انشغلنا بالشورت و ان الوزيره رايحه تقابل الوليد بن طلال في مركبه و نسينا قصه الوليد بن طلال مع الاستثمار في مصر. ابن طلال لو نفتكر “اشترى” ١٠٠ الف فدان في مشروع توشكى و دفع في كل فدان ٥٠ جنيه مصري فقط لا غير مقابل ان مصر توصله المياه و الكهربا و الخدمات! فاكرين الموضوع ده. طبعا بصرف النظر ان مشروع توشكى فاشل هندسيا. مصدر ١. 

في ١٢ ابريل ٢٠١١ بعد الثوره المصريه الوليد بن طلال صرح للصحافه العالميه انه مش حيتنازل أبدا عن حقه و حق شركته في امتلاك الارض في توشكى و انه معندوش اي نيه للتنازل عن الارض. مصدر ٢. ده كان في الوقت اللي كان فيه مطلب شعبي ضاغط على الحكومه بتاعه عصام شرف و المجلس العسكري وقتها ان الصفقات دي صفقات مشبوهه و لازم أعاده النظر فيها. 

في ٢٠ ابريل ٢٠١١ ظهرت الأهرام القاهريه برضه بخبر زياره عصام شرف للرياض و انه قابل فيها الوليد بن طلال و وقعوا مذكره تفاهم memorandum of understanding (يعني مش عقد ملزم لسه) و انه بموجبها الوليد بيتنازل عن معظم أراضي توشكي. مصدر ٣. 

في يوم ٢٥ ابريل (عيد سينا) ٢٠١١ ظهرت مجله فوربس الامريكيه بخبر يؤكد ان الوليد تنازل عن معظم الارض في توشكى. مصدر ٤.  Continue reading →

تظهر صور الاقمار الصناعيه الملتقطة بين يومي ١٠ يوليو ٢٠١٣ و ٩ يوليو ٢٠١٦ تسارع شديد في تآكل الاراضي الزراعيه حول القاهره دون حدوث نمو حقيقي في تعمير الصحراء. 

بالتدقيق في الصور الملتقطة و يمكن للمتابع أعاده تشكيلهم من موقع ناسا في المصدر ١، وبمقارنه الصورتين الملتقطين نجد التالي (انظر للأرقام في الصوره المرفقه لتجد الفروق المشار اليها):  Continue reading →

القمر الصناعي جاسون ٢ بيراقب مناسيب البحيرات في العالم كله و بينشرها هنا (مصدر ١) و طبعا من بينها منسوب بحيره ناصر اللي نظام السيسي عامل حظر نشر عليها. احنا عاوزينكم كلكم تدخلوا علي موقع القمر الصناعي ده و تشوفوا بعينكم ايه اللي بيحصل. حتلاقوا في شهر يوليو فقط نزل منسوب البحيره حوالي ٢٠ سم بينما في شهر يونيو نزل المنسوب حوالي ٨٠ سم و زيهم في شهر مايو. عاده شهر يوليو ده 

بيبقي فيضان و يتجه منسوب البحيره للارتفاع مش الانخفاض. ده اللي احنا اتعلمناه و ده اللي البيانات بتوريه طول تاريخ الرصد. 

احنا بقالنا سنتين من سنه ٢٠١٤ و منسوب بحيره ناصر مستمر في الانخفاض دون توقف و دي اول مره تحصل في التاريخ. نعم انت سمعت صح و قريت صح. دي اول مره في تاريخ الرصد ان باختصار ميجيش فيضان و منسوب البحيره ميزيدش في الصيف. حتي في وقت الجفاف في اثيوبيا في الثمانينات كان بيجي فيضان و المنسوب بيزيد. لكن من ٢٠١٤ ده مش بيحصل في وقت الجنرال الميمون.  Continue reading →

القمر الصناعي جاسون ٢ بيراقب مناسيب البحيرات في العالم كله و بينشرها هنا (مصدر ١) و طبعا من بينها منسوب بحيره ناصر اللي نظام السيسي عامل حظر نشر عليها. 

احنا عاوزينكم كلكم تدخلوا علي موقع القمر الصناعي ده و تشوفوا بعينكم ايه اللي بيحصل. حتلاقوا في شهر واحد منسوب البحيره نزل متر بحاله. في نفس الوقت ده من سنتين كان المنسوب بيبتدي يثبت او يقل بشكل طفيف و بعدين يتجه للارتفاع في يوليو و اغسطس مع قدوم الفيضان. احنا بقالنا سنتين من سنه ٢٠١٤ و منسوب بحيره ناصر مستمر في الانخفاض دون توقف و دي اول مره تحصل في التاريخ. نعم انت سمعت صح و قريت صح. دي اول مره في تاريخ الرصد ان باختصار ميجيش فيضان و منسوب البحيره ميزيدش في الصيف. حتي في وقت الجفاف في اثيوبيا في الثمانينات كان بيجي فيضان و المنسوب بيزيد. لكن من ٢٠١٤ ده مش بيحصل في وقت الجنرال الميمون.  Continue reading →

هذا هو المقال الذي ينتظره الجميع. فكما عودناكم توقعنا أزمات الكهربا السابقه في مصر بدقه (مصدر ١). كذلك توقعنا ان ازمه الكهربا لن تحدث العام الماضي برغم كل من رفضوا ذلك (مصدر ٢). و ثبت بالقطع اننا كنا علي حق. اليوم سنتوقع ازمه المياه القادمه بالارقام.

