صفحات منسيه من حياة الرسول صلى الله عليه وسلم …  الحلقه ٣١ 

صفحات منسيه من حياة الرسول

صلى الله عليه و سلم

السهل الممتنع 

الخطه الاستراتيجيه لدخول مكه و انتهاء دور القتال 

Forgotton_Pages_of_the_prophet_life_31.jpg

تعليق جوده:

الكتاب المدرسي المصري يفشل فشل ساحق في شرح الأهداف الاستراتيجيه لصلح الحديبيه. نتوقع ان ما سنقوله هنا هو امر لا يعرفه الغالبيه من قبل. و هو جزء من جعل دراسه الدين في مصر امر جاف جدا. سنرى هنا قد ايه فيه دروس كبيره في الحياه و السياسه من صلح الحديبيه. 

————————- 

بعد تأمين الوضع الداخلي في المدينه في سنه ٦٢٧، الرسول وضع خطه استراتيجيه محكمه من ٣ اجزاء حتنتهي انه يدخل مكه بدون قتال و بشكل بدا إنكما لو كانت مسأله تحصيل حاصل. زي ما بنقول دلوقتي السهل الممتنع. الخطه دي بدأت بحلم الرسول حلمه في أوائل عام ٦٢٨ انه لابس ملابس الإحرام و بيكبر تكبيرات الإحرام عند الكعبه. الرسول صلى الله عليه و سلم لحد وقتها كان حارب مكه ٣ معارك قويه: بدر و احد و الخندق. و خلالهم اثبت المؤمنون انهم قوه مكافئة لقريش. مفيش حاجه تانيه ممكن إثباتها من القتال. بالعكس قتال اكتر من كده كان حيبقى استهلاك غير مبرر للقوى و اذا ما وصلش القتال ده لنتيجه حيخلي المؤمنين يفقدوا الصبر و يبتدي تفكك التحالف مع الرسول صلى الله عليه و سلم. مفيش تحالف يقدر انه يحارب الى مالانهايه بدون نتيجه. و توازن القوى وقتها بيقول ان القوتين متكافئتين و محدش حيقدر بالسلاح لوحده ينتصر انتصار ساحق على الطرف الاخر. هنا العبقريه الاستراتيجيه الحقيقه و هي ان الحرب هي فقط احد وسائل تحقيق الأهداف و في حالتنا هنا استنفذت هدفها و هو إثبات ان المسلمين مش حينهزموا و انهم قوه متكافئة. 

الرسول قرر ان الخطوه الاولى في دخول مكه و الانتصار هي انه يجمع ٧٠٠ من أنصاره و يلبسوا ملابس الإحرام و يدخلوا مكه للعمره. الفكره الجباره هنا هي ان قريش متقدرش تمنعهم و في نفس الوقت متقدرش تدخلهم. لو منعتهم معنى كده انها فقدت مكانتها كحاميه الحرم الشريف. لو دخلتهم معناها انها انهزمت معنويا. في الحالتين الرسول يبقى انتصر. 

—————————-

تعليق جوده: احد اخطاء الثوره المصريه هي انه عندما فشلت السلميه المطلقه لم يتم استخدام السلاح لتأمين المظاهرات. و كان المفترض انه حتى استخدام السلاح الثقيل ضد أدوات الحكم العسكري في مصر مثل الشرطه و هي الحلقه الأضعف حتى لا تمر الجرائم دون عقاب. الحاصل انه مع الوصول لديسمبر ٢٠١٣ كان واضح ان السلميه أصبحت تعني الاستسلام. و لعلنا نتذكر ان المقاومه في المطريه اثبتت جدواها و جعلت قيادات الاخوان تدخل البيت الأبيض و رجت مركز السيسي. فمن وقف المقاومه في المطريه و سلم هؤلاء الشباب و البنات؟ 

——————————

الرسول صلى الله عليه و سلم اخد معاه نياق (جمع ناقه او جمال) عشان يبقوا الاضحيه او الذبيحه بعد العمره. منهم و في مقدمتهم كان جمل مملوك لأبي جهل و كان مميز بحلق فضه في مناخيره. دي رساله مهمه لقريش و هي تذكير ليهم انهم خسروا معارك قصاد المسلمين. 

