تقييم الوضع العربى بعد الحرب العالمية الأولى

من الحرب العالمية الاولى و انهيار الخلافة الاسلامية و نظام السيطرة على شعوب الشرق الاوسط مبني على ٣ ركائز:

١- سيطرة دينية على مشاعر الشعوب دي باستخدام انظمة تتطرف في الدين في كل ما لا يهم و لكنها في الحقيقة عميلة كامله للغرب. الانظمة دي كانت متمثله في نظام الشريف حسين في مكة و ورث دوره نظام ال سعود في السعودية. الفكرة ببساطة ان الشعوب دي متدينة و منقدرش اننا نلغي الخلافة عندها ببساطه كدة. لكن الخلافة في اسطنبول كانت بالطبع ضد التبعية و العمالة و كان لها دور وطني اسلامي. يبقى نعمل حاجة شبه الخلافة بتاخد شرعيتها من انها مثلا خادم الحرمين الشريفين و بتأخذ شرعيتها من التطرّف في كل تفاهات الأمور من الدين عشان الدراويش في الشرق الاوسط يحسوا ان ده هوه الدين الحقيقي و يغرقوا في كل السفاهات.

بتطور الاوضاع ال سعود بقى عندهم قنوات فضائيه و شبكات اعلامية و فلوس بالمليارات بيدفعوها عشان غسيل مخ شعوب الشرق الاوسط. و كمان بيشغلوا فيها إعلاميين مصريين و لبنانيين هدفهم استغلال القوة الناعمة لمصر و لبنان انها تبقى في أيد القوة الناعمة السعوديه اللي مبقتش دينيه بس لكن بتحاول تسيطر على كل مصادر القوة الناعمة في الشرق الاوسط عشان تحتفظ بالتوكيل الحصري قصاد الغرب.

٢- لو ده مكفاش يبقى الاعتماد على تكوين ما سموه الجيوش القومية في الشرق الاوسط. الجيش المصري و العراقي و السوري اللي عملهم البريطانيين بعد الحرب العالمية الاولى و اتفاقيات تكوين دول الشرق الاوسط، الجيوش دي هدفها الأساسي هو السيطرة على اي حد عاوز يقلب الوضع و مش مكفيه السيطرة الاعلامية تبقى القوة الخشنة موجودة. و الكلام ده مش احنا اللي بنقوله ده تشرشل نفسه اللي قاله و كتبناه بالتفصيل في سلسله نشرناها عن الحرب العالميه الاولى (مصدر ١).

٣- لو كل ده مكفاش يبقى الغرب مضطر يتدخل بنفسه عن طريق القوة الجوية و هي موجوده في قواعد حوالين المنطقه كلها: دييجو جارسيا في المحيط الهندي، H2 في العراق، نابولي في إيطاليا، انشرليك في تركيا، جيبوتي، الأسطول الخامس في البحرين، العديد في قطر، قاعده سلطان بن عبد العزيز في الخبر، الأسطول السادس في المتوسط و الاحمر، اكروتيري البريطانيه في قبرص، طرطوس الروسيه في سوريا، الممرات الجويه المصريه و قاعدة غرب القاهره و المنصورة الجوية، اسرائيل ذاتها قاعدة جويه ضخمة. الخ. اي نظام او شعب مارق يمكن بسهولة قمعه باستخدام القوة الجوية. شفنا ده في حرب الخليج.

لكن الأمور دلوقتي بتتطور بحيث ان القواعد المستقره دي بتتهد.

١- نظام ال سعود ابتدى يرمي القوه الناعمه و بيستخدم الخشونة في كل شيئ. مغامرات عسكرية في اليمن. مغامرة لبنانيه مش معروف مداها. خشونة حتى في التعامل الداخلي لأول مرة في التاريخ. ده بيهد القوة الناعمة تماما و بيلغي اساس وجود ال سعود.

Understanding_Arabs_roles_after_WW1_01

٢- الجيوش العربيه بتاعة القوه الخشنة عجزت أساسا انها تحافظ على حدود دولتها. العراقي و السوري و المصري كلهم مشغولين بشكل كامل في ردع الداخل. كان فيه ورقة توت انهم بيدافعوا عن بلادهم ضد اسرائيل و انهم بيجيبوا تنمية و استقرار للدول التلاته الكبار. لا فيه لا تنمية و لا استقرار و لا نجاح في اي حاجة و كلها جيوش مهزومة خارجيا بشكل كامل. العراقي دون الدعم الإيراني لا شيئ. السوري دون الدعم الروسي و الإيراني كان على وشك السقوط. و المصري عاجز عن النصر في سيناء و عاجز عن علاج اي من مشاكل التنميه في مصر برغم تصديه لها بشكل مباشر منذ انقلاب ٢٠١٣.

Understanding_Arabs_roles_after_WW1_02

٣- و يصل الحال بالجيوش العربية من الفشل انها عاجزة عن اداء دورها الأساسي في قمع الشعوب بمفردها. و انها تطلب من الخارج اللي المفروض دوره فقط عند الضرورة ان يتدخل باستمرار لنجدتها. سوريا مع روسيا. العراق مع ايران. و مصر تطلب دوما مساعدة اسرائيل في سيناء و تترجى الجيش الامريكي كي يساعدها في ضرب خلية لا يزيد عددها عن ١٠٠ شخص في واحة سيوة و ينشر الجيش الامريكي لقطات هي المفروض ملك للجيش المصري و لكنه الامريكي الان هو من يدير القتال! مصدر ٢.

Understanding_Arabs_roles_after_WW1_03

نحن اذا امام ان الناعم اصبح خشن و الخشن اصبح عاجز او على الأقل مغروس و الحامي الحقيقي يدفع تكاليف اكبر مما يريد و بالتالي ستزيد مطالبه ممن يحميهم. لان الاتفاق مكانش على كده. و ده يورينا سياق ترامب مع السعوديه و الخليج. و المحمي مستعد يدفع طبعا و بأي شكل لكن التكاليف عماله تزيد و سعر البترول بيقل و الحاجة ليه في العالم بتقل كمان.

كل نظام ما بعد الحرب العالمية الاولى عليه ضغوط و احتمالات انه يستمر بمرور الوقت بتقل. مفيش نظام استمر ١٠٠ سنه من غير تعديل.

و لو تلاحظ مصر مشهدتش فترة حريات الا بعد لما الجيش انكسر في ٦٧ و بعدها اضطر انه يستعين بالناس عشان يقدر يلم نفسه. مش معنى كده اننا ضد ان مصر يبقالها جيش. احنا ضد ان مصر يبقالها جيش هدفه هو قمع الشعب! مفيش حاجة اسمها ان حد يبقى ضد ان بلد يبقى عندها جيش. زي مثلا كده لما تقول ان حد يبقى ضد انه يبقى فيه وزاره ماليه او وزاره تعليم!

كلمه اخيرة. المنطقه دي مش حنتقدم الا بتفكيك ال سعود و مظاهر تدينهم اللي ملهاش علاقه بالدِّين و تفكيك الجيوش العربيه و أولها المصري و أعاده بنائها على أساس جديد.

المصادر:

١- صفحات مخفيه من تاريخ مصر:

Jawdablog.org/category/التاريخ/صفحات-مخفيه-من-التاريخ/

٢- القياده المركزيه الامريكيه هي الان من تنسق و تقود الحرب في المنطقه

https://twitter.com/centcomarabic/status/926076525316853760

https://twitter.com/centcomarabic/status/925388407982972929

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s