Category Archives: الإقتصاد

طيب ايه العمل في سد النهضه؟ 

What_to_do_with_Renaissance_Dam

بعد فشل المفاوضات اللي تلت الاتفاقيه المجحفة اللي وقعها نظام السيسي و هو فشل توقعناه بالكامل (مصدر ١) ناس كتير بتسأل ايه العمل طيب. و ناس تانيه بتقول الحل هو اما ان مجلس الشعب يلغي التصديق على الاتفاقيه. و ناس تانيه خالص بتقول الحل هوه انه د مرسي يرجع و بالتالي كل اتفاقيات نظام السيسي تبقى لاغيه. طبعا واقف ضدهم الفريق بتاع الجيش المصري حيضرب سد النهضه و يخلص الموضوع. حنمسك كل واحد من دول و نرد عليه و بعدين حنقول الطريقه العلميه للتعامل مع الامر. 

بالنسبه لمن يقترح انه مجلس الشعب يلغي التصديق على الاتفاقيه. دول ناس بتفكر قانوني اكتر من اللازم. و هو داء مزمن في السياسه المصريه لانه في الوقت مثلا اننا بنكلم اسرائيل من سنه ٤٨ في قوانين دوليه و حقوق، اسرائيل بتكلم لغه تغيير الاوضاع الحقيقية على الارض. في العلاقات الدوليه الحقوق و القوانين الدوليه هي آداه مساعده لان الحقيقه ان العالم في العلاقات الدوليه مفيهوش قوانين مستقره او آداه عدل و وسيله لتطبيق العدل زي ما جوة الدول فيه قوانين و محاكم و شرطه. العالم بيحاول ده بوجود محكمة العدل الدوليه او المحكمه الجنائية الدولية لكن لسه موصلناش لمرحله ان القانون هوه اللي بيحكم العالم.  Read more

هل فعلا الإمارات نوعت اقتصادها و بقت غير معتمده على البترول؟

يقال لينا دايما بصوا على الإمارات و بالذات دبي و ربما أيضا ابو ظبي انهم نوعوا مصادر الدخل و بقوا اما غير معتمدين او بقوا اقل اعتماداً على البترول. و تضرب الامثلة بذلك مثل طيران الإمارات او الاتحاد او الاسواق الحرة في دبي او صناعة الألومنيوم في الإمارات او الصناعات التجميعية في ميناء جبل علي. و مؤخراً قيل لنا دة الإمارات حتطلع أقمار صناعيه و عندها برنامج للوصول للمريخ. و للاسف هناك عادة لدينا اننا نعتمد على الامثلة او ما يطلق عليه anecdotes و نهمل تماما النظر للمؤشرات الإحصائية للاقتصاد. مع ان علم الإحصاء اُختُرع من اجل هذا بالضبط و هو تجنب اللجوء لامثلة قصوى و النظر للامر على انه منحنى جرس فيه النهايات القصوى من الجانبين و لكن العبرة بالمتوسط و الانحراف المعياري!

في المقالة دي حندحض تماماً الاسطورة دي و حنفهم لأي حد فعلا اقتصاد الإمارات او حتى السعوديه غير معتمد على البترول و ليه. Read more

ملاحقة نظام السيسي و المتعاونين معه

Court_Cases_Against_Israel

من كام يوم ادارة ترامب هددت منظمة التحرير الفلسطينيه انها حتقفل مكتبها في واشنطن الا اذا الفلسطينيون وقفوا التهديد انهم يرفعوا قضايا ضد اسرائيل في المحكمه الجنائية الدولية. تيليرسون في بيان من الخارجيه الامريكية قال انه “بعض التصريحات من القيادات الفلسطينية فيما يتعلق بالمحكمة الجنائية الدولية تمنع الوزاره من توثيق ان المكتب ملتزم بالقانون الامريكي.” مصدر ١. دي اشاره ان محمود عباس في سبتمبر اللي فات قال انه حيحيل انتهاكات اسرائيل للحقوق الفلسطينيه للمحكمة الجنائية الدولية. و اشارة كمان انه فيه قانون أمريكي نادر الاستخدام انه لو الفلسطينيين استخدموا المحكمه الجنائية الدولية ضد اسرائيل يدي ده الحق لامريكا تقفل المكتب.

بصرف النظر عن التفاصيل فيه حاجه مهمه جدا نتعلمها من الموضوع ده. هوه انه ملاحقة الفلسطينيين حتى العاديين منهم لإسرائيل و حكامها في المحاكم الدولية سواء الجنائية الدولية او حتى المحاكم العادية في الغرب زي ما بيحصل في اسبانيا او هولندا بتوجع. بدليل ان دي اول حاجه اسرائيل و ادارة ترامب عاوزين الفلسطينيين يوقفوها. لذلك اللي بيقولوا ان ملهاش لازمه و حتعمل ايه الحقيقه اما مش فاهمين او هدفهم تثبيط العزايم. و جوده عملت ملف كامل عن محاكمات نظام السيسي و المتعاونين معاهم و ازاي تتعمل. مصدر ٢. 

