!ظاهره الفنان المرتزقة

ظاهره الفنان المرتزقة! 

لماذا يسافر فنانون مصريون لتأييد ميليشيات عراقيه؟ 

egyptian_artist_mercenaries

اولا انظر الصورة و اقرأ الخبر في مصدر ١. 

هل دور الفن المصري هو رفع الروح المعنوية لميليشيات ترتكب فظاعات؟ 

هل دور الفنان المصري هو الترفيه عن ميليشيات و جيوش اجنبيه؟ 

هل انحدر الفن المصري انه يصبح لعبه كي يغيظ بها السيسي السعوديه؟ 

هل دور الفن الارتقاء بالمجتمع أم تأييد الفظاعات و انتهاكات حقوق الانسان؟  Continue reading

:الاعلام المصري يخترع نوع جديد من الكذب

الاعلام المصري يخترع نوع جديد من الكذب:

ان تكذب عن الكذبات التي كذبتها في سابق كذبك!

egyptian_media_invents_new_way_of_lying

في التسعينات ظهر فريق راب أمريكي و كان مقطع من الاغنيه يتحدث عن منعدمي الاخلاق و الضمير و يقول:

“انهم يكذبون حتي عن الكذبات التي كذبوها من قبل” 

They lie about their own lies they lied before! 

و يبدو انه كان يقصد الاعلام المصري ربما دون ان يعلم. 

السيد محمد الغيطي الذي ملأ الدنيا كذبا ان السيسي أسر قائد الاسطول السادس اثناء محاوله ذلك القائد تثبيت الرئيس محمد مرسي (لم يحدث هذا الا في خيال الغيطي). مصدر ١. و للاسف هي كذبه صدقها بعض المصريين او حتى صدقوا بعضها. فربما صدقوا ان القائد لم يتم أسره فعلا و لكن كثيرون صدقوا انه فعلا حاول منع الانقلاب! و تحول ذلك لاسطوره لا يمكن دحضها مهما حاولنا نحن هنا في جوده ان نقول للناس ان ذلك كلام فارغ! و ان امريكا عالمه تماماً بالانقلاب و قبل حدوثه. و ان السيسي كان يتصل يوميا باعترافه بوزير دفاع امريكا و كان السيسي حزينا (باعترافه هو نفسه) ان اوباما لا يعيره اهتماما و لا احتراما.  Continue reading

سايكس-بيكو و الحرب العالميه الاولي … وقفه استراتيجيه! … الحلقه ٣٠

sykes_pico_30_strategic_pause

الاحداث كان بقالها شويه بتتلاحق بسرعه. يعني من كام حلقه بس كان اللنبي في القدس قاعد مستني مش لاقي حاجه يعملها لان بريطانيا سحبت قواتها للجبهه الغربيه. و ده كان في شهر مارس ١٩١٨. بحلول اكتوبر ١٩١٨ اللنبي اخذ سوريا كلها و وصل تركيا ذات نفسها و تركيا أعلنت استسلامها دون قيد او شرط زي ما شفنا الحلقه السابقه (مصدر ١). قبل ما نكمل تلاحق الاحداث حنقف وقفتين. الاولي النهارده و حنفهم فيها ليه الاحداث تلاحقت بسرعه كده و مين بيكسب. في الأحوال دي. و الوقفه التانيه الأسبوع الجاي مع فظاعات الحرب و حنشوف حاجات المفروض متتكررش تاني في التاريخ الإنساني لكن للاسف بتتكرر قدام عينينا في سوريا و تقريبا في نفس اماكن حدوثها في عام ١٩١٨. 

