فيه بديهيات يبدو اننا لازم نقولها و للاسف حنحطم امال مصريين كتير. يا ناس يا هوه يا عاقلين: موسوعه جينيس للأرقام القياسية هي مجرد كتاب ترفيهي. حتى اسمه هو Guinness book of records اي و الله مجرد كتاب ترفيهي. حاجه كده في الغرب زي انك تقرأ كتاب نكت. و تضحك شويه و تقول ياه و بعدين تنسى الموضوع تماما.

هل عيب انك تحاول يبقى اسمك في كتاب جينيس؟ أكيد مش عيب. انت بكده حتنضم لقائمه طويله من العجايب و الغرائب ري مثلا اكبر كلب و أطول قطه. كمان فيه رقم قياسي لأطول قرن معيز في العالم و طوله ١٥٣ سم و مسجل بأسم المعزه راسبوتين في تيرول بالنمسا. اتفضل ضيف اسمك فيها.

مفيش علاقه اطلاقا بين تقدم الدول و وجود اسماء ابنائها و بناتها في كتاب جينيس. الموضوع كله اساسه الترفيه والضحك و الاثاره و المتعه. Continue reading →

طيب طالما بيوصفوا لينا مصر أنها كيان منفصل عن المصريين و ان مش مهم المصريين يعيشوا في ضنك او يموتوا حتى، المهم مصر تعيش! جميل خلّونا و الله نكمل ان مصر دي واحده تانيه. 

طيب المصريين اللي هما غير مصر، لما بيطلعوا بره مصر كتير منهم بينجح. بيفضلوا معاها كلهم بيفشلوا. يبقى العيب في مين؟ 

اخر مره مصر نجحت في حاجه كانت من ييجي سبعتلاف سنه كده و لما نجحت كان عشان المصريين ساعدوها. يبقى العيب في مين؟

موضوع مصر كيان مستقل قصدهم بيه ان مصر هما. و هما يعني اللي واكلين البلد: الجيش، الشرطه، القضاء و شويه منتفعين من رجال الاعمال. لما بيقولك مصر تعيش و يموت المصريين ده كود ان هما يعيشوا مرتاحين و يموت بقيه المصريين. 

اصحى أرجوك. مصر هي تجميع كل المصريين. لما المصريين يموتوا و لا يتفقروا يبقى مصر فقيره و بتموت. 

اصحوا. دي اسطوره ان مصر تبقى كيان منفرد لوحدها. 

#الاساطير 

و أقروا بقيه الأساطير هنا:

https://jawdablog.org/category/الأساطير-و-التابوهات-في-السياسه-المصر/

فاكرين الناس بتوع “لا تعقيب على احكام القضاء”؟ كانوا بيقولولنا يا متخلفين ازاي تناقشوا حكم قضائي. في العالم كله لما قاضي بيحكم كله بيسكت. فاكرين الناس دي؟ لما اتريقنا على محاكمات الموز ضد الثوريين و الثوره و كانوا يقولولنا لا تعقيب على احكام القضاء بالذات القضاء المصري الشامخ. دلوقتي رأيهم ايه و كل امريكا بتناقش حكم قضائي بيوقف قرارات ترامب؟

كنّا كتبنا في ٢٠١٣ (ياااه من زمان قوي) ان مفيش حاجه في الدنيا اسمها لا تعليق على احكام القضاء و ان دي اسطوره الدوله العميقه عاوزه تحطها في دماغنا عشان تثبت أركان الدوله العميقه و منها القضاء. بالضبط زي الحرامي ما يبقى خاله القاضي و يقول يالا نروح المحكمه!

و قلنا ان الوحيد اللي ملوش حق يعلق على حكم القضاء هم القضاه ذات نفسهم!

و أقروا اللي كتبناه من زمان:

https://jawdablog.org/2014/09/16/egypt_taboo_1/

يتحفنا البعض من حين لآخر بادعاءات ان ثوره يناير كانت مؤامره. اما من الجيش للتخلص من جمال مبارك و اما من أمريكا! 

