التاريخ السري للمخابرات المصريه و مباحث امن الدوله  … الحلقه ٥٥

من هم مدربي مبارك؟ 

من هو مبارك الحقيقي؟ و كيف نعرفه من شخصيات مدربيه

#التاريخ_السري_للمخابرات

Hidden_History_Egyptian_Intelligence_55

عصر يوم ٦ اكتوبر ١٩٨١ تولى حسني مبارك حكم مصر فعليا. اتخرج مبارك من الكليه الجويه عام ١٩٤٩ و قاد طائرات تي يو (توبوليف) الروسية القاصفه للقنابل فوق اليمن و لاحقا في تدريبات في الاتحاد السوفيتي. بعد عودته من الاتحاد السوفيتي تمت ترقيته لقائد الكليه الجويه ثم قائد سلاح الطيران قبيل حرب ٧٣. بعد الحرب اختاره السادات ليكون نائب الرئيس و أوكل مهمة تدريبه لمجموعه من المعاونين أحاطوا به خلال فترة توليه منصب نائب الرئيس. 

مستشار حسني مبارك و مدربه الأساسي كان اسامه الباز. كثيرون الحقيقه انخدعوا في اسامه الباز. أسامه كان مدير مكتب سامي شرف في أواخر الستينات و بالتالي مش بعيد عن صناعة عمليات القمع في مصر. مصدر ١. 

المستشار الثاني لمبارك و اللي تولى عملية تدريب مبارك في دولاب العمل الحكومي كان صفوت الشريف اللي كان ضابط في المخابرات الحربيه و على علاقه قويه مع صلاح نصر. و بالتالي برضه غير بعيد عن عمليات القمع الممنهجه ضد المعارضين في مصر. مصدر ٢. 

و بالتالي بعد توليه رياسه الجمهوريه اصبح صفوت الشريف ثابت من ثوابت حكم مبارك و تولى منصب وزير الإعلام و رئيس مجلس الشورى ثم أمين عام الحزب الوطني لمدة ٣٠ عاما من حكم مبارك. 

الضلع الثالث (او ممكن نقول ٢,٥) في عملية تدريب مبارك كان مصطفى الفقي. و هو أستاذ جامعي تلقى تدريبا اجنبيا في جامعة لندن و تولى عملية تنسيق المخابرات لمبارك و هو المساعد الأساسي لأسامه الباز في عملية تدريب مبارك و بالتالي نقدر نقول انه مش ضلع ثالث بشكل كامل بحكم ان الباز و الفقي عندهم نفس الخلفية الأكاديمية الأجنبية حيث درس الباز في هارفارد و درس الفقي في جامعة لندن. و ده مش تقليل من الفقي اطلاقا لكن احقاقا لفارق السن و الخبرات. و الحقيقه ان الفقي تصور لنفسه دايما اوضاع و تمنيات اكتر بكتير من اللي ممكن السياسه المصريه تديه لأي شخص ذكاؤه عالي لكن مش صايع shrewd. و دي مشكله عانى منها الفقي جدا و سببت مشاكل كتير ليه أدت لإبعاده و احساسه بمرارة انه كان يستحق وزير خارجيه او حتى مناصب اعلى في دوله لا تحب الذكاء حتى لو معاه نفاق. 

و بكده السادات حط ٣ مدربين لمبارك يغطوا احتياجاته و جوانب النقص فيه. ٢ منهم فاهمين علاقات دوليه بشكل جيد (الباز و الفقي). واحد منهم فاهم الوضع الداخلي و عمليات المخابرات القذره بشكل جيد (الشريف). واحد منهم فاهم دولاب العمل في الجيش و المخابرات الحربيه و عملية انتقال القرار من مكتب الرئيس لوزير الحربيه للوحدات العاملة (اسامه الباز من خبرته مع سامي شرف) و واحد منهم فاهم وزارة الخارجيه بشكل جيد (الفقي). واحد منهم يغطي امريكا كويس (الباز). واحد يغطي بريطانيا كويس (الفقي). و واحد يغطي الوضع الداخلي كويس (الشريف). 

الثلاثي ده يفهمنا كويس جدا شخصية حسني مبارك:

١- القمع الداخلي 

٢- العلاقات مع بريطانيا و امريكا محور أساسي. و لاحقا إسرائيل. 

٣- حب القيل و القال. ٢ من الثلاثه كانوا في صلب عملية جمع المعلومات عن المعارضين و الثالث انضم لهم أيضا و هو الفقي. 

٤- إدارة عمل الدوله من اعلى. اي من المكاتب. كل مستشاريه هم مديرو مكاتب او خبراء مكاتب. و بالتالي تحولت الرياسه لعمليه وظيفيه الغرض منها الحفاظ على الحكم و ادارة دولاب الدوله (من خلال رئيس الوزراء مثل فؤاد محيي الدين في البدايه) و ليس خدمة الناس او رفع معيشتهم. 

المصادر:

————

١- سبرينجبورج. مصر مبارك. Mubarak’s Egypt 

https://books.google.com/books/about/Mubarak_s_Egypt.html?id=pyCwDwAAQBAJ&printsec=frontcover&source=kp_read_button

٢- نفس الكتاب السابق صفحة ٢٠-٢١.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.