فيه أوقات في التاريخ بيحصل ان الأوضاع بتبقي في حاله سيوله شديده جدا. ممكن اي شيئ يحصل. و ده بيكون لما مجموعه قوي سواء دوليه او محليه حاطه كل امكانياتها قدام بعضها و كلهم تعبوا جدا و اي عامل ممكن يبقي مؤثر و يغير النتيجه. فكر كده لما يكون اتنين قصاد بعض بيلعبوا لعبه “ريست” او حتي شد الحبل. الاتنين حاطين اقصي جهد. الاتنين تعبوا. و يبدو ان واحد منهم قرب يكسب لكن فجأه الامور بتتغير. ايه سبب انها تتغير. ببساطه ممكن ان اللي باين انه حيكسب لكن خسر في الاخر حط كل مجهوده و خلاص تعب و مش فاضل معاه قدره انه يكمل. بينما التاني عنده صبر و عنده قدرات لسه مخزناها قدر انه يناور بيها و يخليها لآخر لحظه. 

تعالوا نطبق ده في الحروب. في الأوضاع دي اللي فيها سيوله شديده و قوات كبيره بتواجه بعضها، اللي معاه إمكانيات اقتصاديه اكبر و قدره علي الصبر و المناوره هو اللي بينتصر. ده اللي حصل في الحرب الاولي. بريطانيا كان عندها عده اضعاف ما لدي المانيا و تركيا من القدرات الاقتصاديه. دخل بريطانيا كان اعلي بكتير. و كان عندها مستعمرات بتمدها إمدادات جديده. و ورآها امريكا كقوه ضخمه لم تستغل خالص. و بالتالي اللي حصل ان المانيا و تركيا خلصوا مجهودهم كله و ان كان بانوا انهم قربوا يكسبوا لكن النهايه غير كده. لما مجهودك بيخلص كمان قدرتك علي المناوره بتبقي ضعيفه جدا و بتبقي خلاص عاوز تستسلم و تخلص. 

الأوضاع في الشرق الاوسط دلوقتي كده بالضبط. الشرق الاوسط في حاله صراع و حرب. بعضها فوق السطح و بعضها تحته. فيه دول ممكن تبان انها متراجعه لكن الحقيقه ان أوضاعها الاقتصاديه ممتازه و عندها قدره علي الصبر و المناوره عاليه. و فيه دول ممكن تبان انها متقدمه دلوقتي لكن في الحقيقه مسنوده علي أساس اقتصادي ضعيف جدا. 

مثلا الدول اللي عندها اقتصاد قوي و قدره عاليه علي المناوره في الشرق الاوسط هي تركيا و ايران و اسرائيل و امريكا. اقتصاديات قويه. موارد كبيره. عندها حاجات كتيره تناور بيها. تركيا عندها اقتصاد و عندها جيش كبير و عندها مشروع تنموي ضخم و عندها جماعات معارضه من كل حته في الشرق الاوسط بتنتهي عندها. كل دي أدوات مناوره. ايران عندها مشروع نووي و موقع استراتيجي و كميات غاز ضخمه يحتاجها الغرب و عندها حزب الله يقدر يحول حياه اسرائيل لجحيم و عندها وجود في سوريا. كل دي أدوات مناوره. و هكذا. 

قصاد كده في دول ضعيفه اقتصاديا و معرضه و مكشوفه قدام ايه تسويات. اي تسويات حتكون علي حسابها. مصر مثلا. اقتصاد ضعيف. صحيح موقع مؤثر. لكن تركيا في الحرب العالميه الاولي كانت موقع جبار و ما زالت. لكن التسويات حصلت علي حسابها. مصر و السيسي ممكن يبلطج و يناور لكن في النهايه معندوش كتير يناور بيه. 

السعوديه كمان نفس الكلام. عندها كذا جبهه مفتوحه. اقتصادها بدأ يعاني. وضعها الاستراتيجي بسبب تراجع اسعار البترول بذأ يتراجع بقوه. حتي لما امريكا عملت ضدها قانون جستا السعوديه لم ترد. 

