ما هو البارالاكس؟ الحلقه ٥

عودة “العلم و الإيمان” 

محاولة تفسير كل شيئ في الكون 

كيف نقيس المسافات للنجوم و الكواكب؟ 

———————

في السلسلة دي بنحاول نفهم كل شيئ حوالينا باستخدام العلم الحديث و الإيمان. في الحلقات السابقة فهمنا نظريات بدء الكون و تكوين المجموعة الشمسية. 

النهارده حنفهم سؤال مهم. احنا ازاي و احنا كده قاعدين على الأرض بنقدر نحسب المسافات الضخمه دي من غير ما نقيسها بمتر او مازوره؟ 

الاسم العلمي لإزاي بنقيس بعد أي جسم عننا بدون ما نروح او نلمس هذا الجسم هو البارالاكس parallax. 

البارالكس ببساطه انت بتعمله كل يوم و كل وقت. انت عندك عنين اتنين. وجود الاتنين يخلينا نقدر نعمل تقدير لحجم الأجسام و بعدها عننا. حاول تقفل عين واحده و تبص و بعدين تفتحها و تقفل العين التانيه حتلاقي ان وضع الجسم اللي بتبص عليه بيتغير بشكل طفيف جدا بحكم ان كل عين بعيده عن اختها بمسافة و ان تكن بسيطه. بالضبط زي الستريو في الأصوات. 

How_to_measure_distances_between_stars

ده برضه السبب ان لو بتبص في المرايه الجانبيه في السيارات بتلاقي ان فيه تحذير ان تقديرك للمسافات حيكون مش مضبوط لان عينيك الاتنين بيتلقوا الصوره من مرايه واحده فقط بتضيع خاصية البارالاكس الموجودة في وجه الإنسان. 

ده نفس اللي بنعمله في حساب المسافات بشكل اكثر دقه. بنحط محطتين على الأرض بينهم مسافه كبيره و معلومه بدقه كبيره جدا. المحطتين دول زي عينين الإنسان. كل محطه فيها تلسكوب بيقيس الزاويه بين المحطة التانيه و الجسم السماوي. 

من معرفة الزاويتين و معرفة المسافه بين المحطتين بدقه نقدر باستخدام حساب المثلثات نعرف بالضبط قيمه المسافه بين الأرض و الجسم السماوي. 

و كمان لان الأجسام السماوية بتتحرك بسرعه بنقدر كمان نحسب معدل تغير المسافه بين الأرض و الجسم السماوي و بالتالي سرعه الجسم السماوي نسبة للارض. 

و علم الإنسان ما لم يعلم. 

و نكمل ان شاء الله. 

المصادر:

————

١- 

https://www.space.com/30417-parallax.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.