Category Archives: استراتيجيات وحلول

ملاحقة نظام السيسي و المتعاونين معه

Court_Cases_Against_Israel

من كام يوم ادارة ترامب هددت منظمة التحرير الفلسطينيه انها حتقفل مكتبها في واشنطن الا اذا الفلسطينيون وقفوا التهديد انهم يرفعوا قضايا ضد اسرائيل في المحكمه الجنائية الدولية. تيليرسون في بيان من الخارجيه الامريكية قال انه “بعض التصريحات من القيادات الفلسطينية فيما يتعلق بالمحكمة الجنائية الدولية تمنع الوزاره من توثيق ان المكتب ملتزم بالقانون الامريكي.” مصدر ١. دي اشاره ان محمود عباس في سبتمبر اللي فات قال انه حيحيل انتهاكات اسرائيل للحقوق الفلسطينيه للمحكمة الجنائية الدولية. و اشارة كمان انه فيه قانون أمريكي نادر الاستخدام انه لو الفلسطينيين استخدموا المحكمه الجنائية الدولية ضد اسرائيل يدي ده الحق لامريكا تقفل المكتب.

بصرف النظر عن التفاصيل فيه حاجه مهمه جدا نتعلمها من الموضوع ده. هوه انه ملاحقة الفلسطينيين حتى العاديين منهم لإسرائيل و حكامها في المحاكم الدولية سواء الجنائية الدولية او حتى المحاكم العادية في الغرب زي ما بيحصل في اسبانيا او هولندا بتوجع. بدليل ان دي اول حاجه اسرائيل و ادارة ترامب عاوزين الفلسطينيين يوقفوها. لذلك اللي بيقولوا ان ملهاش لازمه و حتعمل ايه الحقيقه اما مش فاهمين او هدفهم تثبيط العزايم. و جوده عملت ملف كامل عن محاكمات نظام السيسي و المتعاونين معاهم و ازاي تتعمل. مصدر ٢. 

المصادر:

١- بيان الخارجيه الامريكيه 

http://www.cnn.com/2017/11/18/politics/state-department-palestinians-washington-mission-israel/index.html

٢- محاكمات نظام السيسي و المتعاونين معه. ازاي؟ 

https://jawdablog.org/2015/03/23/how_to_break_military_coup_14_trials-of-individuals/

https://jawdablog.org/2014/12/28/how_to_break_military_coup_2/comment-page-1/

حال الشرق الاوسط في خلال ٢٠ سنة

في المقالة دي احنا حندخل من التكنولوجيا و بعدها نتنبأ بحال الشرق الاوسط في خلال ٢٠ سنة! فشوية صبر لانها مقالة ان شاء الله حتفتح أبواب و عقول كتيرة.

The_Middle_East_in_20_years_01

فيه علم اسمه دراسة تطور التكنولوجيا. يعني ايه؟ يعني دراسة ازاي مثلا البشرية اتغيرت من استخدام الحصان و الحمار و الجمل في النقل لأنهم يستخدموا النقل النهري و بعدين السفن و بعدين السيارات و بعدين الطيارات (الصورة ١). في كل مره تكنولوجيا جديدة بتظهر بتبدأ ببطء و بدون ما تؤثر كتير على التكنولوجيا المهيمنة. و بعدين بمرور الوقت يقل استخدام التكنولوجيا المهيمنة و يزيد استخدام التكنولوجيا الجديدة. و هكذا. العلماء درسوا التطور ده و لقوا انه بيتبع منحنى له تقريبا نفس الشكل اللي عامل زي جبل. التكنولوجيا الجديدة بتطلع الجبل بمرور الوقت لحد ما توصل القمة في الاستخدام و بعدين تنحدر. ساعات طبعا التكنولوجيا القديمة متختفيش تماما. يعني مثلاً لحد دلوقتي الجمل و الحصان بنستخدمهم في السفر. لكن من ألفين سنة مكانش فيه غيرهم تقريبا و كانت نسبة استخدامهم في المواصلات قرب ال ١٠٠٪‏. دلوقتي بنستخدمهم بشكل اقل بكتير كنسبة من كل وسائل المواصلات. Read more