و الحقيقه ان الوثائق كلها تدحض هذا بقوه. 

١- تسجيل سامي عنان مع البرادعي يؤكد بقوه ان الجيش تفاجئ و لم يكن يدري كيف يتصرف. و كان فقط يتمنى لو ان يرضى شباب الثوره و يصمتون. و كان مستعدا لتنفيذ كل مطالبهم حتى و لو كانت عديمه المعنى. مصدر ١. كان الشعب المصري في أقوى أوقاته.  Continue reading →

عاطفيون نحن جدا و تأخذنا العاطفه بعيدا عن مصالحنا. نرجع للأصول الأساسيه و هدفنا الرئيسي. من تحديد الأهداف يمكننا ان نحدد افعالنا و ماذا نؤيد و ماذا نخالف. اتفقنا؟ هدفنا الرئيسي التخلص من السيسي و محاكمه كل المشاركين في الانقلاب و العوده للمسار الديمقراطي. واضح الكلام. 

البرادعي يتحدث الان لانه يرى ضعف نظام السيسي. عندما خرج البرادعي مهرولا من مصر بعد رابعه كان في البدايه لا يكتب حتى تويته مذعورا من النظام. و الان سيتحدث. هذا دليل ان النظام اصبح اضعف. و هذا بالطبع نراه في الانحدار الاقتصادي و تدهور علاقاته مع التحالف العربي الذي وضعه و حاول تثبيته. و حتى تدهور علاقاته مع المسيحيين. و لم يبقى له الا اسرائيل و ترامب. و كتبنا ان هذا مهم لسقوط النظام في السابق. مصدر ١. ليس معنى هذا ان النظام سيسقط الان. هذا له محددات شرحناها سابقا. مصدر ٢.  Continue reading →

هل فعلا العيب فينا و اننا شعب نستاهل العيشه الصعبه اللي عايشنها؟ و هل فعلا السيسي يعني حيعمل لينا أيه اكتر ما هوه بيعمل؟ و لو هو وحش فعلا فأهو يعني احنا حنجيب منين ما أهو اصله شعب مش بيجي الا بالضرب. هل ده حقيقي؟ هل النغمه اللي بيقولها مذيعين التلفزيون دي حقيقه؟ 

————

و هذه الاسطوره تستند بشكل كبير للحديث القائل: “كيفما تكونوا يولى عليكم”. 

اولا. هذا الحديث ضعيف.  Continue reading →

السنه دي دخلت كلمه جديده قاموس أوكسفورد. كل سنه القاموس بيختار كلمه تدخل اللغه الانجليزية بشكل رسمي. الكلمه السنه دي هي بوست تروث post-truth أو ما بعد الحقيقه. مصدر ١.

ما بعد الحقيقه معناها هي الخطاب السياسي الذي يهتم بمخاطبته للمشاعر بصرف النظر عن الحقائق. بالعكس هو يلوي الحقائق. 

و المثال النمطي لذلك هو شهاده الفتاه الكويتية نيره الصباح في الكونجرس الامريكي غداه غزو العراق للكويت. استخدمت الفتاه و عمرها وقتها ١٥ سنه اسمها الاول فقط و هو نيره دون ذكر اسم الصباح. لاحقا تم اكتشاف انها ابنه سفير الكويت في أمريكا سعود الصباح. ادعت نيره ان الجنود العراقيين خلعوا الأطفال المبتسرين من الحضانات مما تسبب في قتلهم. تم لاحقا اكتشاف ان شهاده نيره الصباح كانت جزء من حمله اعلاميه نفذتها شركه هيل اند نولتون للإعلام و مولتها الحكومه الكويتيه. غيرت شهاده نيره من الرأي العام الامريكي و جعلته متهيأ لتدخل أمريكا لطرد العراق من الكويت. مصدر ٢.  Continue reading →