يقوم القمر الصناعي الامريكي الفرنسي الاوروبي المشترك جاسون ٢ بتجميع بيانات شهريه حول منسوب المياه في البحيرات الهامه و البحار و المحيطات حول العالم (مصدر ٣). و يقوم هذا القمر بالعبور بشكل دوري فوق بحيره ناصر و يقوم بقياس منسوب سطح البحيره بشكل دقيق. و بيانات القمر الصناعي و كل قياساته منذ إطلاقه عام ١٩٩٢ موجوده في مصدر ٤ و متاحه للجميع (و هي قياسات كما قلنا تشمل معظم البحار و المحيطات و البحيرات حول العالم و ليست بحيره ناصر قصرا كما يعتقد مروجو نظريات ان العالم لا يفكر الا في مصر). و اللطيف ان وزاره الري المصريه ذاتها تستخدم بيانات القمر جاسون ٢. Continue reading →

هل فعلا يجب تحميل المصريين سعر التنقيه و هل فعلا ستختفي المياه الا من المجاري؟

—————————

أعلن السيسي مؤخراً ان “بسبب الأسباب اللي لا داعي لذكرها فهو محتاج يعمل محطات تنقيه ثلاثيه لمياه المجاري و ان تكلفه هذه المحطات عاليه و يجب ان يدفعها المصريون”

هل هذا الكلام علمي او صحيح؟ تعالوا نفند الموضوع حته حته بالعلم.

ايه هي محطات التنقيه الثلاثيه؟

—————————

معالجه مياه المجاري في العاده تنقسم لمعالجه أوليه و ثانويه. و بعدين في تكنولوجيا جديده لمعالجه ثلاثيه.

في المعالجه الاوليه يتم فصل الشوائب الكبيره من الميه و بعدين تدخل الميه الناتجه خزانات ترسيب بيتحط فيها كيماويات معينه بتخلي الترسيبات تتقل و تتركز في قاع الخزان و بيطلق عليها sludge او الحمأه و كمان بتخلي الزبد scum يطفو علي السطح كرغوه. بعد المعالجه الاوليه دي حوالي ٨٠٪ من المواد الصلبه بتكون اتفصلت من المياه. عاده الميه الناتجه دي بتكون نظيفه كفايه انها تلقي في البحر مثلا او اي مصدر مائي فيه تيارات و الناس مش بتشرب منه. اسكندريه مثلا و المدن الساحليه في العالم في العاده تعتمد علي المعالجه الاوليه فقط طالما المخرج يكون بعيد بدرجه كافيه عن الساحل (مصدر ١). بتتبقي مواد عضويه بتتفتت نتيجه لملوحه مياه البحر بصفه عامه. Continue reading →

التماسيح و العِلم و الشرعيه و الكفته!

—————————-

لدي ظهور تماسيح في مصر بادر تيار الشرعيه بالقول ان لهذا علاقه بسد النهضه و السد العالي. و بادر تيار السيسي بالقول انه لا خوف من التماسيح. اختفي العِلم الحقيقه بين الاثنين. تعالوا نفهم. 

يقول بعض مؤيدي الشرعيه ان السبب هو فتح بوابات السد العالي او توقف التوربينات او فتح المفيض مما ادي لدخول التماسيح من بحيره ناصر نحو مجري النيل في مصر. الحقيقه هذا كلام غير ممكن حاليا:

١- المنطقي ان تظهر التماسيح اولا في الصعيد إذن و لا تقفز فجأه نحو الهرم. 

٢- هناك عديد من السدود و القناطر و محطات التوليد بين أسوان و القاهره من سد أسوان القديم حتي قناطر نجع حمادي مثلا و كلها عوائق و موانع. 

٣- من الصعب تخيل ان ملأ اثيوبيا لخزان سد النهضه لفتره شهر مثلا يودي لانخفاض ملموس يودي لتوقف توربينات السد العالي و كلنا نذكر ان جفاف اثيوبيا في التسعينات لم يودي لتوقف التوربينات و ان كان اقترب من ذلك بعد سنتين كاملتين من الجفاف. كما ان فتح قناه المفيض لتجنب السد العالي يكون في حاله ارتفاع المنسوب و ليس انخفاضه.  Continue reading →