مصر مع كوريا الشمالية

Egypt_and_North_Korea

مصر عندها علاقات قديمه مع كوريا الشمالية. احنا بس بننسى. مش بس حسني مبارك كان كل شويه يروح كوريا الشماليه في اول حكمه، الحقيقه الأهم ان كوريا الشماليه بعتت طياريين مقاتلين بطائراتهم عشان يحاربوا في حرب ٧٣. و مش بس حاربوا لا دول عملوا بطولات كتب عنها الفريق سعد الشاذلي في كتابه الشهير “العبور” the Crossing. مصدر ١. و الشاذلي لاحظ في الكتاب ان مصر معمرهاش شكرت كوريا احد اهم مظاهر العلاقات القديمه بين مصر و كوريا الشماليه هو بانوراما حرب أكتوبر في مدينه نصر اللي بناه الكوريين الشماليين كتبرع لمصر و عشان يكون نصب للصداقة. 

لكن علاقه مصر مع كوريا كانت دايما، حتى وقت السادات، علاقه مصر بتحاول تخليها سريه. مصر مكانتش اطلاقا فخوره بعلاقتها مع كوريا الشماليه. و ده طبعا زاد مع انهيار المعسكر الشيوعي و العقوبات الامريكيه المترايده ضد كوريا و توجه الصين ناحيه الغرب و هي طبعا الراعي الرئيسي لكوريا الشماليه.

لكن كان دايما فيه ما هو غاطس في علاقه البلدين اكتر بكتير من الظاهر. مثلا نجيب ساويرس واحد من رجال اعمال قله في العالم بيعملوا شغل في كوريا الشماليه. الحقيقه انه بيملك امتياز شركه المحمول في كوريا الشماليه. مصدر ٢. و بالرغم ان نجيب عمال يحاول يطلع من شغل المحمول سواء في مصر او إيطاليا او الجرائر لكن هوه مخلي الامتياز في كوريا الشماليه اللي بالتأكيد بيعمل أرباح خرافيه بسبب انه عمل احتكاري من غير منافسه. زي ما كانت موبينيل في الاول كده. و نجيب معندوش طبعا مانع ان حكومه كوريا الشماليه تتجسس على المكالمات كلها. العلاقات كمان بين البلدين كان جزء منها ان مصر بتشتري سلاح متطور بالذات في الصواريخ من كوريا و هو موضوع حساس في علاقه مصر بامريكا و الغرب و ده خلى انه فيه علاقات بين الجيش المصري و الكوري الشمالي ربما لحد الثمانينات كانت علاقات مقننه بأن مصر بتستورد تكنولوجيا صواريخ خارج الحصار الغربي. 

لذلك المفاجأه مش ان المخابرات الامريكيه اكتشفت سفينه سلاح رايحه من كوريا في اتجاه مصر. و لا المفاجأه ان مصر عملت نفسها مش عارفه حاجه. كل ده طبيعي من بلد في العاده متخيله انه كل شيئ ممكن بالفهلوة. 

لكن المفاجأه الحقيقيه في حاجتين (مصدر ٣):

١- نوع السلاح على السفينه:

مش صواريخ مثلا رايحه الجيش المصري. لا دي قنابل ذات دفع صاروخي. او المعروف بأسم أر بي جي. RPG. و ده مش سلاح متطور و لا سلاح فيه نقص عند الجيش المصري. 

٢- ان المستورد مكانش الحكومه المصريه او الجيش المصري. لكن رجل اعمال مصري! 

لو تربط المعلومتين ببعض لازم تستنج ان مصر بتشتغل واجهه لتجاره السلاح الغير شرعيه من كوريا الشماليه. و ان السلاح ده ربما رايح افريقيا او سوريا. و ان دور مصر بس انها تغسل السلاح ده و تقول انه منتج في مصر و تعيد تصديره لحد تاني. في مقابل عمولات ضخمه. 

كمان لازم توصل لاستنتاج انه هذا الرجل الاعمال في الأغلب انه نجيب ساويرس. برضه في مقابل عمولات. يعني الجيش واخد عمولات و نجيب واخذ عمولات في صفقه سلاح غير شرعيه كواجهه لدوله عليها عقوبات و في الأغلب للتصدير لدوله تانيه او ميليشيا برضه عليها عقوبات (ده بيخلي العمولات تزيد اكتر و اكتر). و المخجل ان مش بس الجيش و ساويرس بقوا بتوع عمولات و سمسره. المخجل ان دي نوعيه من السلاح كان زمان مصر بتنتجها. لكن في الأغلب العمولة من كوريا الشماليه احلى و احلى. و بعدين ننتج سلاح و لا مكرونه؟ أكيد مكرونه. و نسيب السلاح لكوريا عشان ناخذ العموله. و بعدين ساويرس كمان يأخذ عموله في مقابل ان الحزب بتاعه اتضرب و مقابل ان المخابرات دخلت و اخدت منه سوق المحمول في مصر. 

فهمنا مصر ماشيه ازاي؟ 

المصادر:

١- كتاب سعد الشاذلي. العبور. 

http://download-policies-laws-pdf-ebooks.com/5699-free-book

٣- امبراطوريه نجيب في كوريا الشماليه 

https://www.cnbc.com/2017/09/14/egyptian-investor-north-korea-us-wars-investment.html

٣- اكتشاف سفينه سلاح كوري متجهه لمصر

https://www.washingtonpost.com/world/national-security/a-north-korean-ship-was-seized-off-egypt-with-a-huge-cache-of-weapons-destined-for-a-surprising-buyer/2017/10/01/d9a4e06e-a46d-11e7-b14f-f41773cd5a14_story.html?utm_term=.6a55bf9db195

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s