اضحك مع نكته مشهوره في اسرائيل

Famous_Joke_from_Israel_2

مره واحد يهودي روسي سايب الاتحاد السوفيتي و رايح على اسرائيل. اخد معاه صورتين للينين و لماركس. في المطار في موسكو سألوه ايه اللي انت واخده ده. قالهم انا مقدرش اسيب حبايبي. دول اللي انا عايش عليهم و عاوز أعيش على إلهامهم. قاموا عدوه من موسكو. وصل تل ابيب في المطار فالشرطة في المطار قالتله ايه اللي انت جايبه ده. ازاي تجيب معاك صور الناس دي. قالهم يا متخلفين بصوا على البرواز. البرواز كله معمول من الدهب.

افتكرنا النكته دي في موضوع نقل جنينه الحيوانات لما يطلق عليه العاصمه الاداريه الجديده.

فيه حاجات أساسيه احنا بننساها. احنا ليه أساسا بنعمل حدائق حيوان؟

١- حدائق الحيوانات معموله عشان اكبر قطاع من الأطفال يتاح له فرصه مشاهده الحيوانات و اكتساب معلومات عن عالم الحيوان و تقضيه وقت عائلي ممتع. 

٢- تبقى مساحه خضراء ضخمه في وسط المدن للتنزه و الحفاظ على الجو في المدينه من التلوث.

حديقه حيوان نيويورك في وسط مانهاتن و في أغلى قطعه ارض في العالم كله. انظر صوره القمر الصناعي و لم يفكر احد في نقل الحيوانات منها لخارج المدينه او مثلا لجنوب ولايه نيوجيرسي حيث الاراضي شاسعه و رخيصه في مقابل بيع سنترال بارك و حديقه الحيوان فيها لمستثمرين وال ستريت. و هذا معقل الراسماليه في العالم.

Famous_Joke_from_Israel_1

هناك حديقه حيوان واحده في العالم كله تم التفكير في نقلها. و هي حديقه حيوان مدينه جاكسون في ولايه مسيسيبي الامريكيه. و قرار النقل كان بغرض أتاحه الفرصه لعدد اكبر من الناس للزياره و لحمايه الحيوانات. و حتى هذا القرار يواجه معارضه. مصدر ١.

البرواز الدهب هو سعر الارض في حديقه الحيوان. و الخطوه التاليه هي نقل كليه الهندسه. خصوصا ان كليه الهندسه مغضوب عليها سياسيا أساسا و وجودها في وسط المدينه بالقرب من أماكن حيويه امر غير مرغوب. فهل حنكون زي ضباط مطار موسكو؟

المصادر:

١- نقل حديقه حيوان جاكسون 

http://www.wmcactionnews5.com/story/37822563/jackson-zoo-looking-to-relocate-to-lefleurs-bluff-state-park

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.