المصادر:

١- بيان الخارجيه الامريكيه 

http://www.cnn.com/2017/11/18/politics/state-department-palestinians-washington-mission-israel/index.html

٢- محاكمات نظام السيسي و المتعاونين معه. ازاي؟ 

https://jawdablog.org/2015/03/23/how_to_break_military_coup_14_trials-of-individuals/

https://jawdablog.org/2014/12/28/how_to_break_military_coup_2/comment-page-1/

اتفاقية التفريط في المياه

Let_go_of_nile_water

حنعمل هنا ترجمة و شرح لاتفاقية اعلان المبادئ بين مصر و السودان و اثيوبيا حول سد النهضة. ناس كتير بتتكلم بدون علم او معرفة لذلك حنمسك كل جزء من الاتفاقية نشرحة و نقول هل هوه في صالح مصر او ضدها. 

اتفاقيه اعلان المبادئ بين مصر و اثيوبيا و السودان و التي تم توقيعها في الخرطوم في مارس ٢٠١٥. في نظرنا هذه الوثيقه (مصدر ١) هي نقلة تاريخية في مستقبل مصر المائي حيث سيمكن القول في المستقبل تاريخ مصر قبل هذه الوثيقة و تاريخ مصر بعدها. 

سنترجم هنا مقاطع من الاتفاقيه مع تعليقنا القانوني علي المقطع: Read more

حال الشرق الاوسط في خلال ٢٠ سنة

في المقالة دي احنا حندخل من التكنولوجيا و بعدها نتنبأ بحال الشرق الاوسط في خلال ٢٠ سنة! فشوية صبر لانها مقالة ان شاء الله حتفتح أبواب و عقول كتيرة.

The_Middle_East_in_20_years_01

فيه علم اسمه دراسة تطور التكنولوجيا. يعني ايه؟ يعني دراسة ازاي مثلا البشرية اتغيرت من استخدام الحصان و الحمار و الجمل في النقل لأنهم يستخدموا النقل النهري و بعدين السفن و بعدين السيارات و بعدين الطيارات (الصورة ١). في كل مره تكنولوجيا جديدة بتظهر بتبدأ ببطء و بدون ما تؤثر كتير على التكنولوجيا المهيمنة. و بعدين بمرور الوقت يقل استخدام التكنولوجيا المهيمنة و يزيد استخدام التكنولوجيا الجديدة. و هكذا. العلماء درسوا التطور ده و لقوا انه بيتبع منحنى له تقريبا نفس الشكل اللي عامل زي جبل. التكنولوجيا الجديدة بتطلع الجبل بمرور الوقت لحد ما توصل القمة في الاستخدام و بعدين تنحدر. ساعات طبعا التكنولوجيا القديمة متختفيش تماما. يعني مثلاً لحد دلوقتي الجمل و الحصان بنستخدمهم في السفر. لكن من ألفين سنة مكانش فيه غيرهم تقريبا و كانت نسبة استخدامهم في المواصلات قرب ال ١٠٠٪‏. دلوقتي بنستخدمهم بشكل اقل بكتير كنسبة من كل وسائل المواصلات. Read more

التكنولوجيا ومصير البترول وتأثيره على الشرق الأوسط

صعب نفهم اللي بيحصل في المنطقة دلوقتي من غير ما نفهم انه في سياق ترتيبات ما بعد نهايه عصر البترول. نهاية البترول مش حلم بعيد و مش هلوسة ناس بتحلم بالطاقة المتجددة من اللي بيقولوا عليهم tree-huggers. بص كدة على التالي:

١- الصين أعلنت انها في طريقها تمنع العربيات اللي بتمشي بالبنزين تماماً. حالياً في الصين لو اشتريت عربية بالبنزين لازم تاخد دور في طابور طويل و تكسب يانصيب عشان تاخد رخصة. لكن لو العربيه بالكهرباء تاخد الرخصه مباشرة. مصدر ١.

٢- بريطانيا و فرنسا و الهند و ألمانيا و النرويج أعلنوا انه مفيش عربيّات تمشي بالبنزين حتتباع بدءا من ٢٠٤٠ و مفيش عربية بالبنزين حتمشي في الشارع ابتداء من ٢٠٥٠.

٢٠٤٠ دي مش بعيده قوي زي ما انت فاهم. كلها ٢٢ سنه. يعني بعون الله في حياة معظمنا. تقريبا كده لو انت حضرت احتفالات الألفيه الجديده و لسه فاكرها زي ما تكون امبارح يبقى انت حتحضر اخر عربية بتمشي بالبنزين بتتباع في الدول دي و حتفتكر كلامنا ده زي ما يكون امبارح.

Technology_and_Oil_impact_on_middle_east

Read more

توقعات نسبه الدين المصري للدخل القومي

Egypt_Governement_DEBT_to_GDP

الصوره دي هي توقعات نسبه الدين المصري للدخل القومي (مصدر ١ و هو من ارقام البنك المركزي). النسبه دي مهمه ليه؟ فكر فيها. الناتج القومي ده تقريبا هو دخل البيت في السنه. لو انت مديون ب ١٠٠ جنيه بس دخلك في السنه مليون فده دين كلام فارغ. لو انت مديون ب ١٠٠ جنيه بس دخلك في السنه ٥٠ جنيه فأنت أكيد رايح في داهيه. الصوره بتقول انه في ٢٠١٧ الدين حيعدي ١٠٠٪‏ من الناتج القومي و في ٢٠١٨ حنوصل ١٠٨٪‏. 

من ٣ سنين بالضبط يعني في ٢٠١٤ (مصدر ٢) كتبنا التالي: Read more

« Older Entries