هل كلام تركيا في القدس “طرقعه حنك” ؟

Is_Turkey_Talks_about_Jerusalem_just_talks

بعض الناس بتقول في سياق الهجوم على تركيا ان كل ده كلام و ان مفيش فعل بل وصل البعض ليقول اردوغان مثل السيسي. حنفند النهارده الكلام ده شويه. 

اولا الناس اللي بتقول عاوزين اكشن هم في الحقيقه دعاه تصرفات شعبوية ممكن انها تنتهي نهايات مأساوية. و لنا في عبد الناصر عبره مهمه. و للاسف دعاه الأكشن دول هم اول ناس حتقول احنا مش قلنالكم متعملوش حاجه انتم مش قدها. هؤلاء يطلق عليهم في امريكا جنرالات الكراسي. Arm chair generals. يعني قاعد في بيته في حزب الكنبه و عمال يعمل نظريات. بالعكس احنا بندعو تركيا و الدول الاسلاميه انها تاخد خطوات محسوبه تصب في اتجاه عوده الحقوق. 

ثانيا احنا بننسى ان على مدى عقود تركيا كانت شريك أساسي لإسرائيل. تركيا كانت من أوائل الدول اللي اعترفت بإسرائيل في سنه ١٩٤٩. مصدر ١. في الخمسينات تركيا كانت بتتقاوض مع اسرائيل على انضمامها لحلف المحيط pact of the periphery و هو حلف بين اسرائيل و ايران و تركيا و ربما باكستان و كان الحلف ده هدف رئيسي لاستراتيجيه اسرائيل في انها تعزل الدول العربيه عن محيطها الاسلامي و انها تبين ان الشرق الاوسط متعدد الأعراق و الديانات و انه زي ما فيه عرب فيه كمان اتراك و فرس و فينيقيين و فراعته كمان ان لزم الأمر و بالتالي تواجد اسرائيل في المنطقه طبيعي. مصدر ٢. لذلك اننا نوصل دلوقتي ان دول اسلاميه زي ايران و تركيا هي الأكثر حديثا عن اهميه القدس و فلسطين ده تطور استراتيجي مهم و مش بس بالحديث احنا شايفين قد ايه شعوب تركيا و ايران و اندونسيا متعاطفين و متفاعلين. ده فشل استراتيجي في السياسه الاسرائليه الهادفه لعزل قضيه فلسطين عن محيطها الاسلامي. احنا نجحنا في إنهاء هذا العزل و ده تطور مهم. اهم بكتير جدا من قطع علاقات دبلوماسيه مثلا. 

ثالثا: تعالوا ندرس الخطوات التركيه اللي بيدعوا الناس دي ليها و تأثيراتها المحتمله:

١- اعلان الحرب: معناه عزل تركيا من ناتو تماما و قطع كل السلاح المتطور عنها و احنا بننسى ان تركيا شريك أساسي في تكنولوجيا الطياره آلاف ٣٥ و هي دوله مصنعه. مصدر ٣. و التخلف التكنولوجي الاسلامي و العربي هو احد اهم مسببات الاختلال الكامل و الساحق في الموازين بين اسرائيل و جيرانها. لذلك حتى لو حصول تركيا على التكنولوجيا يحدث ببطء لكنه افضل بكثير من قطعه تماما. و تركيا تتحول الان انها لاعب رئيسي في تكنولوجيا الطيران. مصدر ٤. و هي التكنولوجيا التي هي عقده العرب و المسلمين و مصدر كل مشاكلهم. لذا الأفضل استراتيجيا هو بالطبع تخويل تركيا الحصول على تلك التكنولوجيا و هو امر سيستغرق سنوات حتى يكتمل صعود تركيا في ذلك المجال. 

٢- تبني عمليات إستشهاديه داخل إسرائيل او العمل الاستخباراتي ضد اسرائيل او الانسحاب من ناتو 

نعلم جميعا ان حماس لها فرع عسكري في اسطنبول و هو سبب من اسباب مشاكل اسرائيل مع تركيا. كذلك فتركيا أبلغت ايران عن اسماء عملاء للموساد يعملون في ايران ضد البرنامج النووي الإيراني. و هذا أيضا احد اهم مشاكل اسرائيل مع تركيا خصوصا ان تركيا ما كانت لتعرف هويات عملاء الموساد الا بسبب عضويتها في الناتو. و بالطبع من وجهه النظر التركيه فالحفاظ على المشروع النووي الإيراني اهم على المدى البعيد للمسلمين من اي عمليات فرقعات تسبب مشاكل كبيره على المدى البعيد. مصدر ٥. 

و بالطبع يتم استفزاز تركيا داخل ناتو بكل الأشكال مثل في المناورات الاخيره استخدام اتاتورك و اردوغان كأهداف للتدريب. مصدر ٦. و هي أمور كان عبد الناصر او أسلوبه سيتفاعل معها بشكل عاطفي انفعالي. بينما الأصح النظر لاهميه الحصول على التكنولوجيا على المدى البعيد. 