روسيا نفس الكلام. روسيا دخلها اقل من امريكا بعده مراحل. و تعتمد علي البترول اعتماد كبير جدا. و بالتالي هي ممكن تبان دلوقتي انها متفوقه. لكن الحقيقه بتقول ان كل ده اساسه هش جدا اقتصاديا. و كمان قدراتها علي المناوره بتقل بعد دخول الغاز الايراني السوق و تخلص اوروبا من الاعتماد علي الغاز الروسي. 

لذلك مش غريب ان روسيا تتحالف مع اسرائيل عشان تقسم سوريا. ده بيدي روسيا أدوات مناوره لكن السؤال هو مين الكلب و مين ديله. اقتصاد اسرائيل و قوتها العسكريه و دورها في الإقليم كبير جدا مقارنه بروسيا و بالتالي اسرائيل ممكن تتحالف مع روسيا لتقسيم سوريا و ان روسيا تعمل دوله علويه تمتد من حلب لادلب عشان تبقي حائط صد ضد عدو اسرائيل في تركيا. و الدوله العلويه اللي روسيا بتعملها دلوقتي حتبقي ضعيفه جدا و تعتمد علي روسيا و اسرائيل في الحمايه. لكن اسرائيل تقدر توقف روسيا انها متعديش لشرق الفرات. لذلك زي ما احنا شايفين روسيا لم تطلق طلقه شرق الفرات! مع ان ده جزء من سوريا اللي المفروض روسيا رايحه تدافع عنها. اللي يوريلك ده كمان ان روسيا لم تدخل مطلقا في معركه الموصل. و لم تقترب من الرقه. اي شيئ شرق الفرات روسيا لا تستطيع الاقتراب منه. لذلك واضح مين التابع و مين المتبوع في العلاقه بين روسيا و اسرائيل هنا. 

لذلك السؤال الرئيسي في الشرق الاوسط هو ايه نوع التسويات اللي ممكن تحصل بين اللاعبين الكبار: اسرائيل، ايران، تركيا، امريكا. و كل واحد منهم عنده احتياجات و طلبات. 

اسرائيل عندها هدف تقسيم سوريا. ايران عندها هدف الحفاظ علي كتله شيعيه في سوريا و لبنان تستطيع ان تناور بها. و هو مشروع علي المدي القريب ممكن متقارب مع اسرائيل لكن علي المدي البعيد متصادم معها جدا. تركيا عندها هدف مجال حيوي لها في الشرق الاوسط يشمل كل العالم السني. و هو مشروع متصادم بالضروره مع اسرائيل. امريكا هدفها امن اسرائيل طبعا و ضمان تدفق الغاز من ايران و البترول حتي حين (و هذا الحين اقترب عندما لا يحتاج العالم لكثير من البترول نتيجه زياده الاعتماد علي الغاز و علي السيارات الكهربائيه و الطاقه المتجدده) و ضمان وجود تناسق في القوي بين الكبار في الشرق الاوسط: ايران تركيا اسرائيل بحيث لا تطغي احداهم علي الأخري. 

بقيه دول الشرق الاوسط تظن نفسها لاعبين كبار. لكن الحقيقه ان معندهمش قدرات أساسيه تخليهم كبار. 

و نكمل. 

المصادر:

——–

١- الحلقات السابقه كلها مجمعه:

https://jawdablog.org/2016/10/15/sykes_pico_28_demascus_fall/

https://jawdablog.org/category/التاريخ/صفحات-مخفيه-من-التاريخ/

هل فعلا مفيش في أيدينا حاجه ضد الفساد كما قال السيسي؟

على نضافه … عِلم الفساد

corruption_science

هل تتخيل ان الفساد و اسبابه و مكافحته لها علم و دراسات؟ في ١٩٨٨ كتب روبرت كلتجارد الاستاذ وقتها في جامعه كاليفورنيا – سانتا مونيكا كتابه الأشهر “التحكم في الفساد” (مصدر ١). 

