JAWDA

مشاركة صديق جودة بلال زويل: 

نشرت جريدة البورصة تقريرا عن محطة الضبعة النووية و يتضمن بعض الارقام الخاصة بالمحطة ( رابط التقرير في المصادر)

اهم المعلومات في التقرير:

١) العمر الافتراضي للمحطة هو ٦٠ سنة

٢) التكلفة الاجمالية ٣٠ مليار دولار

٣) الطاقة الانتاجية ٤٨٠٠ ميجاوات

٤) مدة الانشاء ٥-٧ سنوات

٥)تكلفة انشاء محطة نووية هو اعلي ب 5 اضعاف نظيرتها من المحطات التقليدية لكن انخفاض تكاليف التشغيل والوقود المستخدم يرجح جدواها الاقتصادية

٥) في حال زاد سعر الغاز الطبيعي عن ٨ دولار للمليون وحدة حرارية او سعر برميل النفط عن ٤٥ دولار للبترول يعتبر الوقود النووي هو الارخص Read more

في المقالة دي احنا حندخل من التكنولوجيا و بعدها نتنبأ بحال الشرق الاوسط في خلال ٢٠ سنة! فشوية صبر لانها مقالة ان شاء الله حتفتح أبواب و عقول كتيرة.

فيه علم اسمه دراسة تطور التكنولوجيا. يعني ايه؟ يعني دراسة ازاي مثلا البشرية اتغيرت من استخدام الحصان و الحمار و الجمل في النقل لأنهم يستخدموا النقل النهري و بعدين السفن و بعدين السيارات و بعدين الطيارات (الصورة ١). في كل مره تكنولوجيا جديدة بتظهر بتبدأ ببطء و بدون ما تؤثر كتير على التكنولوجيا المهيمنة. و بعدين بمرور الوقت يقل استخدام التكنولوجيا المهيمنة و يزيد استخدام التكنولوجيا الجديدة. و هكذا. العلماء درسوا التطور ده و لقوا انه بيتبع منحنى له تقريبا نفس الشكل اللي عامل زي جبل. التكنولوجيا الجديدة بتطلع الجبل بمرور الوقت لحد ما توصل القمة في الاستخدام و بعدين تنحدر. ساعات طبعا التكنولوجيا القديمة متختفيش تماما. يعني مثلاً لحد دلوقتي الجمل و الحصان بنستخدمهم في السفر. لكن من ألفين سنة مكانش فيه غيرهم تقريبا و كانت نسبة استخدامهم في المواصلات قرب ال ١٠٠٪‏. دلوقتي بنستخدمهم بشكل اقل بكتير كنسبة من كل وسائل المواصلات. Read more

صعب نفهم اللي بيحصل في المنطقة دلوقتي من غير ما نفهم انه في سياق ترتيبات ما بعد نهايه عصر البترول. نهاية البترول مش حلم بعيد و مش هلوسة ناس بتحلم بالطاقة المتجددة من اللي بيقولوا عليهم tree-huggers. بص كدة على التالي:

١- الصين أعلنت انها في طريقها تمنع العربيات اللي بتمشي بالبنزين تماماً. حالياً في الصين لو اشتريت عربية بالبنزين لازم تاخد دور في طابور طويل و تكسب يانصيب عشان تاخد رخصة. لكن لو العربيه بالكهرباء تاخد الرخصه مباشرة. مصدر ١.

٢- بريطانيا و فرنسا و الهند و ألمانيا و النرويج أعلنوا انه مفيش عربيّات تمشي بالبنزين حتتباع بدءا من ٢٠٤٠ و مفيش عربية بالبنزين حتمشي في الشارع ابتداء من ٢٠٥٠.

٢٠٤٠ دي مش بعيده قوي زي ما انت فاهم. كلها ٢٢ سنه. يعني بعون الله في حياة معظمنا. تقريبا كده لو انت حضرت احتفالات الألفيه الجديده و لسه فاكرها زي ما تكون امبارح يبقى انت حتحضر اخر عربية بتمشي بالبنزين بتتباع في الدول دي و حتفتكر كلامنا ده زي ما يكون امبارح.