قريش ما كانتش عارفه تعمل ايه. طبعا هم رصدوا حركه ال ٧٠٠ معتمر و انهم بيقربوا من مكه بحكم القبائل البدويه على الطريق بتنشر الأخبار. ابو سفيان جمع مجلس كبار قريش و قرروا انهم يبعتوا قوه تمنع المعتمرين من انهم يقربوا من مكه بس من غير حرب. يعني بس يقفوا قدامهم و يسدوا الطريق. 

الرسول قبل ما القوه توصل و تسد الطريق قرر انه يلتف و ميدخلش مكه مباشره لكن يروح في اتجاه الغرب (انظر الخريطه) و يقف مع اتباعه في وادي فيه بير اسمه بير الحديبيه على مسافه ٩ اميال غرب مكه. المسافه بين مكه و الحديبيه صعبه جدا على الخيول انها تمشي فيها بسبب انها مليانه صخور. عكس الإبل اللي حتقدر تمشي خلالها بسهوله. لذلك الرسول في الأغلب و المعتمرين معاه حيوصلوا الحديبيه الاول و يقفوا هناك. 

الرسول وقف في الحديبيه و ولع نار بليل. يعني مكانش بيحاول يستخبى. قوه قريش المسلحه فعلا اتاخرت شويه لكن في النهايه شافت النار و عسكرت بالقرب من المعتمرين على الطريق الواصل بين الحديبيه و مكه عشان يمنعوهم يدخلوا مكه. 

ابو سفيان أتكلم مع كبار قريش و مع القبائل المتحالفه معاهم من البدو. قبائل البدو كانوا ضد منع المعتمرين من دخول مكه. و طبعا عندهم حجه قويه. يعني هوه كل مره قريش تتخانق مع حد تمنعه من دخول مكه للحج او للعمره. القبائل دي كانت شايفه انها بتحط قواعد للمستقبل و ان اللي يمنع المسلمين النهارده حيمنع القبائل دي بكره. البدو هددوا انهم حينسحبوا من التحالف مع قريش لو قريش منعت المسلمين من دخول مكه بالقوه. 

——————————-

(تعليق جوده: نمشي ١٤٠٠ سنه لقدام حنلاقي ان حكام السعوديه بيمنعوا المختلف معهم من المسلمين من الحج و محدش من بقيه المسلمين بيعترض. يعني بدو الجزيره المتحالفين مع كفار قريش افضل بكتير من حكام الدول الاسلاميه الان)

——————————-

قصاد كده مكانش قدام ابي سفيان الا التفاوض. ابو سفيان بعت وفود للتفاوض في الحديبيه. الوفود دي مش بس للتفاوض لكن كمان عشان تحاول تضرب اسفين في تحالف المسلمين. بالضبط زي ما حاولوا في غزوه الخندق. 

الرسول جمع أصحابه ال ٧٠٠ و طلب منهم تجديد البيعه له عشان يوري وفود قريش قد ايه هم متماسكين. 

واحد من الوفود دي لاحظ انه: “الرسول كان إذا تنخع نخاعة أو بصق أخذها، تلقاها الصحابة وجعلوا يدلكون بها أجسامهم”. 

في الأغلب ان هذه الملاحظة مبالغه من وفود قريش في بيان تماسك المسلمين مع بعضهم و حبهم للرسول صلى الله عليه و سلم. نفكر شويه ان وفد من قريش جاي من مكه و مطلوب منه انه يضرب اسفين بين المسلمين فطبعا مش عارف فبالتالي حيكتب لاسياده في مكه و يبالغ في اد ايه ان المسلمين دول بيحبوا الرسول. ممكن كمان المسلمين عملوا كده فعلا اولا لإظهار حبهم للرسول لكن كمان انهم يوروا وفود قريش قد ايه انه مستحيل ضرب اسفين بينهم و بين الرسول صلى الله عليه و سلم. لاحقا الأحاديث دي تم استخدامها في إظهار ان المسلمين عباره عن cult لكن للاسف من غير ما حد يفكر و يفهم في الظروف المحيطه. 

