التضخم و زياده الأسعار

في ١٣ يوليو ٢٠١٧ يعني من سنه بالضبط قالت جوده:

“التضخم و زياده الأسعار حتفضل مستمره في مصر”

و كتبنا:

Lets_Learn_Economy_inflation

حنسألك سؤال غريب شويه. لو انت عاوز تنزل سعر الطماطم بأسرع وقت ممكن تعمل ايه؟ بسيطه. اول حاجه تنزل طماطم كتيره في السوق. تغرق السوق طماطم. الحاجه التانيه انك تقلل استهلاك الطماطم. يعني مثلا لو فيه في البلد مصنع صلصه تقفله. و الحاجه التالته و الاخيره انك تحاول تلم الفلوس من الناس عشان لو الفلوس قلت معاهم مش حيشتروا طماطم الا لو رخصت. الخطوه الاولانيه دي بنسميها زياده العرض supply. التانيه تقليل الطلب demand. التالته بنقول عليها تقليل إمداد الفلوس money supply. التلاته مع بعض لازم يخسفوا سعر الطماطم. 

الإجراءات دي بالكثافة دي بتشتغل في اي حته في الدنيا الا مصر. تخيلوا. عارفين ليه؟ ببساطه لان مصر فيها احتكار شديد جدا. شويه عائلات و شركات مع الجيش محتكرين معظم السلع في مصر. وبالتالي بالرغم ان الدولار ممكن ينزل حاجه بسيطه لكن الأسعار مش حتنزل معاه. حتطلع معاه. لكن مش حتنزل معاه. لسبب بسيط ان العائلات دي بتفرض الأسعار في السوق. السوق المصريه مش خاضعه للعرض و الطلب العادي في السلع الأساسيه المحتكره زي الحديد او الإسمنت او الخشب او الفراخ او اللحمه او الخضار. التجار ببساطه بتستغل الأجواء و ترفع الأسعار. و محدش ميقدرش ميشتريش. و قدره اي حكومه دلوقتي التعامل مع ده محدوده جدا. تعمل ايه؟ تسجن التاجر الكبير؟ استحاله. تسجن كبار المحتكرين؟ او حاولت تعمل كده حيوقفوا السوق. 

لذلك كان المفروض قبل تعويم الجنيه هو تمرير قانون لضرب الاحتكار زي ما حصل في العالم كله وزياده المنافسه. و بالتالي الأسعار ممكن السيطره عليها بالمنافسه و الإجراءات الماليه التلاته بتاعه طارق عامر تشتغل. لكن ابو ٥٠٪‏ طبيب الفلاسفه و اللي عمه بتاع النكسه و اتعين بالواسطة تفتكروا ننتظر منهم ايه؟ 

و لو عاوز تقرأ المقاله كلها حتلاقيها هنا:

https://jawdablog.org/2017/07/13/inflation_prices_increase_egypt/#more-4333

#ارحل_يا_سيسي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s