تعالوا نتعلم الاقتصاد ببساطه: توقعات الاقتصاد المصري خلال العامين القادمين

lets_learn_economy_10_5_2016

من اهم مؤشرات الاقتصاد المستقبليه لبلد ما هي اداء البورصه فيها. ليه؟ ببساطه لان المستثمر لما بيشتري اسهم في البورصه بيكون متوقع عايد علي الاستثمار ده. العايد ده اما انه يكون ان الشركه اللي اشترى السهم بتاعها تعمل ارباح سنويه و تديها لمالكي الأسهم. او ان سعر السهم يزيد جدا و بالتالي يبيعه و يعمل ارباح. طبعا لو اقتصاد بلد ما بيتحسن بشكل كبير بيحصل انه بيبقي فيه توقع ان ارباح الشركات تزيد و بالتالي يبقي فيه إقبال من المستثمرين انهم يشتروا الأسهم دي عشان ياخدوا الارباح دي. و الإقبال ده في حد ذاته بيخلي اسعار الأسهم تزيد. لو كل اسعار الأسهم في بلد ما تزيد ده معناه انه في توقعات بزياده الارباح و حدوث تطور اقتصادي. طبعا الكلام ده مش أكيد ١٠٠٪‏. لان المستثمرين دول بشر. بس الفكره انه الفكر الجمعي لمجموعه كبيره من المستثمرين يعطي فكره جيده عن المستقبل. 

كتبنا قبل كده (مصدر ١) انه البورصه المصريه صغيره و يسهل التأثير فيها من قبل مجموعه مستثمرين. لذلك في الاغلب سعر البورصه يعكس توقعات المجموعه دي من المستثمرين لمستقبل الاقتصاد المصري.  Continue reading

تعالوا نتعلم الاقتصاد ببساطه … ما هي ضريبه القيمه المضافه؟

lets_learn_economy_what_is_added_value_tax

تعالوا نتعلم الاقتصاد ببساطه … ما هي ضريبه القيمه المضافه؟ 

و لماذا يصر صندوق النقد علي تطبيقها؟

——

نكمل في السلسله دي شرح المفاهيم الاقتصاديه باسلوب مبسط (الحلقات السابقه كلها في مصدر ١). 

ضريبه القيمه المضافه value added tax هي ببساطه ان كل مره اي حد او اي جهه بتبيع اي شيئ لاي حد تاني، الحكومه بتاخد نسبه عن قيمه البيع دي. 

في حاله مصر الحكومه حددت النسبه دي ب ١٣٪‏ العام الحالي و حتزيد تبقي ١٤٪‏ السنه الجايه (مصدر ٢).  Continue reading

تعالوا نتعلم الاقتصاد ببساطه … تعويم الجنيه

floating_egyptian_pound

ناس كتير بتتكلم عن تعويم سعر الجنيه. تعالوا نفهم معناه. المعلم تامر العسكري تاجر خضار كبير في السوق. المعلم تامر كان زمان بيحب يعمل الخير. فكان بيبيع الطماطم بارخص من سعرها و بيخسر فيها. بس في مقابل كده كان بيكسب في بقيه الخضار و كان الحال ماشي. طبعا السعر الرخيص للطماطم كان بيخلي ناس كتير عاوزه تشتري منه. و عشان كده كان بيخلي عنده مخزون كبير من الطماطم. بمرور الوقت المعلم تامر مقدرش انه يحافظ علي السعر القليل للطماطم لان بقيه تجارته قربت تفلس. بس في نفس الوقت مش قادر يزود سعر الطماطم علي الناس لانه خايف منهم. مع انه طول الوقت بيقول انه مش خايف لدرجه انه حكي مره قصه انه كان ماشي ع البحر في اسكندريه و ناس في اتوبيس قالتله اوعي تخاف!  Continue reading

تعالوا نتعلم الاقتصاد بسهوله … ما هي المؤسسات الماليه الدوليه؟ و هل يملكها ال روتشيلد؟ و هل هدفها افلاس الدول؟

International_Financial_Institutionفي اخر حلقه (مصدر ١) شرحنا بالتفصيل صندوق النقد الدولي و نوعيه قروضه. لكن جاتلنا اسئله كتير جدا متلخبطه بين صندوق النقد و البنك الدولي و البنوك العاديه و قروض الدول لبعضها. كمان جاتلنا اسئله كتيره بتعمم بكلام كبير قوي من نوعيه ان صندوق النقد و البنك الدولي و قروضهم كلها هدفها السيطره الامريكيه علي العالم او ان روتشيلد يمتلك البنك الدولي (!) و كمان لقينا ناس بتقول ان حرب الخليج سببها ان صدام قرر يستخدم اليورو بدل الدولار في تعاملات البترول. تعالوا نفهم الحقيقه بالراحه كده. لان الناس بقت ثقافتها سماعي من التلفزيون اللي للاسف لسه عايش في الستينات بثقافه برضه سماعي. 

