صفقه القرن

The_Century_Deal.jpg

الدليل القاطع على رغبه مبارك إعطاء سيناء للفلسطينيين. الكشف عن طبيعه صفقه القرن. 

السفير سعيد كمال مش اي شخصيه. ده كان سفير فلسطين في القاهره لعشرات السنين. واستمر سفير و ممثل شخصي لياسر عرفات خلال فتره القطيعة الفلسطينيه مع السادات. و هو اللي نبه السادات قبل ٣ أسابيع من اغتياله انه فيه محاوله لقتله. فده شخص غير اعتيادي وكان مراقب لكل الدبلوماسيه السريه المصريه و الفلسطينيه. سعيد كمال قبل ما يموت عمل سلسله حلقات عدت من غير ما حد يأخذ باله منها. الحلقات كلها في مصدر ١ بالصوت والصوره. 

سعيد كمال بيقول اما حصل اتفاق غزه-اريحا ياسر عرفات كان مستعجل يدخل غزه لانها بلده الأصلي. حسني مبارك نصحه انه بلاش لحد لما يبان نوايا الاسرائليين. و عرض مبارك على ياسر عرفات انه يقعد في العريش و يروح غزه يشتغل فيها و يرجع يبات في العريش. مبارك كمان قال لعرفات ان العريش و حواليها صحرا فاضيه و ان الفلسطينيين شطار و حيعملوا فيها تجاره و استثمارات. 

ياسر عرفات رفض و الباقي معروف. 

الكلام ده بيؤكد اللي احنا كتبناه في ٢٠١٣ ان مبارك كان عنده مشروع لإيواء الفلسطينيين في غزه (مصدر ٢). و ان اتهام الشاطر و مرسي بذلك لا اساس له من الصحه. بالعكس الدوله المصريه هي اللي كانت تريد ذلك من وقت ناصر. و حدث هجوم رهيب علينا وقتها. 

في مقابله تانيه من نفس الحلقات، سعيد كمال أتكلم عن تفاصيل اكتر عن مقابلته مع ستيف كوهين ممثل الايباك منظمه اللوبي اليهوديه الامريكيه. سأله ستيف عن تصور حل مشكله اللاجئين. سعيد قاله المنطقه جنوب غزه قابله للتنميه لو انتم وصلتولها مياه. مصدر ٣. تقدر تستوعب ٣ مليون شخص. 

واضح نوع صفقه القرن. الموضوع مبقاش محتاج ذكاء. 

طيب جميل. ادوا الفلسطينيين سينا لكن هل اسرائيل حتسيب الأقصى و القدس؟ مع السادات الامر كان واضح. الراجل الله يرحمه كان بيقول انسحاب كامل و شامل و حل عادل للقضيه الفلسطينيه. مع الناس دي مفيش حاجه معروفه و كلهم خونه انقلابيين و معندهمش دين و لا قدس و لا بتاع. ده بيقولك القدس في الحجاز. حيبيعوا الارض و ياخدوا فلوس و خلاص. 

و يا عبيط يا اللي يتصقف على هدم رفح، أبشر! 

المصادر:

١- 

https://youtu.be/0kqoCFkykNU

٢- تحقيق جوده عن اسطوره ان خيرت الشاطر و مرسي باعوا سيناء 

https://m.facebook.com/jawda.org/posts/663326820404201

https://jawdablog.org/2017/01/26/sisi_deal_to_sell_sinai/

https://jawdablog.org/2014/09/28/egypt_taboo_17/

٣- https://youtu.be/LkQM9JK_9yM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s