توزيع الدخل

income_distribution

هل تعلم ان المنطقه اللي احنا عايشين فيها دي هي اسوء منطقه في العالم كله من حيث توزيع الدخل؟ في العالم كله مفيش منطقه فيها التباين الشديد في الدخل زي اللي موجود في المنطقه اللي ما يعلم بيها الا ربنا دي. نشوف ازاي. 

التباين في الدخل بيتقاس بحاجه بسيطه جدا. هي قد ايه من ثروه البلد او المنطقه بيتحكم فيها ال ١٠٪؜ الأغنى. طبعا لو ال ١٠٪؜ الأغنياء بيتحكموا في معظم دخل البلد يبقى ده مقياس انه مفيش عداله. على فكره مش معنى كده اننا بنقول نهجم على الأغنياء وناخد فلوسهم. بنقول انه لو في منطقه ما ١٠٪؜ من الناس معاهم ٥٠٪؜ من الثروه يبقى أكيد فيه حاجه غلط. فيه ان مجموعه محتكره الثروه بأساليب غير شريفه. فيه انه الغني مش مدي فرصه للفقير يتعلم و ينتج و يترقى. لذلك المطلوب مش أعاده توزيع الثروه. اطلاقا. ده بيؤدي لاعاده توزيع الفقر على الجميع. المطلوب هو ان القرص تبقى متساويه قدام الجميع. 

لو بصينا على الأرقام حتلاقي التالي:

– في الشرق الاوسط ٥٥٪؜ من الثروه مع أغنى ١٠٪؜ من الناس في المنطقه. اسوء من كده كمان انه ٢٠٪؜ من الثروه مع ١٪؜ من الناس. مصدر ١. 

– مقابل كده انه في أوروبا الغربيه نلاقي ان أغنى ١٠٪؜ معاهم بس ٣٥٪؜ من الثروه. مصدر ١. 

– و في امريكا ذات نفسها اللي هي فيها الراسماليه على عينها حتلاقي انه أغنى ١٠٪؜ من الناس معاهم ٤٨٪؜ من الثروه. و الامريكان بيشتكوا الوضع ده و بيقولوا انه اسوء حاله من انعدام عداله التوزيع في تاريخ امريكا كله! مصدر ٢. 

– في امريكا اللاتينيه اللي فيها جمهوريات الموز و فيها احتكارات الاراضي حتلاقي ان أغنى ١٠٪؜ برضه معاهم بس ٥٠٪؜؜ من الثروه. يعني موصلوش برضه لمستوى منطقه الشرق الاوسط. مصدر ٣. 

اللطيف انهم في امريكا اللاتينيه لما وصلوا لاقصى قيمه عند ٥٣٪؜ كانوا بيصوتوا و عملوا تطوير كبير و برامج للفقراء و التعليم عشان ينزلوا ل ٥٠٪؜ و ما زالوا مستمرين في النزول. 

– في الصين ١٠٪؜ من الناس معاهم ٤٨٪؜ من الثروه. مصدر ٤. 

طبعا ده ناتج عن تركيز و احتكار ثروه البترول و الغاز في اعداد محدوده جدا من سكان منطقه الشرق الاوسط و احتكار عوائد الثروه دي و عدم تحويلها لاستثمار في قدرات المنطقه ككل بل تحويلها لمصدر دخل ريعي لعدد محدود من السكان تحولوا بمرور الوقت لمعتمدين و عاطلين في اسوء تمثيل لما يطلق عليه الداء او المرض الهولندي بمعنى اعتماد السكان على ريع محصول او معدن محدد بيجيلهم مش نتيجه لتفرقهم و عرقهم لكن فقط نتيجه انهم تواجدوا في ارض ما في زمن ما. و عشان حكام المناطق دي يضمنوا سيطرتهم على الريع ده بيصوروا العالم حواليهم انه كلهم أعداء عاوزين يجوا و ياخذوا خيرات الارض دي بتاعتنا اللي اجدادنا ادوهالنا لان ربنا راضي عننا و مش راضي عن كل البهائم اللي حوالينا. ده بذل ما تتحول الثروه دي لاستثمار في التعليم و التكنولوجيا و فتح أبواب الهجرات و تبادل السكان في المنطقه كلها و الاستثمار في الأفكار بصرف النظر جايه منين. 

لذلك الثوره الحقيقيه في المنطقه هي عندما تزول الحدود و تحدث حريه في حركه البضائع و الناس و رأس المال و الأفكار. 

المصادر:

١- توزيع الثروه في الشرق الاوسط 

http://erf.org.eg/wp-content/uploads/2014/07/832.pdf

٢- توزيع الثروه في امريكا 

https://inequality.org/facts/income-inequality/

٣- توزيع الثروه في امريكا اللاتينيه 

https://www.economist.com/news/special-report/21564411-unequal-continent-becoming-less-so-gini-back-bottle

٤- توزيع الثروه في الصين 

https://www.economist.com/news/china/21570749-gini-out-bottle

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s