عبد الرحمن الراشد … المتحدث الرسمي الحقيقي بأسم الجناح السديري

AbdelRahman_ALRashid.jpg

عبد الرحمن الراشد مش شخص عادي. ده المتحدث الرسمي الحقيقي بأسم الجناح السديري المسيطر في عيله ال سعود. ده الشخص اللي أسس قناه العربيه و جريده الشرق الاوسط و مجله المجله. باختصار هو المؤسس لكل الابواق المتحدثه و المعبره عن ال سعود. حنحكي قصه حتكشف كل حاجه عن عبد الرحمن الراشد و “الفكر الجديد” داخل ال سعود. في وقت باراك اوباما، المسلمين في امريكا كانوا عاوزين يعملوا مسجد بالقرب من مكان ابراج التجاره العالميه و احداث ١١ سبتمبر و يسموه مركز قرطبة. و كان مش بس حيبقى مسجد (المنطقه في جنوب مانهاتن مفيهاش مساجد كافيه) كان حيبقى متحف و مركز إسلامي و دعوي. طبعا حصلت ازمه. و الرئيس اوباما أتدخل لصالح المسلمين و حقهم انهم يبنوا مسجد بالقرب من مكان ١١ سبتمبر. يقوم صاحبنا عبد الرحمن الراشد يكتب و يقول “ان تدخل اوباما موقف غير مهم و غير ضروري بالنسبه للمسلمين” و ان المسلمين ميهمهومش بتبني مسجد بالقرب من ١١ سبتمبر! يعني اوباما يؤيد حق المسلمين. و المسلم العربي يرفض ده. مصدر ١. 

صاحبنا كتب مؤخرا في موقع عرب نيوز (احد الابواق ال سعود) ان تدخل تيليرسون وزير خارجيه امريكا في ازمه التحالف الخماسي (السعوديه الإمارات السيسي البحرين اسرائيل) ضد قطر هو تدخل غير مرغوب فيه و ان تيليرسون منحاز لقطر وباختصار مش عايزينه. 

نفهم من كده كويس قوي ان التحالف الخماسي شايف ان ترامب فرصه ذهبية. و مش عاوزين بقى الناس الخرعه بتوع الخارجيه و الدفاع يبوظولنا الطبخه مع ترامب. الكلام ده مهم جدا كمان انه يفهمنا ان امريكا منقسمه. مش كل امريكا ضدنا. الفهم ده ضروري عشان نقدر اننا نتعامل مع الجزء اللي معانا و نحيد الجزء اللي ضدنا. و ده شغل القطريين الحقيقه بيعملوه كويس جدا. بصراحه على عكس اجزاء كبيره من الإسلاميين في مصر اللي ما زالوا عاجزين عن فهم الاختلافات الحقيقيه في الموقف الغربي و استغلالها. 

المصادر:

١- 

http://m.washingtontimes.com/news/2010/aug/19/a-monument-to-terrorism/

٢- 

http://www.arabnews.com/node/1128151/columns#.WWddv-rQplF.twitter

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s