موسوعه جينيس للأرقام القياسية

Guinness_book_of_records_1

فيه بديهيات يبدو اننا لازم نقولها و للاسف حنحطم امال مصريين كتير. يا ناس يا هوه يا عاقلين: موسوعه جينيس للأرقام القياسية هي مجرد كتاب ترفيهي. حتى اسمه هو Guinness book of records اي و الله مجرد كتاب ترفيهي. حاجه كده في الغرب زي انك تقرأ كتاب نكت. و تضحك شويه و تقول ياه و بعدين تنسى الموضوع تماما.

هل عيب انك تحاول يبقى اسمك في كتاب جينيس؟ أكيد مش عيب. انت بكده حتنضم لقائمه طويله من العجايب و الغرائب ري مثلا اكبر كلب و أطول قطه. كمان فيه رقم قياسي لأطول قرن معيز في العالم و طوله ١٥٣ سم و مسجل بأسم المعزه راسبوتين في تيرول بالنمسا. اتفضل ضيف اسمك فيها.

مفيش علاقه اطلاقا بين تقدم الدول و وجود اسماء ابنائها و بناتها في كتاب جينيس. الموضوع كله اساسه الترفيه والضحك و الاثاره و المتعه.

محدش اطلاقا بعقله حيفكر و يقول يااه دي مصر فيها أطول ساري علم في التاريخ. مش معقول يعني. بالضبط زي محدش حيفكر يروح النمسا عشان يزور المعزه ام أطول قرون! و لو انت زي المتحدث العسكري كده و فاكر ان فيه سياح ممكن يعملوا كده يبقى العوض على الله مفيش فايده. أقصى حاجه سايح حيزورها ان في متحف في نيويورك و له فروع في لندن اسمه ربلي Ripley’s believe it or not او “ربلي صدق او لا تصدق” و هو أيضا متحف يعرض غرائب و عجائب محنطه من جميع أنحاء العالم. الناس بتدخل ضمن جوله في نيويورك او لندن تضحك شويه و تلعب شويه و بعد ساعتين تخرج و خلاص.

الحقيقه ان الثقافه في مصر بقى فيها مشكلتين:

١- تصور ان فيه طريق سريع للثراء و النجاح. اعمل عمله كبيره و ادخل الموسوعة و تبقى غني. اعمل حفره في الارض سميها قناه السويس الجديده و حتبقى ناجح و ثري. ممكن تخيل ان مجموعه من الناس تفكر كده. موجود في كل شعب اللي عاوز يستسهل و عاوز يستنطع و عاوز يستظرف و عاوز يبقى فهلوي. إنما مش معقول يعني ان شعب بحاله يبقى امله انه يبقى فهلوي!

الطريق للنجاح هو العمل الجاد و الاعتماد على كفاءه الشعب و حرياته.

٢- فيه مشكله ان الشعب المصري فقد علاقاته بالعالم. فقد احتكاكه بالعالم. مبقاش عارف ايه الصح و ايه الغلط من اللي بيحصل في الدنيا من حوالينا. بقى ممكن ينضحك علينا بسهوله. اي حد ممكن دلوقتي يقولك اي حاجه و ضدها عن العالم و انت تصدقها. زمان كان مصر فيها طليان و يونان و يهود و كان سهل المصري يسافر الدنيا. دلوقتي المصريين عايشين في قمقم مقفول عليهم. فيه طبقه معينه بالاضافه للجيش مبسوطه جدا من الوضع ده لانها بكده بتتحكم بالاتصالات بالعالم و تقدر تقول العالم لو احنا سيبنا الحكم الغوغاء دول حيضروكوم و كمان مستفيدين من الشعب يفضل معزول عن العالم. و بالنسبه للغرب هم اخر حاجه عاوزينها دلوقتي لاجئين القوارب.

أرجوكم اصحوا. هم عاوزينكم تفضلوا في اعلى ساري و مشيه سبايدرمان.

Guinness_book_of_records_2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s