نظرة مستقبلية فى أحوال اّل سعود وتأثيره على مصر

Look_into_Al_Saud

الامبراطورية الرومانية لما ابتدت تتراجع و تفلس بعد لما ضيعت فلوسها في القرن التاني في حروب من غير فايدة و مع تزايد التهديدات حواليها من القبائل الجرمانية، زادت فيها الانقلابات و التخلص من الخصوم بالقتل. السبب في كدة بسيط. مفيش مشكلة سياسيه متتحلش بالفلوس. اي مشكله داخل ال سعود كان حلها تاخد كام مليار تعمل بيهم تجارة و تعيش حلو و خلاص. مقرن ساب ولاية العهد كده. لكن مع تراجع الدخل و تضييع الفلوس على مصر و اليمن و ترامب و غيره و توقعات افول عصر البترول و التهديدات من حواليها من صعود نجم ايران و تركيا ، طبيعي ان الحل يبقى باستخدام العنف و الانقلابات. لو عاوز تقرأ عن الامبراطورية الرومانية و تراجعها لازم ترجع لكتاب جيبون تراجع و سقوط الامبراطورية الرومانية و هو كتاب اكتر من ممتاز و للاسف ملقيناش ترجمه عربية ليه! لكن موجود بالمجان بالإنجليزي في مصدر ١. 

ده اللي شايفينه قدامنا في السعوديه النهاردة. الاوضاع دي لازم نبصلها على المدى القصير و المتوسط و البعيد دي اي عمليه تغيير سياسي. 

١- على المدى القصير مفيش شك ربما بنهاية السنة ان محمد بن سلمان حيبقى ملك. مفيش شك انه سيطر تماما على اي تهديد من داخل ال سعود. 

دي نهاية شرعية عبد العزيز ال سعود و بداية مرحله جديدة بشرعيه الانقلابات. 

٢- على المدى المتوسط بالتأكيد حصل نوع من تآكل الحصانة لأمراء ال سعود. زمان كان اعتقال او نفي امير سعودي موضوع كبير قدام الشعب السعودي. بدون شك دلوقتي بقى موضوع بمرور الوقت هين. خصوصاً ان في الغالب دي مش اّخر الاعتقالات و لا الاغتيالات. 

٣- على المدى البعيد و مع تآكل اهمية النفط في العالم نهاية ال سعود بالضبط زي نهايه الامبراطورية الرومانية. عواملها كلها قدامنا. و استخدام العنف و اخد حقوق الناس و الضحك على الشعب بيؤكد النهاية مش بيؤجلها حتى. 

بالنسبة لتاثير دة على الوضع في مصر لازم نعرف ان:

١- على المدى القصير الطرفين من ال سعود كانوا بيأيدوا السيسي. و بالتالي مفيش اختلال مهم في السياسة السعودية تجاه مصر و تجاه السيسي.

٢- على المدى المتوسط السيسي ممكن جدا يفكر انه يكرر نفس تجربة محمد بن سلمان في مصر و انه يطهر الجيش و المخابرات من اي تهديد محتمل و انه يتخلص من وزير الدفاع صدقي صبحي بتلفيق قضايا فساد او حتى دعارة له. 

٣- على المدى البعيد فتراجع السعوديه و أموال النفط له تبعات ضخمة على المنطقه. السعوديه بيدخلها يوميا نص مليار دولار عايد انتاج حوالي ١٠ مليون برميل يوميا. يعني ١٨٠ مليار دولار سنويا. مع تراجع النفط (مصدر ٢) ربما ستختفي نصف هذه العائدات على الأقل. دي فلوس بتروح للانقلابات و لدعم حكومات عميلة و كمان جزء بيروح عند مصريين و غيرهم بيشتغلوا في السعوديه و غيرها. كل ده حيتراجع و حيكون له تاثيرات ضخمة في المنطقة. 

المصادر:

١- تراجع و سقوط الامبراطوريه الرومانيه 

http://www.memory.loc.gov/service/gdc/scd0001/2010/20100701003hi/20100701003hi.pdf

٢- توقعات تراجع النفط في العالم لماذا؟ 

https://m.facebook.com/jawda.org/posts/1670579626345577

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s