حادثه هيلتون النيل

The_nile_Hilton_Incident

الخبر ده مستحيل حتسمع عنه في مصر. الفيلم المصري “حادثه هيلتون النيل” حصل على جايزه افضل فيلم من النقاد في مهرجان ساندانس Sundance film festival. و هو اهم مهرجان سينمائي للأفلام المستقله يعني اللي هوليوود ما انتجتهاش. مصدر ١. الجائزة دي طريق مفتوح لدخول هوليوود لان منتجين هوليوود دايما بيدوروا على دم جديد في ساندانس. مش بس كده الفيلم نزل في السينمات في العالم و عليه إقبال كبير و اتعرض في مهرجان فانكوفر الدولي للسينما. المشاهدين ادوا للفيلم نسبه ٧٨٪‏ على موقع روتن توماتو rotten Tomato (مصدر ٢). و ده اهم موقع لتقييم الأفلام السينمائية في امريكا و نسبه ٧٨٪‏ دي نسبه عاليه جدا بالنظر ان مثلا أفلام رهيبه زي “مهمه مستحيله ٣” بطوله توم كروز واخد فقط ٦٩٪‏ و هو في نفس نوعيه الأفلام زي حادثه هيلتون النيل و هي نوعيه أفلام الاثاره thriller. يعني لو عجبك فيلم مهمه مستحيله ٣ و شفت توم كروز و هو بيتشعبط على برج خليفه حيعجبك جدا فيلم حادثه هيلتون النيل. 

الفيلم بتدور احداثه قبل الثوره بأسابيع في ٢٠١٠. حادثه قتل لمغنيه في الفندق. ضابط بوليس اسمه نور الدين بيحقق فيها و شكلها انها جريمه حب عاديه. لكن خدامه الفندق اسمها سلوى شافت حاجه غربيه و قالت لنور الدين عليها. نور الدين كان عنده بقيه ضمير انه يحقق و بالتالي يكشف الفساد الضارب في كل حته في مصر. و يكتشف ان حكام مصر ضالعين في الفساد و بيدوروا فقط على المال و الجنس. 

الفيلم مش بس مسلي لكن كمان سريع الأحداث و حقيقي. كلنا عارفين طبعا قصه هشام طلعت مصطفى اللي طلع من السجن في موضوع مشابه. فمحدش يقول ما بيحصلش. الفيلم بينتهي بالناس تعمل ثوره و البوليس بيفتح المار عليهم و يقتلهم من أسطح البيوت. كمان دي منقولش ما بتحصلش. 

الفيلم اخراج و انتاج طارق صالح و هو مصري سويدي من اب مصري و ام سويدية و عايش في السويد. طارق والده عنده قصه كمان. والد طارق حاول يعمل متحف علوم للأطفال في القاهره زي ما فيه متحف علوم في معظم مدن العالم science museum. والد طارق صالح اصطدم بكل المعوقات و الفساد اللي ممكن اي حد يتخيله و طبعا هرب تاني على السويد كحال كتير من المصريين. مصدر ١. 

الفيلم فيه عبارات تاريخيه زي مثلا:

– الأب بيقول لرجل الاعمال الفاسد بعد ما اغتنى جدا و بيحاول يداري على جريمه القتل: “يا ابني انت متقدرش تشتري الشرف”. 

– واحد صاحب نور الدين بيقوله: “انت فاكر نفسك فين. دي مصر”. 

الفيلم باللغة العربيه مع ساب تايتلس بالإنجليزي و بطوله فارس فارس (لبناني لكن بيتكلم لهجه مصريه تمام) و ماري مالك (دور الخادمه سلوى) و ياسر على ماهر و سليمان دازي و احمد سليم. 

الفيلم اتصرح له بالتصوير بعد الثوره لكن طبعا ممنوع بعد الانقلاب و دلوقتي. و بالتالي اضطروا يخلصوا التصوير في المغرب. 

ساندانس و فانكوفر كلها مهرجانات حفي عليها الممثلين و المخرجين المصريين و شريف الشوباشي ان مصر تروحها و يتعرض لها فيلم فيها. حفيوا. ربنا رايد انه دايما يورينا ان الثوره هي الطريق السليم اننا نبقى محترمين. و ان ناس زي طارق صالح ممكن يعملوا فيلم من غير إمكانيات خالص و من غير الجيش و من غير الدوله و من غير ليلى علوي و الهام شاهين و ساويرس و يدخلوا العالم من أوسع ابوابه لان معاهم فن و معاهم علم أخدوه من عيشتهم في العالم. نفس اللي حصل لما برضه فيلم مصري دخل أوسكار عن الثوره المصريه و اخراج بنت مصريه امريكيه. مش “وات ابوات يور فرست أوسكار”. ربنا بيورينا الطريق و احنا بنرفض. 

ممكن تشوف الفيلم بالكامل في مصدر ٣. مع ملاحظه ان الفيلم للكبار فقط. اكثر من ١٧ سنه. 

المصادر:

١- جايزه ساندانس فيلم فيستفال 

https://mobile.nytimes.com/2017/08/10/movies/the-nile-hilton-incident-review.html

٢- ترتيب الفيلم على موقع روتن توماتو 

https://www.rottentomatoes.com/m/the_nile_hilton_incident/

٣- الفيلم كامل

http://trendmovies.us/play.php?movie=tt5540188

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s