عد معانا عدد الدبابات في الصوره. ٧ صفوف دبابات في كل صف ٢٠ دبابه. دي قوه فرقه مدرعة في الجيش المصري زيه زي معظم جيوش العالم. عشان نفهم ازاي نعد القوه المدرعه: تقريبا كل فصيله مدرعه armored platoon بيبقى فيها ٤ دبابات و قائدها بيكون ملازم الى نقيب. كل سريه company بيبقي فيها حوالي ٣ فصائل. يعني حوالي ١٢ دبابه. زائد ان قائد السريه اللي بيكون غالبا نقيب الى رائد بيبقى عنده دبابتين احتياطي. يعني السريه بيبقى فيها ١٤ دبابه. اكبر من كده موجود الكتيبه battalion و بيبقى فيها ٣ سرايا بالاضافه لوجود دبابتين احتياطي عند قائد الكتيبه اللي بيبقى رائد الى عقيد. يعني الكتيبه بتكون حوالي ٤٤ دبابه. بعد كده اللواء المدرع brigade اللي بيكون فيه ٢-٣ كتائب و قائده بيكون عقيد او عميد. يعني اللواء المدرع بيكون حوالي ٨٠-١٢٠ دبابه. اخيرا الفرقه المدرعه armored division و بتكون فيها ٣-٤ كتائب و قائدها بيكون عميد او لواء. يعني الفرقه المدرعه بتكون حوالي ٢٠٠-٤٠٠ دبابه. مصدر ١ حيعرفك التشكيلات المدرعه. و بالتالي بالعد نستنتج بسهوله ان قاعده الحمام فيها قوه فرقه مدرعه كامله.
الدبابه اللي في الصوره هي الدبابه ام واحد ام واحد أبرامز M1A1 Abrams الامريكيه و هي دبابه القتال الرئيسيه في الجيش المصري. الصوره الثانيه صوره مقربه من الدبابه و مصدر ٢ حيعرفك خصائص الدبابه المدرعه الامريكيه ام واحد و هي سهل جدا تمييزها عن الدبابات الروسيه و الأوروبيه لانها تتميز يعجل مجنزر صغير مقارنه بالدبابات الروسيه و ان نصف العجل مغطى بالتدريع الرئيسي عكس التصميمات الروسيه التي فيها يكون الجنزير كله مكشوف.
طيب ايه المهم في الكلام ده؟
توزيع الفرق المدرعه في الجيش المصري تاريخيا كان كالتالي:
١- الفرقه الاولى المدرعه او الحرس الجمهوري و مقرها في المنطقه المركزيه في هليوبولس في القاهره و مهمتها الدفاع عن القاهره (و قمع الاضطرابات الشعبيه و تأمين رئيس الجمهوريه و النظام).
٢- الفرقه ٢١ المدرعه و مقرها بورسعيد و هي جزء من الجيش الثاني الميداني.
٣- الفرقه الرابعه المدرعه و مقرها الإسماعيلية و أيضا جزء من قوه الجيش الثاني الميداني.
٤- الفرقه ٦ مدرعات و مقرها المنصوره و أيضا جزء من الجيش الثاني الميداني.
٥- الفرقه ٩ مدرعه و مقرها طريق السويس القاهره و جزء من الجيش الثالث الميداني
و هو ما مجموعه ٥ فرق مدرعه قوتها حوالي ١٢٥٠ دبابه ام واحد ام واحد أبرامز و هو كل ما تملكه مصر من تلك الدبابه (مصدر ٣). تتميز مصر في شيئ إضافي ان لديها تشكيلات اخرى من دبابات قديمه مثل ال تي ٦٢ الروسيه و باتون الامريكيه القديمه و هي دبابات ذات تدريع متخلف قديم و بالتالي لن تصمد طويلا امام عدو متفوق جويا يمتلك أباتشي و صواريخ جو ارض متفوقه. لكن تحتفظ التشكيلات القتاليه المصريه بتلك الدبابات القديمه لاستخدامها في قمع المظاهرات مثلا او التدخلات المحتمله ضد أعداء اقل تفوقا مثل ليبيا او غيرها.
تلاحظ في التشكيلات تلك ان الجيش المصري لم يضع فرق مدرعه خارج نطاق العمل الأساسي في القناه و القاهره. لكن خلال مناورات النجم الساطع مع الولايات المتحده كانت مصر تسحب عناصر من الفرقه ٩ المدرعه من طريق السويس القاهره و يتم وضعها بشكل مؤقت في قاعده الحمام العسكريه للمشاركه في المناورات. مصدر ٤
ظهور فرقه كامله في الحمام بقوتها كامله دون مناورات معناه ان الفرقه ٩ مدرعات تم نقلها من طريق السويس القاهره الى منطقه الحمام. و الصور المنشوره ليس فقط هدفها التأثير على الرأي العام المصري بل الأهم هو توصيل رساله لمن يهمه الأمر في تل ابيب و القدس ان نطاق عمل الجيش المصري انتقل من منطقه جنوب القناه و حدث فيه تحول استراتيجي نحو الغرب و الحدود مع ليبيا.
مع ملاحظه ان الفرق ٤ و ٢١ يعملون في شمال سيناء ضد السكان المدنيين هناك. و الفرق ٦ و الحرس الجمهوري مهامهم هي تأمين النظام في القاهره و الدلتا.
الف مبروك. الصور وصلت و الرساله وصلت اسرائيل.
المصادر:
١- تشكيلات القوات المدرعه في العالم
https://www.quora.com/How-many-tanks-would-be-in-a-US-tanks-brigade-division-company-How-many-men
http://federationcommander.blogspot.com/2010/01/military-unit-sizes.html?_sm_au_=iJHqPj5WjTFr71fN
٢- الدبابه ام واحد ان واحد
http://www.fprado.com/armorsite/abrams.htm
٣- مجموع الدبابات ام واحد في مصر
٤-
https://www.army.mil/article/6074/bright-star-teams-guard-with-egyptian-armored-division
Categories: عسكرة الدولة
Leave a Reply