طائرات فالكون ٧ اكس التي اشترتها مصر مؤخرا

Presidential_Airplanes_1

امر مهم لفت نظرنا في الصور المنتشره للطائرات فالكون ٧ اكس التي اشترتها مصر مؤخرا

اشترت الحكومه المصريه مؤخرا اربع طائرات من طراز داسو فالكون ٧ اكس. و بالرغم من نفي الحكومه المصريه الخبر فقد اكدته وكالات الأنباء (مصدر ١ هي المجله الأكثر توثيقا في عالم صفقات الدفاع و الطيران) ثم انتشرت صور الطائرات و هي في مرحله التجهيز في مجمع لوفتهانزا تكنيك في هامبورج (الصور المرفقه). الامر الذي فات الجميع هو ليه الطياره تروح لوفتهانزا تكنيك في هامبورج طالما الشركه المنتجه هي داسو الفرنسيه؟ حنشرح.

تقوم شركه لوفتهانزا تكنيك (و هي ذراع الصيانه لشركه الطيران الألمانية لوفتهانزا) بتجهيز الطائرات لخدمه الشخصيات المهمه بتجهيزات خاصه خارج تخصص الشركه المنتجه (داسو في الحاله دي).

الشركه المنتجه داسو بيبقى عندها مقاعد و كراسي “عاديه”. و عاديه هنا موضوع نسبي لان دي طياره رجال اعمال كبار تمنها عشرات الملايين من الدولارات. لذلك احنا بنتكلم عن كراسي فوتيه مريحه. لكن المشتري ساعات بيبقى عنده طلبات خاصه. مثلا الكنبه بتاعه داسو بتتفرد تبقى سرير. لكن السرير صغير و المشتري عاوز سرير كبير. في الحاله دي المشتري بيتعاقد مع شركه تانيه بتأخذ الطياره فاضيه من جوه و تعملها التجهيزات المطلوبه من اول السرير لحد حمام سباحه كمان لو العميل عاوز.

في الأغلب تعاقدت الحكومه المصريه مع لوفتهانزا تكنيك لتجهيز الطائرات بسرائر خاصه و مقاعد مريحه بغرض استخدام السيسي و عائلته. مصدر ٢ هو موقع لوفتهانزا تكنيك و به صور و نماذج لما تجهز به لوفتهانزا تكنيك الطائرات الرئاسيه و كبار رجال الاعمال.

في اعتقادنا ان السيسي لما طلع طياره الملك السعودي عبد الله قرر انه مش حيكون عنده اقل من الملك السعودي. احنا صحيح فقرا جدا لكن نستاهل برضه زي فندق الماسه و العاصمه الاداريه الجديده. او لنكون محددين الرئيس يستاهل مش اي حد يعني.

Presidential_Airplanes_2

المصادر:

١- 

http://www.defenceweb.co.za/mobilesite/defenceweb/home/item_id-51262/

٢- 

https://www.lufthansa-technik.com/vip-aircraft

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s