وضع كلتجارد صيغته العلميه للفساد و هي:

الفساد = مرونه التصرف – المحاسبه 

Corruption = discretion – accountability 

و معناها ببساطه انه كلما أعطيت احد الأفراد او الهيئات مرونه في التصرف دون محاسبه كلما ازداد فساده او فسادها. و العكس صحيح.  Continue reading

اين هو كوبري مصر – السعوديه؟

where_is_saudi_egypt_bridge

في ابريل من هذا العام حصلت زيطه و زمبليطه حول ما اطلق عليه كوبري الملك سلمان ليربط بين مصر و السعوديه و كان ذلك جزء من محاوله دربكه المصريين كي يتقبلوا التنازل عن تيران و صنافير. 

و كتبنا يومها مقاله (مصدر ١) انه لن يتم انشاء اي شيئ. و ان من يريد الربط بين البلدين لا يحتاج لا جسر و لا نفق و لا يحزنون. يحتاج فقط عباره مثل التي كانت تربط السويد بالدانمارك او زامبيا لبوتسوانا! علي الأقل ريثما يتم انشاء الجسر المزعوم! 

قلنا انهم بيشتغلوكم. 

و ها قد ثبت ما كتبنا. هل نفذ احد جسرا؟ أبدا؟ هل حتي بدأ اي احد في عطاءات الجسر؟ إطلاقا. طيب حتي ذكره في الاعلام؟ مفيش؟  Continue reading

ياريت نتعلم

Turkey_Prayers

هذه صور جموع الشعب التركي تؤدي صلاه الفجر في الشارع احتفالا بدحر الانقلاب. 

لاحظ الأدوار المهمه:

– زعيم سريع الحركه سيطر علي الامر و نادى الشعب للميادين. افتقدنا احنا دي. سهل اسقاط الانقلابات في اول ٢٤ ساعه بوجود الضغط الشعبي و النزول للشوارع زي فنزويلا. لو نزلنا الشوارع يوم ١ يوليو كان الامر اختلف. 

– شعب لبي النداء بشجاعه. موجود عندنا برضه لكن جه متأخر. و بالمناسبه مش كل الشعب التركي مع اردوجان او ضد الانقلاب. بالعكس فيه مع الانقلاب. 

– تطهير الجيش و الشرطه فعل فعلته. انحيازهم للشرعيه و الديمقراطيه حاسم. 

– انحياز أمريكي للديمقراطيه مش سبنا العالم كله يقف في المنتصف او سبنا البرادعي يعمل حمله ضد الشرعيه قبل الانقلاب او مسئوله في المجلس القومي للمرأه تطلع في مؤتمر دولي تسب الرئيس المنتخب. 

– السيطره السريعه علي الاعلام. مهمه جدا. اكبر سبب لنجاح الانقلاب في مصر. و مش وقت الانقلاب بس من قبلها. 

نلسون مانديلا قال: “انا لا افشل. اما انجح او اتعلَّم”. 

ياريت نتعلم.

!فضائح الاعلاميين في امريكا … المقارنه بمصر!

Scandals_in_Media_USA_versus_Egypt

من الخطأ تماماً الظن ان هناك نظام بشري لا يخطئ او ان اي منظومه سواء كانت منظمه او شركه او مؤسسه لا تحتوي علي مجموعه من النصابين و الحراميه. ففي اي مجتمع بشري ستوجد نسبه محدده من المجرمين حتي أيام الرسول و الصحابه. و عكس هذا هو اعتقاد خاطئ لدي كثير من المصريين. لكن السؤال هو كيف تتعامل المنظومه مع تلك المجموعه. و المسأله لا تقاس برداعه العقوبه وتجبرها. بل تقاس بكيف يتم التحقيق في الامر و في توازن الجرم مع العقوبه و فيما اذا كانت الثقافه في المجتمع تتعاضي عن الأخطاء و تصهين سواء لحسب او نسب او واسطه او لغرض ما او تتعامل مع الجميع بالعداله؟  Continue reading