التكنولوجيا ومصير البترول وتأثيره على الشرق الأوسط

صعب نفهم اللي بيحصل في المنطقة دلوقتي من غير ما نفهم انه في سياق ترتيبات ما بعد نهايه عصر البترول. نهاية البترول مش حلم بعيد و مش هلوسة ناس بتحلم بالطاقة المتجددة من اللي بيقولوا عليهم tree-huggers. بص كدة على التالي:

١- الصين أعلنت انها في طريقها تمنع العربيات اللي بتمشي بالبنزين تماماً. حالياً في الصين لو اشتريت عربية بالبنزين لازم تاخد دور في طابور طويل و تكسب يانصيب عشان تاخد رخصة. لكن لو العربيه بالكهرباء تاخد الرخصه مباشرة. مصدر ١.

٢- بريطانيا و فرنسا و الهند و ألمانيا و النرويج أعلنوا انه مفيش عربيّات تمشي بالبنزين حتتباع بدءا من ٢٠٤٠ و مفيش عربية بالبنزين حتمشي في الشارع ابتداء من ٢٠٥٠.

٢٠٤٠ دي مش بعيده قوي زي ما انت فاهم. كلها ٢٢ سنه. يعني بعون الله في حياة معظمنا. تقريبا كده لو انت حضرت احتفالات الألفيه الجديده و لسه فاكرها زي ما تكون امبارح يبقى انت حتحضر اخر عربية بتمشي بالبنزين بتتباع في الدول دي و حتفتكر كلامنا ده زي ما يكون امبارح.

Technology_and_Oil_impact_on_middle_east

الاقتصاديات دي مش دول هايفة. دي اكبر اقتصاديات في العالم.

٣- في امريكا التحول من البنزين للكهربا ماشي بمنتهى السرعه. و السبب طبعا هو شركه تسلا و صاحبها إيلون ماسك. الموديل الجديد اللي اسمه الموديل ٣ هو من افضل المبيعات في العالم. الناس اشترت عربية لسة بتتصمم و دفعت فيها مقدم كمان. التوقعات ان العربيه دي تبيع اكتر من الموديل ٣٠٠ بي ام دبليو. مصدر ٣. و هي اول عربيه كهربا كاملة و تمنها يبقى حوالي ٣٠ الف دولار و ده تمن معقول جدا. إيلون ماسك عمل قفزة كبيرة جدا في تكنولوجيا العربيات الكهربائية و خلاهم عربيّات شيك جدا و كمان بيسوقوا نفسهم self drive و كمان مداهم حوالي ٢٠٠ ميل و هو مدى طويل جدا لأي عربيه وكمان عمال يحط محطات شحن في طرق امريكا كلها و بذكاء بيحط محطات الشحن في محلات ستاربكس. فأنت تدخل تشتري قهوه و تسيب العربيه تشحن البطاريات و لما تخلص شحن يجيلك رسالة على التليفون ان العربيه خلصت شحن. و الأروع انك لما تكون مسافر العربيه بتخططلك مسار السواقه و تقولك اي ستاربكس تركن فيه عشان تشحن. و على فكرة الشحن ببلاش.

ده يفسر لنا ليه أسعار البترول في العالم مش بتزيد. سعر اي سلعة معتمد على العرض و الطلب. الطلب بيقل نتيجه تزايد العربيات اللي بتمشي بالكهرباء. و طبعا العرض بيزيد نتيجه تكنولوجيا البترول الصخري في امريكا.

لذلك احنا في حياتنا حنشوف انهيار البترول و تراجع قوة الدول المنتجة ليه. تراجع السعودية و الخليج و كل الدول دي.

العربيات دي بتشحن في البيوت او المحلات و لذلك انتاج الكهربا في العالم لازم حيزيد. الانتاج ده أساسا دلوقتي اما من طاقه الرياح او الطاقه الشمسية او الغاز. و مشكلة السعوديه او الإمارات انها معندهاش غاز كفاية. الغاز في قطر او ايران او روسيا. دي الدول المنتجه للغاز. البترول السعودي لذلك او بترول ابو ظبي محدش حيحتاجه. و طبعا الدول دي ممكن تنتج طاقه رياح او طاقه شمسيه لكن تصدير النوع ده من الطاقه مكلف جدا جدا عكس البترول مثلا و كمان أوروبا و امريكا عندهم طاقه رياح و شمس كفايه.

اللي حيفضل في الشرق الاوسط هي اما الدول الناجحه المعتمدة على التكنولوجيات اللي بتسابق عشان تلحق بالعصر و هي فعلا جزء مهم من الاقتصاد العالمي الجديد المعتمد على التكنولوجيا (تركيا و اسرائيل) أو دول ذات ثروه يريدها العالم على الأقل الان (ايران و قطر).

اللي بيضيع فلوسه في مشاريع من غير طايل و سراب في الصحرا او اللي بيضحك على شعبه او اللي بيضيع فلوسه في مغامرات في اليمن، كل دول ملهومش مكان في العشرين سنه الجايه. حتى لو بان انه عنده فلوس دلوقتي و ناطحات سحاب و كل ده. لذلك الباقي كله مهدد و احتمالات استمرار نظامه السياسي او الاقتصادي احتمالات غير مؤكده. حتى احتمالات استمراره كدوله أساسا غير مؤكده. ببساطه احنا بنتكلم عن ٣٠-٤٠ مليون برميل بترول يوميا كان في وقت كم الأوقات سعرهم ٣-٤ مليار دولار في الْيَوْمَ! يعني تريليون دولار دخل في السنه حيختفوا. حيبقوا مش موجودين. تريليون دولار كان بيقيم حكومات و يمول انقلابات و يغطي على فساد و مشاكل كتيره و بيشتري ولاءات و بيشتري دول وشعوب بحالها. كل ده حيختفي. تخيل كده الوضع حيكون عامل ازاي.

المصادر:

١- 

http://mashable.com/2017/09/11/china-to-ban-gasoline-cars/

٢- 

http://money.cnn.com/2017/09/11/autos/countries-banning-diesel-gas-cars/index.html

٣- 

https://electrek.co/2017/09/14/tesla-model-3-wipe-out-bmw-3-series-sales-investor/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s