السعي لنيل الرضا الاسرائيلي

Moushira_Khatab

زي ما نظام حسني مبارك كان متخيل ان العالم يتحرك بتوجيه اسرائيل و ان رضا اسرائيل عن فاروق حسني معناه ان فاروق حسني يبقى مدير عام اليونسكو (مصدر ١)، نظام السيسي برضه متخيل ان طالما اسرائيل معانا مش مهم اي حد تاني. يبقى ممكن اننا نتهم ٥٠ دوله عضو في اليونسكو من امريكا اللاتينية لآسيا لاوروبا لأفريقيا انهم بياخدوا رشاوي من قطر و برضه نقدر نرغمهم انهم يصوتولنا. 

بينما بحساب بسيط نلاقي ان مجموع أصوات مرشحي قطر و مصر و لبنان هو ١٩ و ١١ و ٦ و ده اكتر من العدد المطلوب للحصول على الاغلبيه من اول تصويت تاني لو حصل اتفاق بين الاطراف العربيه. لا اسرائيل و لا بتاع. مصدر ٢. 

و مهملين كمان ان حسابات الدول الأعضاء داخل فيها مين يقدر يتواصل مع اليابان و هي الممول الأكبر لليونسكو عشان تتراجع عن وقف دعمها المالي للمنظمه بعد لما اليونسكو انحازت للصين و قررت ان وثائق اغتصاب نانكينج هي ذكرى عالميه. فمين يقدر يلعب دور توافقي بين اليابان و الصين حيبقى مهم جدا. معظم الأعضاء دول في مخيلتهم ان استقطاب امريكا تاني لليونسكو في ظل الاداره الحاليه عمليه شبه مستحيله و مفيش دوله أوروبية او امريكيه لاتينبه عندها استعداد لكده. حسابات مختلفه خالص عن حسابات مصر و قراءه خاطئه من النظام المصري و الدوله المصريه باكملها للواقع الدولي. هوه ده تفكيرهم و دي طريقتهم سواء جيش او دوله. و جهاز الكفته لنا مثال. 

لكن طبعا نتوقع ايه من الدوله المصريه؟ هل هي طلعت اي حاجه مفيده؟ اطلاقا. ده حتى محمد صلاح ربنا كرمه انه حل من تحت أيد الدوله المصريه. و الا كان زمانه في طلائع الجيش. 

المصادر:

١- ترشيح فاروق حسني و السعي لنيل الرضا الاسرائيلي 

http://today.almasryalyoum.com/article2.aspx?ArticleID=212554&IssueID=1417

٢- نتايج التصويت التاني 

http://www.africanews.com/2017/10/10/egypt-third-in-round-two-of-unesco-boss-vote/

٣- مشاكل اليونسكو 

https://www.washingtonpost.com/world/europe/unesco-chooses-new-chief-amid-tensions-over-palestinian-role/2017/10/09/d991e04e-acbb-11e7-9b93-b97043e57a22_story.html?utm_term=.f033b666d9b9

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s