الحرب الأهليه السوريه والسياسه السعوديه

Civil_War_in_Syria_And_Saudi_Politics_Change

احنا شايفين بعينينا لكن من غير ما ناخد بالنا الحقيقه انتهاء الحرب الأهليه السوريه و تغيير السياسه السعوديه ١٨٠ درجه. ازاي؟ و ازاي احنا مش واخدين بالنا؟ 

راقب اتفاق وقف النار اللي أتفاوض عليه ترامب مع بوتين. الاتفاق ده ساري لحد دلوقتي بدقه و بالتالي الحدود السوريه الأردنيه بقت هاديه صحيح مش بشكل كامل لكن افضل بكتير من اي اتفاقات سابقه. مصدر ١. الاتفاق ده في الحقيقه مش وقف إطلاق نار موقت او هدنه زي ما كان بيحصل زمان. ده اتفاق ببساطه ان المعارضه السوريه تقف مكانها و قوات بشار الأسد تقف مكانها. المعارضه عاوزه تحكم في مكانها و تشغل الشرطه و المستشفيات و المصالح الحكوميه، مفيش مانع. ببساطه هي اتفاق حكم ذاتي لأي طرف شارك في الثوره السوريه طالما بشار يفضل رئيس. في الحقيقه هو اتفاق لتقسيم سوريا دون اعلان التقسيم بشكل فعلي. 

نلاحظ كمان في نفس الوقت ان السعوديه خففت لهجتها جدا ضد ايران و بقوا كمان بيستقبلوا مقتدى الصدر في السعوديه لأول مره من ١١ سنه بعد رفض سعودي كامل التعامل مع الساسه العراقيين الشيعه. مصدر ٢. و كمان الساسه السعوديين و الإيرانيين بيقابلوا بعض و يسلموا و يحضنوا كمان. مصدر ٣. 

السعوديه عندها حرب فاشله في اليمن عاجزه فيها انها نحقق اي تقدم او نصر و كمان ابتدت تواجه انتقادات دوليه شديده بسبب ان جيشها طائش و عمال يضرب في المدنيين و الأطفال (دون فرق بينه و بين بشار و نحن ننتقد الاثنين و ندعو عليهما و وعمل ضدهما). و كمان سوريا اثبتت للسعوديه انها فاشله عن تحقيق هدفها الحقيقي في تغيير نظام بشار و تحجيم ايران. اذا احنا قدام فشل سعودي كامل على امتداد المنطقه كلها الا في مصر بتحقيق السعوديه أهدافها فيها بالانقلاب على الديمقراطيه و الثورات العربيه. 

ده طبعا مش معناه انه العداء انتهى بين السعوديه و ايران. معناه ان محمد بن سلمان اتأثر بتوجيه محمد بن زايد اللي رأيه انه الثورات العربيه و الاخوان المسلمين تهديد عاجل بينما ايران تهديد مؤجل. لذلك السياسه الإماراتية السعوديه دلوقتي انها تضغط على قطر و تركيا اولا عشان تتخلص من اي تهديد لحكم سعود. و قطر و تركيا تهديد حقيقي لموقع ال سعود لأنهم متمسكين بالإسلام و في نفس الوقت نموذج جذاب و ناجح. و ده يخلخل وجود ال سعود من اساسه اللي بيعتمد انه خادم الحرمين عشان يسيطر على جموع المسلمين و يبيع للغرب نفسه انه قادر على السيطره على توجهات المسلمين في العالم. 

طبعا هم مش عاوزينك تلاحظ التغيير. لأنهم بقالهم سنين بيقولك ايران هي العدو و الشيعه أعداء. تغيير ده بشكل فج حيكشف ال سعود و يعرضهم. لذلك يهمهم قوي ان اللي بيتقال بالعربي غير الانجليزي. وطبعا يوريك قد ايه هم متحكمين في الاعلام انك مش واخد بالك. فهدفنا اننا نخليك تأخذ بالك و تبقى ناصح و مفتح. 

اللطيف في الموضوع ان منشوراليوم السابع المدرب بيقول ان ايران ترتعد بعد لقاء سلمان و مقتدى الصدر. مصدر ٤. 

في نفس الوقت اللي العراق نفسه بيقول ان السعوديه طالبه الوساطة مع ايران. مصدر ٢ و في نفس الوقت اللي وزيري خارجيه السعوديه و ايران بيخادوا بعض بالحضن. كلام ميتقالش الا من صحافه الانقلاب في مصر عشان هم فاكرين الشعب المصري ممكن استحماره. 

المصادر

١- اتفاق التهدئه 

http://www.npr.org/sections/parallels/2017/07/17/537679035/heres-what-to-know-about-the-trump-putin-syria-cease-fire

٢- مقتدى الصدر في السعوديه 

http://www.alarabiya.net/ar/mob/saudi-today/2017/07/30/بعد-11-عاماً-مقتدى-الصدر-في-السعودية.html

٣- تحسن العلاقات بين السعوديه و ايران 

http://www.reuters.com/article/us-iran-saudi-iraq-idUSKBN14Y0MT

https://youtu.be/LNVgMl8cVbc

٤- منشور الْيَوْمَ السابع 

http://m.youm7.com/story/2017/8/2/السعودية-تزرع-الرعب-فى-قلب-إيران-بعد-لقاء-ولى-عهد/3350279

٥- لقاء وزيري خارجيه ايران و السعوديه

https://arabic.cnn.com/middle-east/2017/08/02/zarif-jubair-handshake

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s