Continue reading

تعالوا نتعلم الاقتصاد ببساطه … قروض صندوق النقد الدولي

 Learn_Economics_IMF_1

كلام كتير قوي معظمه غلط بيتقال علي قرض صندوق النقد الدولي لدرجه الحقيقه تخلي اي خبير اقتصاد يسيب المهنه. النهارده حنتعلم ايه هي قروض صندوق النقد الدولي و ايه أنواعها و أهدافها و ايه هو صندوق النقد الدولي و بيشتغل ازاي أساسا و بيجيب فلوس منين أصلا. و ليه لما يزيد حجم القرض معني كده ان البلد المقترضه واقعه في مشكله كبيره مش العكس زي لما بيتقال. حنحاول نبسط الامور جدا و كله بالمصادر.

الحقائق حول من طلب القرض:

في يوم ٢٨ يوليو ٢٠١٦ ظهر المتحدث بأسم صندوق النقد الدولي السيد ويليام موراي في حديثه الاسبوعي مع الصحافه و اجاب عن السؤال التالي (مصدر ١):

– ديفيد لاودر من رويترز: هل يمكنك ان تلقي مزيد من الضوء حول تعامل الصندوق مؤخراً مع مصر. كما تعلم ظهر وزير الماليه في مصر و قال ان مصر تبحث عن برنامج مع الصندوق و ذكر ارقام تبلغ ١٢ مليار دولار خلال ٣ سنوات. اليوم أعلنت وزاره الماليه انهم يتوقعون علي الأقل ٢ مليار دولار. هل تستطيع تأكيد هذه الأرقام و اي تفاصيل اخري عن البرنامج مع مصر.

– ويليام موراي: شكرًا علي ذلك السؤال ديفيد. و اريد ان أقول اننا تلقينا اسئله عن ذات الموضوع علي الانترنت و من مصر و سنجيب عن تلك الاسئله الان.

دعوني أتراجع قليلا و أوضح اين نقف من مصر و بعدها سأجيب عن سوْال ديفيد. Continue reading

تعالوا نتعلم الاقتصاد ببساطه … هل الشعب المصري فعلا مفرط في الاستهلاك؟ 

Lets_Learn_Economy_Is_Egypt_high_Consuming

هل احنا فعلا شعب مستهلك و بيضيع كل فلوسه في السلع الاستهلاكيه و هل فعلا الحكومه غلبانه معانا و انه مش معقول كده؟ طبعا أنصار الرأي ده بيقولوا بصوا علي عزومات رمضان و انك تلاقي العزومه فيها مليون صنف و حاجات كتيره بتروح الزباله او بص علي إعلانات السلع الاستهلاكيه و الكومبوندات في التلفزيون و انت تعرف اننا فعلا شعب استهلاكي. معارضو الرأي ده بيقولوا لأ دي طبقه محدده اللي بتعمل كده. بصوا علي الفقرا في الشعب و شوفوا دول بياكلوا من الزباله. و بين الرأيين الحقيقه ان الحقيقه ذاتها تاهت. و بالتالي عامه الشعب تاهت في غياب الحقيقه و المعلومات و بيبقوا معرضين انهم ياخدوا مواقف مختلفه تبعا للظروف و الأحاسيس و ده مش بيخلينا نتقدم و لا خطوه لانه بيخلي اي حد يقدر ييجي و بعملنا غسيل مخ و ممكن جدا نقتنع بأي حاجه يقولها و نستمر في اننا شعب يسهل الضحك عليه بطريقه يا ماسريين ماسر بتقولكم. طيب تعالوا نتجنب ده و نتعلم حاجه مفيده.  Continue reading

تعالوا نتعلم الاقتصاد بسهوله … مين السبب في ازمه الدولار؟

lets_understand_economy_dollar_value_and_how_the_central_bank_reduced_it (1)

في السلسله دي بنحاول نفهم مبادئ الاقتصاد المكلكعه باسلوب بسيط (الحلقات السابقه كلها في مصدر ١). النهارده حنتعلم و نفهم موضوع سعر الدولار.

في ارقام كده لازم تحفظها كده عن ظهر قلب.

الرقم الاول هو مصر بتستورد بكام. كل شهر مصر بتستورد سلع بحوالي ٤,٥ مليار دولار او بحوالي ٥٥ مليار دولار في السنه. يعني كل طلعه شمس مصر بتدفع للعالم ١٥٠ مليون دولار تكاليف الحاجات اللي بنستوردها. الرقم ده ثابت بقاله فتره طويله باستثناء سنه ٢٠١٥ جينا فجأه في شهر واحد استوردنا بحوالي ٧ مليار دولار و معظمها راح في سيارات و سلع كماليه و لو تفتكروا ده وقت الرز لما دخل جامد و السيسي كان عاوز يفهمنا اننا أغتنينا (مصدر ٢).

ets_understand_economy_Who_caused_Dollar_Issue2

بس بصفه عامه كل يوم مصر لازم تدبر ١٥٠ مليون دولار عشان نعرف نآكل و نشتري لبس و المنتجات الصينيه الأخري.

الدولارات دي بتيجي من ٤ مصادر رئيسيه: التصدير، قناه السويس، تحويلات المصريين في الخارج و السياحه. لو المصادر الاربعه دول كفوا يبقي مصر معاها دولارات كفايه و سعر الدولار يفضل ثابت. لو المصادر دي مكفتش يبقي مفيش دولارات بس طبعا لازم نأكل يبقي لازم يحصل ازمه دولار. Continue reading