https://jawdablog.org/category/الانقلابات-العسكرية/الحكم-العسكري-في-البرازيل/

٢- هل ممكن تنجح ثوره من غير تحييد الجيش

https://jawdablog.org/2017/12/27/can_any_revolution_succeed_without_army_defeat/

الثالوث الحاكم لمصر

The_ruling_Trinity_of_Egypt

في ذكرى عبد الناصر: الثالوث الحاكم لمصر و علاقته بتقدم مصر او تخلفها

في سنه ١٩٥٠ كان متوسط انتاج الفرد في مصر ٥١٧ دولار بينما في اليابان ١٨٧٣ دولار (مصدر ١). اي ان الياباني كان ينتج حوالي ٣ اضعاف نظيره المصري فقط. مصدر ١. في عام ٢٠١٦ كان متوسط انتاج الفرد في مصر هو ٣٥٠٠ دولار بينما ينتج نظيره الياباني ٣٩ الف دولار اي ١١ ضعف نظيره المصري. مصدر ٢. و اليابان دوله ذات موارد محدودة و شديدة التكدس السكاني و تآمر عليها العالم كله لدرجة إلقاء قنابل ذريه. و سنه ١٩٥٠ كما نعلم كانت بعد هزيمه ١٩٤٨ في فلسطين و كان وقت اضطراب سياسي مهم في مصر.  Read more

هل ممكن نجاح اي ثوره دون تحييد او تثوير او هزيمه الجيوش؟ و هل ما زالت السلميه الطريق السليم في مصر؟ 

Can_any_revolution_succeed_without_army_defeat

الثوره الامريكيه:

————

انتصر الجيش الامريكي على الجيش البريطاني و كسر وجوده فيما يعرف الان بالولايات المتحده. و اهم عوامل هزيمه بريطانيا هي:

١- اتساع العمق الامريكي بحيث انه كلما قاتلت بريطانيا في الداخل ابتعدت عن الشاطئ و بالتالي عن خطوط إمدادها. في ذات الوقت كلما انتقلت المعارك للداخل الواسع كلما اقترب الجيش الامريكي اكثر من خطوط إمداده.  Read more

وضوح التحالف المعادي للإسلام 

Coalition_Against_Islam.jpg

ده خبر و تحليل مستحيل تقرأه في مصر لأنهم حيستموتوا عشان يخبوه. امريكا بلد صعب اخفاء اي سر فيها. من كام يوم مايكل فلين مستشار ترامب للامن القومي اعترف انه اتصل بروسيا بشكل غير قانوني و في مقابل تخفيف العقوبه عليه وقع على اتفاق انه حيتعاون بشكل كامل مع المحققين الفيدرالين. و طبعا المحقق الفيدرالي مش حيسيب فريسه زي و بحجم مستشار أمن قومي الا لو كان الهدف المرجو اكبر بكتير جدا و معروف ان الهدف هو ترامب نفسه. كل ده معروف لكن محدش سأل طيب ايه المشكله ان مستشار أمن قومي يتصل بروسيا. ماهو أكيد ده جزء من وظيفته؟ كمان ايه علاقه مصر و الإمارات بالموضوع و ليه الاعلام المصري حيخبي الجزء ده بالذات؟ لو تفتكروا في ديسمبر ٢٠١٦ يعني من سنه بالضبط كان فيه قرار قدام مجلس الأمن الدولي برعايه اداره اوباما و كانت مقدماه مصر و المجموعه العربيه في الامم المتحده لإدانه المستوطنات الاسرائيليه في الاراضي العربيه المحتله و القرار كان نصوصه شديده جدا على اسرائيل و تعتبر المستوطنات كلها خرق للقانون الدولي. في العاده امريكا بتستخدم حق النقض ضد النوع ده من القرارات. لكن اوباما في اخر أيامه و كان متحفز جدا ضد اسرائيل اولا لان علاقته مع نتنياهو كانت سيئه جدا (مصدر ١) و ثانيا لانه كان شايف ان سياسات اسرائيل الحاليه تخريب للمنطقه و تخريب لمستقبل اسرائيل ذاتها (و ده كلام الساسه الاسرائليين نفسهم بيقولوه دلوقتي لان توسع اسرائيل في الضفه معناه نهايه دوله فلسطينيه و ان اسرائيل لازم تستوعب العرب او تطردهم – مصدر ٢). و اخيرا لان ربما اوباما كان بيفكر فقط في انه يسيب و لو قليل من الارث legacy في الشرق الاوسط. ترامب يوم ٢٢ ديسمبر غرد في تويتر ان القرار ده لازم يتعمله فيتو. طبعا اداره اوباما طنشت تماما كلام ترامب. ده في الوقت اللي محمد بن زايد ولي عهد ابي ظبي و الحاكم الفعلي للامارات كان قبلها بقليل بيزور امريكا عشان يقابل ترامب بدون علم اداره اوباما. و قصاد كده اضطرت سوزان رايس مستشاره اوباما للامن القومي انها توجه المخابرات الامريكيه انها تتابع تحركات محمد بن زايد و تكشف اسماء الشخصيات اللي قابلها. لانه لو كانت النوايا سليمه ليه يخبي انه أساسا جاي امريكا عن اداره الرئيس الامريكي الموجود وقتها عشان يقابل الرئيس الجديد؟ مصدر ٣.  Read more

« Older Entries