! جماعة أنصار الكريسماس

جماعة أنصار الكريسماس!

بقلم أحمد غانم

Christmas_Support_in_Egypt.jpg

في أمريكا بنربي أولادنا وبناتنا إن احنا مسلمين وما بنحتفلش لا بكريسماس ولا هالوين

عشان كده أنا بستغرب جدا من مسلمين عايشين في دول اسلامية وبيحتفلوا بالكريسماس…مش فاهم ازاي أنت بتحتفل بحاجة أنت مش مؤمن بيها..الكريسماس احتفال ديني مش احتفال اجتماعي أو وطني أو سياسي

ايه الانهزام الفكري الغريب ده؟

طيب ما تحتفلوا بيوم كابور ولا بأعياد السيخ مثلا طالما أنت مش فاهم أساسا بتحتفل بإيه؟

ومدارس ايه اللي الغالبية العظمى من طلابها مسلمين وبتحتفل بالكريسماس دي؟ 

لو الموضوع تقليد أعمى لأمريكا فأحب أقولك إن اليهود والمسلمين وبقية الديانات في أمريكا ما بيحتفلوش بالكريسماس ..

والمدارس اللي أغلبية طلبتها مش مسيحيين ما بتحتفلش بالكريسماس..

دا حتى العلمانيين في أمريكا ما بيحتفلوش بالكريسماس…

لو أنت مسلم: ربي في ولادك وبناتك اعتزازهم بالانتماء للاسلام..واربط احتفالاتهم وأفراحهم بالحاجات اللي بيؤمنوا بيها..

دا طبعا مالوش علاقة باحترام عقائد الآخرين وحقهم أنهم يحتفلوا بأعيادهم الدينية اللي تخصهم هما وما تخصناش احنا كمسلمين..

أنت ما بتجييش في عيد الأضحى مثلا وتطلب من جارك المسيحي أنه يدبح خروف مثلا وينزل يحتفل معاك..

ولو مدرسة ولادك أغلب طلابها مسلمين وعاوزين يعملوا حفلة كريسماس للمسلمين اتصل بيهم وقولهم احنا لا نؤمن بالكريسماس واللي بتعملوه ده ما بيحصلش حتى في أمريكا..

أنت بتربي أطفال مش دكر بط..وتعليمهم الصح من الغلط أهم شئ في تربيتهم..

خد خطوة ايجابية وما تبقاش سلبي..خلى ولادك وبناتك يتعلموا منك الإيجابية لما يشوفوك بتتصل بالمدرسة وبتفهمهم بكل تحضر وأدب إن ولادك مسلمين ومش هيحضروا حفلة لحاجة لا يؤمنون بها!



Categories: الأمراض السائده في الشخصيه المصريه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: