أهمية د عبد المنعم أبي الفتوح و امثاله

أهمية د عبد المنعم أبي الفتوح و امثاله!

من هو بول ريفير؟

استخدام علم الشبكات

————————

خلال الثوره الأمريكيه ظهر اسم رئيسي فيها هو بول ريفير Paul Revere. بول كان بيعمل فضيات. وقتها الأدوات الفضية كانت مستخدمه في حاجات كتير مثلا في عمل الصحون و الشوك و السكاكين و الحلي طبعًا و كمان أدوات الأطباء و أطباء الأسنان. بول شخصيًا كان من عيله متوسطه و ابوه هاجر من فرنسا عشان يعيش في بوسطن. لكن بول اتجوز من عيله ثريه بتملك رصيف شحن بحري و ده وقتها من اهم الأعمال في بوسطن. 

دور بول ريفير في الثوره الأمريكيه اتعمل عنه كتب كتير و قصائد شعر كمان. ببساطه بول ريفير في ابريل ١٧٧٥ اخد حصانه و طلع مسافات طويله عشان ينبه جيش الثوره الأمريكيه ان الجيش الإنجليزي جاي. من غير كده الثوره الأمريكيه كانت انتهت. 

Who_is_Paul_Rivere

وقتها بوسطن الثوريه و الثوره الأمريكيه عموما كانت منقسمه لمجموعتين: طبقة الأغنياء و طبقة الفقراء. الأغنياء عاوزين يثوروا عشان مش عاوزين يدفعوا ضرائب للإنجليز إلا لو تم تمثيلهم في مجلس العموم البريطاني no taxation without representation. لكن معندهمش مانع يفضلوا تابعين للتاج البريطاني. الفقراء عاوزين حياه أفضل بأي شكل. المجموعتان دول مكانوش على وفاق كبير. لكن بول ريفير كان من اقليه كانت تقدر تتكلم مع المجموعتين. 

علماء الشبكات network analysis حللوا بول ريفير و أهميته. و لقوا انه في قوائم الثوريين في مختلف احياء بوسطن، إسم بول ريفير كان اكثر اسم بيتكرر. مصدر ١. 

نيال فيرجسون لقي ان بتحليل شبكة العلاقات في الثوره الأمريكيه، بول ريفير لعب دور رئيسي هو دور الموصل connector. نيال فيرجسون بيقول انه من غير الموصلين، الثورات صعب انها تنجح لانها ممكن تتفتت بسهوله. 

لو طبقنا ده في حالة مصر حنلاقي ان الثوره المصريه مقسومة نصين: ليبراليين و إسلاميين. شبكتين من العلاقات متقوقعين على بعض و يمكن محدش فيهم عاوز يكلم التاني. و هنا بيظهر الدور الرئيسي للمقال بول ريفير و أمثال د عبد المنعم ابو الفتوح انهم الموصلون القادرون على تحقيق نقاط اتصال بين الشبكتين. 

دعواتكم للدكتور ابي الفتوح و لكل المعتقلين. 

المصادر:

———-

١- البرج و الميدان 

The tower and the square 

https://books.google.com/books/about/The_Square_and_the_Tower.html?id=QIYqDwAAQBAJ&printsec=frontcover&source=kp_read_button

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.