الحضاره الاسلامية والحضارات الأخرى

العالم دلوقتي بالتدريج بيتحول من العالم بتاع الحرب البارده اللي كان بيميزه ان فيه فكرتين او ايدلوجيتين عابرين للقارات و الدول و كل واحده منهم بتقول انها صالحه لكل زمان و مكان لعالم تاني مختلف. في العالم الجديد اللي بيتولد قدام عنينا، الدوله الوطنيه مش قادره لوحدها تحقق أهدافها في التنميه. حتى امريكا و هي أغنى دوله في العالم متقدرش انها تعيش لوحدها من غير التحالف الغربي اللي في الأساس مع كندا و أوروبا الغربيه و ده بيشكل الحضاره الغربيه. امريكا و الغرب نفسهم بقوا مقتنعين ان الحضاره الغربيه ربما مش صالحه لكل البشر و اكبر دليل على كده تقبل الغرب لصعود الصين مثلا. لكن الصين نفسها معمرهاش قالت ان حضارتها او اسلوبها في الحياه صالح للناس كلهم. و بالتالي ابتدا ينشأ في العالم تجمعات حضاريه تشمل مجموعات من الدول في تجمعات جغرافيه ضخمه. التجمعات دي بين مجموعات من الناس شايفين انهم متقاربين في طريقه التفكير و السلوكيات و الأسس الحضاريه و محتاجين انهم يقفوا جنب بعض لان في العالم الجديد اللي بيتشكل الدوله القوميه القطريه بتاعه القرن ١٩ لوحدها عاجزه اقتصاديا عن النمو الاقتصادي. الحدود بين الدول القطريه دي بقت عبأ اكثر منها افضليه. ألمانيا لوحدها مستحيل تنافس كندا و امريكا مع بعض. لكن ألمانيا كجزء من التحالف الغربي تقدر انها تركز في انتاج السيارات طالما معتمده ان امريكا و بريطانيا يقدروا ينتجوا الطيارات و محركاتها اللي السوق الألماني محتاجها. امريكا تقدر تركز في انتاج القمح طالما إيطاليا و فرنسا بينتجوا العنب و الطماطم. و هكذا. التركيز و التعاون و التبادل التجاري بيخلي الشعوب دي تقدر ترتفع معيشيا. و لو نلاحظ نلاقي ان امريكا تفضل الفصل عن المكسيك لكن بترفع الحواجز مع كندا و أوروبا. و هكذا.  Read more

هل مصر حتبقى قد الدنيا؟ هل ده أساسا ممكن؟ و لو ممكن ازاي؟

Can_Egypt_Succeed1

فيه مقياس للاقتصاد جديد و الاقتصاديين بدءوا يقولوا ان المقياس ده اهم من الناتج القومي او حتى اهم من دخل الفرد او معدلات نمو الاقتصاد لان المقاييس دي بتقيس شكل الاقتصاد دلوقتي النهارده. لكن المقياس الجديد ده بيدينا فكره مهمه عن شكل الاقتصاد بكره و بعد بكره. و الناس لقيوا ان الدول اللي عندها المقياس ده عالي دول حتبقى غنيه في المستقبل حتى لو فقيره دلوقتي. المقياس ده اسمه “معدل رسمله البشر” او human capitalization rate.

المقياس ده بيقيس حاجه بسيطه قوي. قدره الفرد انه يوصل لاعلى مراتب ممكن يحققها بإمكاناته الطبيعية اللي ربنا خلقه بيها. يعني لو واحد مولود بموهبه الرسم يوصل انه يبقى اهم رسّام في البلد. لو واحد عنده موهبه الإختراع او الفيزياء او الرياضيات يوصل انه يبقى مخترع او عالم فيزياء. الخ. Read more

تعالوا كده نحاول نتنبأ بالدول الفاشله و الناجحة

Predicting_winning_and_Losing_Nations_1

فيه دول في المنطقه بتاعتنا حتنجح و تعلى و فيه دول حتفشل او تفضل فاشله. تعالوا كده نحاول نتنبأ بالدول الفاشله و الناجحة. قبل ما نقول الدول بالأسماء تعالوا نتعرف على الصفات. نمسك ٣ امثله.

المثال (أ) دوله دلوقتي بتحاول تصمم و تصنع طياره و محرك طياره و بتحاول ننتجهم و تصدرهم و تنافس بيهم لكن بتعمل كده و بتتعاون مع العالم من حواليها. 

المثال (ب) دوله دلوقتي بتحاول تستقطب استثمارات في مجال الطيران و تصنيع الطيارات و بقت مصدر مهم لمكونات الطيارات الاوروبيه و بتحاول تنتج و تشتغل. 

المثال (ج) دوله بتضحك على شعبها و تقولهم كله حيبقى حلو بس اصبروا و مش عارفه تجيب استثمارات لان الجو فيها كله فساد.

تفتكر مين اللي حينجح بتفوق؟ مين حينجح؟ و مين حيفشل؟

Read more

هل انت خايف؟

Are_you_Afraid.jpg

هل انت خايف؟ بتقول انا مش حاشير البوست دي عشان صحابي ميبلغوش عني؟ هل مش قادر تكتب عن السيسي عشان والدتك محلفاك تبعد عن السياسه و ان محدش بينفع حد و بص لمستقبلك و كمان هي عندها حساب على فيسبوك بتتابعك؟ لو انت واحد من دول استمر معانا. 

مفيش دوله استبدادية تقدر انها تعتقل كل المواطنين. لكن كلهم بيتبعوا و بيطبقوا بشكل علمي جدا نظريات الخوف! يعني دوله بتروج لعلاج الإيدز بالكفته لكن بتيجي عند السيطره الامنيه و بتستخدم أحدث النظريات! ازاي؟  Read more

خليك إيجابي و وصل رأيك لشركة سيمنز

be_positive

خلاص بقى فيه تطبيع للعلاقات مع نظام السيسي. احنا هدفنا ان التطبيع ده ميكملش. طبعا فيه الناس اللي حتقول و هوه يعني احنا نقدر نعمل ايه. أدي تعمل ايه:

ادخل على صفحه شركه سيمنز على الفيسبوك و حتلاقي عليها بوست عن اعمال الشركه في مصر:

https://m.facebook.com/Siemens/photos/a.415448225182924.99034.402052193189194/1358290237565380/?type=3&source=54

البوست عليها ٥ كومنت لذلك تأثير دخول إعداد كبيره حيكون ملحوظ. ادخل عليها و قول رأيك. Read more

« Older Entries