وضوح التحالف المعادي للإسلام 

Coalition_Against_Islam.jpg

ده خبر و تحليل مستحيل تقرأه في مصر لأنهم حيستموتوا عشان يخبوه. امريكا بلد صعب اخفاء اي سر فيها. من كام يوم مايكل فلين مستشار ترامب للامن القومي اعترف انه اتصل بروسيا بشكل غير قانوني و في مقابل تخفيف العقوبه عليه وقع على اتفاق انه حيتعاون بشكل كامل مع المحققين الفيدرالين. و طبعا المحقق الفيدرالي مش حيسيب فريسه زي و بحجم مستشار أمن قومي الا لو كان الهدف المرجو اكبر بكتير جدا و معروف ان الهدف هو ترامب نفسه. كل ده معروف لكن محدش سأل طيب ايه المشكله ان مستشار أمن قومي يتصل بروسيا. ماهو أكيد ده جزء من وظيفته؟ كمان ايه علاقه مصر و الإمارات بالموضوع و ليه الاعلام المصري حيخبي الجزء ده بالذات؟ لو تفتكروا في ديسمبر ٢٠١٦ يعني من سنه بالضبط كان فيه قرار قدام مجلس الأمن الدولي برعايه اداره اوباما و كانت مقدماه مصر و المجموعه العربيه في الامم المتحده لإدانه المستوطنات الاسرائيليه في الاراضي العربيه المحتله و القرار كان نصوصه شديده جدا على اسرائيل و تعتبر المستوطنات كلها خرق للقانون الدولي. في العاده امريكا بتستخدم حق النقض ضد النوع ده من القرارات. لكن اوباما في اخر أيامه و كان متحفز جدا ضد اسرائيل اولا لان علاقته مع نتنياهو كانت سيئه جدا (مصدر ١) و ثانيا لانه كان شايف ان سياسات اسرائيل الحاليه تخريب للمنطقه و تخريب لمستقبل اسرائيل ذاتها (و ده كلام الساسه الاسرائليين نفسهم بيقولوه دلوقتي لان توسع اسرائيل في الضفه معناه نهايه دوله فلسطينيه و ان اسرائيل لازم تستوعب العرب او تطردهم – مصدر ٢). و اخيرا لان ربما اوباما كان بيفكر فقط في انه يسيب و لو قليل من الارث legacy في الشرق الاوسط. ترامب يوم ٢٢ ديسمبر غرد في تويتر ان القرار ده لازم يتعمله فيتو. طبعا اداره اوباما طنشت تماما كلام ترامب. ده في الوقت اللي محمد بن زايد ولي عهد ابي ظبي و الحاكم الفعلي للامارات كان قبلها بقليل بيزور امريكا عشان يقابل ترامب بدون علم اداره اوباما. و قصاد كده اضطرت سوزان رايس مستشاره اوباما للامن القومي انها توجه المخابرات الامريكيه انها تتابع تحركات محمد بن زايد و تكشف اسماء الشخصيات اللي قابلها. لانه لو كانت النوايا سليمه ليه يخبي انه أساسا جاي امريكا عن اداره الرئيس الامريكي الموجود وقتها عشان يقابل الرئيس الجديد؟ مصدر ٣. 

و قبل اللقاءات دي لمحمد بن زايد في امريكا كانت الإمارات بترعى لقاء بين اداره ترامب اللي جايه و مسئولين روس كبار في احدى جزر الكاريبي. مصدر ٤. 

يوم ٢٢ ديسمبر طبعا تقوم مصر ساحبه مشروع القرار من مجلس الأمن. تواطؤ و قذازه. يعني مش بس بيوروا انهم حطوا المشروع أساسا تحت الضغط الامريكي لكن بيوروا قد ايه هم قذرين و معندهمش مبادئ حتى في القضيه الفلسطينيه. 

يوم ٢٢ ديسمبر بالليل اداره اوباما ضغطت على المجموعه الافريقية و ماليزيا عشان يتبنوا هم مشروع القرار. 

في الْيَوْمَ ده برضه ترامب قرر انه الموضوع بيهرب منه فيقرر يستخدم روسيا و زي ما ابتدى يتضح بعت مايكل فلين عشان يطلب من بوتين عن طريق السفير الروسي في امريكا ان روسيا تنقض القرار و كمان قاله انه ده في مقابل ان ترامب حيقلل العقوبات الامريكيه ضد روسيا و هي عقوبات بوتين بيعتبرها مهينه لانها بتعامل روسيا زي اي بلد عالم تالت و هو هدفه يرجع كرامه روسيا. 

الغير قانوني في الموضوع ان القانون الامريكي بيقول انه هناك رئيس واحد في اي وقت و بالتالي ممنوع ان اي حد يدير سياسه خارجيه ضد قرارات الرئيس. خيانه باختصار. مصدر ٥. 

مايكل فلين عدو شديد للإسلام. بيعتبر الاسلام عدو امريكا الأساسي. بيقول الاسلام سرطان يجب استئصاله. مصدر ٦. 

اللي ميشوفش من الغربال يبقى اعمى. مايكل فلين و ترامب معندهمش مانع يتحالفوا مع روسيا طالما ضد الاسلام. و الناس مش مخبيه الكلام و مش سر و مش مؤامره. مصدر ٧. و اسرائيل نتنياهو قطعا حليف ضد الاسلام. و روسيا قطعا كذلك بعد حروبها الطويله في الشيشان و حروبها التاريخيه ضد المسلمين. و الإمارات حليف في الحرب ضد الاسلام و المسلمين. والنَّاس في الإمارات لا تنكر ذلك يعني. و مصر الانقلاب حليف ضد الاسلام و المسلمين. و هم أيضا لا ينكرون ذلك. دول راحوا اجتماع للاتحاد الاوروبي يقولوا لازم توقفوا تركيا لان صعودها صعود للإسلام. و السعوديه الان حليفه أساسيه في هذا التحالف. واضح الكلام. 

اللي مش شايف لحد دلوقتي يبقى زي ما ربنا قال ختم الله على قلوبهم و على سمعهم و على ابصارهم غشاوه. 

المصادر:

١- علاقات اوباما السيئه مع نتنياهو

http://abcnews.go.com/Politics/inside-barack-obama-benjamin-netanyahus-strained-relationship/story?id=44414492

٢- مقاله إيهود باراك في النيويورك تايمز 

Ehud Barak: We Must Save Israel From Its Government

https://www.nytimes.com/2017/12/01/opinion/ehud-barak-israel-netanyahu.html

٣- مقابلات محمد بن زايدالسريه في امريكا 

http://www.cnn.com/2017/09/13/politics/susan-rice-house-investigators-unmasked-trump-officials/index.html

٤- ترتيب الإمارات لقاءات ترامب و روسيا 

https://www.washingtonpost.com/world/national-security/blackwater-founder-held-secret-seychelles-meeting-to-establish-trump-putin-back-channel/2017/04/03/95908a08-1648-11e7-ada0-1489b735b3a3_story.html?utm_term=.1f8fbdce0e1b

٥- تفاصيل اتهام مايكل فلين 

http://m.jpost.com/American-Politics/UN-resolution-against-Israeli-settlements-at-center-of-Flynn-guilty-plea-515776

٦- مايكل فلين عدو شديد للإسلام 

http://abcnews.go.com/Politics/donald-trump-national-security-adviser-mike-flynn-called/story?id=43575658

٧- ترامب عن الاسلام 

http://www.cnn.com/2017/11/29/politics/donald-trump-retweet-jayda-fransen/index.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s