٣- قطع العلاقات

و هو امر يحدث بشكل روتيني الان. فتركيا قطعت العلاقات و سحبت السفراء فعلا من قبل بعد حادث أفي مرمره. و كثيرون للاسف لا يعلمون ان اسرائيل اعتذرت لتركيا بشكل رسمي و دفعت ٢٠ مليون دولار للضحايا دون ان تطلق تركيا طلقه واحده و بعد ٦ سنوات من التعنت الاسرائيلي. مصدر ٧. اذا نحن لا يجب ان ننظر للامور نظره يوم او يومين. بل نظره على مدى عده سنوات او عقود حتى. 

٤- قطع التبادل التجاري بين تركيا و اسرائيل 

و هو تبادل قيمته حوالي ٤ مليار دولار و هو رقم ليس كبير جدا بالنظر لحجم الاقتصاد التركي او الاسرائيلي (اقل من واحد في الميه من حجم الاقتصاد التركي) لكن الاهم هو ان تركيا تستورد من اسرائيل تكنولوجيا عسكريه متقدمه. و تصدر لها منسوجات عباره عن ملابس عسكريه و زيوت و خلافه. مصدر ٨. و ربما الأفضل لتركيا الان هو الحصول على التكنولوجيا الاسرائليه. مع ملاحظه ان اسرائيل و تركيا عضوان في منظمه التجاره الدوليه و بينهما اتفاقيه تجاره حره و بالتالي قطع التبادل التجاري يفتح المجال لعقوبات ضد تركيا. 

مننساش كمان ان التبادل التجاري ده بيفتح الطريق لعمليات استخباراتية و جمع معلومات و التواصل مع اليهود من أصل تركي في اسرائيل و كمان التواصل مع عرب القدس و تركيا لها دور مهم جدا في دعم المرابطين حول القدس و المسجد الأقصى ماديا و معنويا و لها دور في إرسال معونات لقطاع غزه و هي معونات بتمنعها حكومه مصر (!) و مفيش قدام تركيا الا انها تبعتها عن طريق اسرائيل (تخيلوا!). 

النقطه الرابعه هي انه ازاي احنا مش قادرين نفرق بين المنافقين و المؤمنين؟ ازاي؟ عيب و الله بعد القرون دي كلها و بعد كل اللي شفناه مش شايفين ان السيسي واحد منافق. يعني بيدعي الاسلام و الإيمان و يبطن الكفر و الصهيونيه. و آيه المنافق كلمنا عنها الرسول. ايه هم؟ اذا حدث كذب وإذا وعد اخلف و اذا أؤتمن خان. حدث و كذب من اول جهاز الكفته حتى مشروع قناه السويس. و وعد بالرفاهية و الاقتصاد و لم يفعل. و أؤتمن ان يحافظ على النظام الديمقراطي و يكون موالي لرئيس الجمهوريه و خان الشعب المصري و أؤتمن على ارض مصريه في تيران و صنافير و خان. كلام واضح يعني. احنا قدامنا السيسي و ابن سلمان و أبن زايد منافقين. بيتعاملوا مع الصهاينه و يقولولهم احنا معاكم. فيه اكتر من كده ايه؟ بيحاربوا الاسلام. بيخلوا اعوانهم في الاعلام يقولوا أكرهوا الفلسطينيين و الاسلام وحش و ارهابي. كلام واضح للأعمى. 

و درجات الجهاد اربعه: جهاد النفس و جهاد الشيطان و جهاد المنافقين و جهاد الكفار. يعني نجاهد المنافقين دول قبل حتى ما نجاهد الكفار. 

كلام اردوغان مش فاضي. ده بيكلم شعبه و بيخليه يرجع جزء من الامه الاسلاميه. بيكلم شعوب المسلمين كلهم انهم يرجعوا جزء من أمه واحده. حركه شعوب تركيا و باكستان و ايران و عودتها للقضايا بتاعتنا هي عوده ٥٠٠ مليون بني آدم معانا. محدش اطلاقا يكره نص مليار واحد يبقوا معاه. خصوصا انهم عندهم وسائل و قدرات كامنه ضخمه. ده التحول الاستراتيجي المهم الاهم من العنتريات اللي ضعاف و خفاف العقول عاوزينها. الشعوب فاهمه و ما يغضب المنافقين ان الشعوب بقت بتاخد بوصلتها من اردوغان. 

المصادر:

١- اعتراف تركيا بإسرائيل 

http://www.jewishvirtuallibrary.org/turkey-israel-relations

٢- حلف المحيط 

https://books.google.com/books/about/Israel_s_Phantom_Pact.html?id=s8RHbwAACAAJ

٣- تركيا كدوله مؤسسه للطياره اف ٣٥ 

https://www.f35.com/global/participation/turkey

٤- تكنولوجيا الطيران التركيه 

https://jawdablog.org/2017/10/31/difference_between_utilizing_versus_producing_civilization/

٥- تركيا تبلغ ايران عن عملاء الموساد داخلها 

https://m.huffpost.com/us/entry/4117016

٦- استثاره تركيا داخل ناتو 

https://www.theguardian.com/world/2017/nov/18/nato-apologises-turkey-erdogan-ataturk-enemy-chart

٧- اتفاق تسويه أفي مرمره

http://arabic.euronews.com/2015/12/17/turkey-and-israel-to-restore-full-diplomatic-relations

٨- التبادل التجاري بين تركيا و اسرائيل 

http://m.dw.com/en/turkey-and-israel-animosity-ends-when-it-comes-to-money/a-41766113

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s