الأخبار عن مصر في الصحافة العالمية

الأخبار عن مصر في الصحافة العالمية كلها الحقيقة حاجة تفرح. اول خبر عن الست الانجليزية لورا بلمر اللي اتسجنت في مصر في المطار لان معاها ١٠٠ قرص مخدر. بصرف النظر هي الست دي غلط و لا لأ (جوزها المصري طلع صور أشعة و تقارير بتقول انه محتاج العلاج). مش ده موضوعنا. المشكلة هي ان الصحافة العالمية بتقول ان اوضاع السجون المصريه غير أدمية و مش ممكن اننا نسيب لورا مع الوحوش دول. المصيبة الأكبر ان لورا جالها ٢ محاميين مصريين طلب الأولاني ١٠ آلاف جنيه إسترليني و التاني طلب ٢٠ الف إسترليني! و قالولها انها تكدب و تقول ان الحبوب دي مش بتاعتها. الست لورا اللي بتشتغل في محل تجميل قالت انها مش ممكن تكدب أبداً لان ده عيب في ثقافتها و بالتالي السفارة البريطانية وكلت لها محامي تالت. حاجة تفرح الحقيقه. مصدر ١.

Egypt_in_International_news_01

الخبر التاني ما شاء الله ان مصر بتتوقع تدفق المقاتلتين من داعش على مصر بعد هزيمتهم في سوريا و العراق. و الله زي ما بنقول كده ده اللي مصر الرسميه بتقوله عشان تشجع السياحه قطعا. مصدر ٢.

الخبر التالت ان مصر قررت بعد لما حلت كل مشاكل الشعب المصري من علاج و تعليم و حريات انها تعمل قانون بيجرم العلاقات المثليه و بيعاقب اللي يعملها بالسجن المشدد. طبعا ده اكبر خطر بيهدد مصر كلها! المصيبه انه بصرف النظر الكلام ده صح و لا غلط و ان دي دوله هايفه ملهاش الا الناس بتعمل ايه لا مؤاخذه في أعضائهم، الصحافه العالميه كشفت و عرَّت الدوله المصريه كلها و كتبت ان هدف القانون ده ان السيسي يبان انه راجل متدين و بكده يتودد للشعب. مصدر ٣.

الخبر الرابع بقه هو النتيجه المنطقيه لكل اللي فات و الخبر في التيلجراف البريطانيه و عنوانه: “هل فقدت مصر اي أمل في سياحة شرم الشيخ؟”

مش مصدق ادخل مصدر ٤ و اقرأ و أتمتع.

Egypt_in_International_news_02

آه. نسينا كان فيه ما يقال انه مؤتمر الشباب في شرم الشيخ. ملوش اي سيرة. و لا حد كتب عنه الا طبعاً مجلات عالميه زي الْيَوْمَ السابع و قناه المخابرات دي ام سي.

المصادر:

١- https://www.thesun.co.uk/news/4890542/jailed-brit-in-egypt-could-be-freed/

٢-https://www.thetimes.co.uk/article/isis-is-regrouping-and-coming-this-way-warns-egypt-96ht99v3j

٣- https://www.amnesty.org/en/latest/news/2017/11/egypt-draft-bill-to-criminalize-same-sex-relations-amid-unprecedented-homophobic-crackdown/

-٤ http://www.telegraph.co.uk/travel/destinations/africa/egypt/articles/egypt-shift-focus-to-hurghada-marsa-alam-holidays/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s