Read more

تنقسم تكاليف أي مولد كهربائي في العالم الي الاتي:

– رأس المال اللازم للبناء

– تكاليف التشغيل و الصيانه الدوريه و هي بدورها تنقسم لتكاليف الوقود و تكاليف الاداره و الصيانه و الإحلال. 

بصفه عامه تنقسم مولدات الطاقه الكهربائيه لثلاثة انواع رئيسيه تتباين من حيث تكاليف كل مرحله:

١- مولدات من الوقود الحجري او الكربوني سواء بترول او غاز او فحم. و هي الأقل من ناحيه رأس المال و لكنها الأكثر تكلفه من حيث سعر الوقود.

٢- مولدات نوويه: و هي الاعلي تكلفه من حيث رأس المال. و تكلفه الوقود فيها بسيطه و تكون تكلفه التشغيل الرئيسيه هي الحفاظ علي معدلات عاليه من الامان. 

٣- مولدات من الطاقه المتجدده: مثل الطاقه الشمسيه و الرياح و مساقط المياه (مثل السد العالي). و تكلفه الوقود فيها طبعا منعدمه لكن التكلفة الاساسيه هي في راس المال.

اذن تتشابه الطاقه النوويه و المتجدده من حيث كونهما ذويا تكلفه وقود قليله و لكن تكلفه راس مال عاليه (مصدر ١).  Read more

تظهر الصوره المرفقه منطقه الضبعه ملتقطه بالاقمار الصناعيه التابعه لوكالة ناسا للفضاء و اخترنا ثلاثه صور، الاولي في مايو ٢٠١٥ و الثانيه في ١٤ فبراير ٢٠١٦ و الثالثه في ٢٢ يناير ٢٠١٣. 

كنا نتوقع في الصوره الأخيره الملتقطة في ١٤ فبراير ٢٠١٦ ان نري مجموعه من شبكات الطرق داخل موقع المشروع لتسهل حركه الإنشاءات. كذلك كنت نتوقع بدء ظهور تشوينات الرمل و الاسمنت المتوقعه في المشاريع الكبيره.  Read more

في مثل هذا الوقت من العام الماضي نشرنا مقاله توقعنا فيها ان يكون صيف ٢٠١٤ صيفا مظلما مليئا بالانقطاعات الكهربائيه. و حسبناها بالورقه و القلم و بالفعل صدقت كل توقعاتنا بالضبط (مصدر ١). و ايضا كتبنا الحلول التي لم يستمع اليها احد (مصدر ٢). و قلنا ان اي حديث عن الشمس و الهواء و النووي هو ضحك علي المصريين (مصدر ٣) و فعلا!

سنقوم هنا بذات العمل مره اخري و هو توقع ماذا سيحدث في صيف ٢٠١٥ بالورقه و القلم. سنبدأ اولا بفهم عام ٢٠١٤ كعام المرجعيه ثم نفهم التغيرات منذ عام ٢٠١٤ حتي الان و نبني توقعاتنا بناءا علي ذلك.  Read more

هل تعلم ما هي اضرار الفحم؟ هل تعلم ما هي الأضرار البيئية والآثار المترتبة على صحة المواطن؟ تخيل المناطق القريبة من صناعة الأسمنت (اللي هو مضر صحياً) وضف عليها التلوث عن طريق الفحم؟

هل الإنسان في مصر له ثمن؟ خللي بالك أن وزيرة البيئة في هذه الوزارة صرحت “إن استخدام الفحم لمواجهة مشكلة نقص الطاقة سيعرض الاقتصاد لمخاطر جمة، كما أنه يهدد الأمن القومي والسياحة وصحة المواطن، داعية إلى استخدام مصادر بديلة صديقة للبيئة”.  Read more