مكانش قدام وفود قريش الا انها توافق على صلح الحديبيه مع الرسول و بنوده هي:

١- وقف القتال لمده ١٠ سنوات و مفيش اعتداء على قوافل تجاره قريش في الفتره دي. 

٢- من حق اي قبيله بدويه مِن هنا و رايح انها تفك تحالفها مع اي من الطرفين و تتحالف مع الطرف الاخر. يعني من هنا و رايح التحالفات السابقه غير ملزمه. 

٣- المسلمين يرجعوا بعد سنه و ممكن يدخلوا مكه للحج او للعمره. 

ايه اهميه الاتفاق ده؟ انه خلى المسلمين ند للند مع قريش. قوه بذاتها ممكن تتحالف مع اي حد. قوه معترف بيها في الجزيره العربيه. مش اقليه مارقه قريش بتطاردها و بتتخلص منها و منبوذة من الجميع. 

الاتفاقيه دي كمان بثّبت الوضع انه مفيش فريق يقدر يغلب التاني عسكريا و بالتالي بتدي فرصه لعدم اهدار الموارد في القتال. 

موضوع التحالفات المفتوحه و السماح بالحج و العمره للمسلمين ده يمكن اهم حاجه. ابن كثير بيقول ان كل مره المسلمين اختلطوا مع قبائل البدو سواء بالسفر او خلال العمره كانوا بيدخلوا الاسلام. ده مكانش ممكن قبل صلح الحديبيه. دي كانت ضربه استراتيجيه جباره من غير ما قريش حتى تشعر بيها. لانه بالسلم بعد القتال تم تحويل كل تحالفات قريش للإسلام. بمرور الوقت قريش حيبقى معندهاش اي بديل غير الاستسلام زي ما حنشوف بعد كده. 

اخيرا الصلح ثبت الرسول صلى الله عليه و سلم كالقائد الشرعي للمسلمين و انه يضع تحالفات و يقررها. بالرغم من اختلاف عمر بن الخطاب مع الصلح و رغبته في القتال فالصلح تم تثبيته. الرسول صلى الله عليه و سلم عمل شيئ رمزي بعد الصلح و هم لسه في الحديبيه. الرسول قال انهم حيكبروا تكبيرات الإحرام هنا في الحديبيه: لبيك اللهم لبيك. ال ٧٠٠ صحابي استغربوا. احنا مش في مكه. ازاي نكبر. راح الرسول بعدها نحر ناقه ابي جهل. و حلق شعره. راح الصحابه عاملين زيه بالضبط. الصحابه بتقول انه شعروا كأن الشعر اللي حلقوه طار و وصل لحد الكعبه على مسافه ٩ اميال. مفيش من هنا و رايح اي نقاش حوالين زعامه الرسول للامه الاسلاميه. مفيش تهديد داخلي ممكن يحصل. 

و نكمل بقيه الخطوات الاستراتيجيه التلاته لدخول مكه ان شاء الله.

المصادر:

———-

١- الحلقات السابقه مجمعه 

https://jawdablog.org/category/التاريخ/صفحات-منسية-من-حياة-الرسول-ص/

٢- طرق إنهاء رابعه بشكل سلمي:

https://www.bbc.com/news/world-middle-east-23533567

https://www.newyorker.com/news/news-desk/egypts-catastrophe-of-choice

٣- ابن كثير 

٤- المسلم الاول 

https://books.google.com/books/about/The_First_Muslim.html?id=8b2JDQAAQBAJ&printsec=frontcover&source=kp_read_butto



Categories: (صفحات منسية من حياة الرسول (ص

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: