ليه دايما يونيو و يوليو بتوع انقلابات؟

Why_Coups_happen_in_June_July

اشتاتا اشتوت كتاكيت كتاكيت:مصر في يونيو – يوليو ٢٠١٣. و بعدين تركيا يوليو ٢٠١٦ و اخيرا قطر في يونيو ٢٠١٧. الحقيقه مفيش تفسير الا ان المحور الخماسي (السعوديه – الإمارات – السيسي – البحرين – اسرائيل) فعلا بيعتقد في التفاؤل و التشاؤم. متستغربش. اللي شجعهم على تركيا و قطر هو نجاح الانقلاب السهل في مصر في يونيو و يوليو. و يبدو انهم تفاءلوا بالشهر. كمان نلاحظ حاجات معينه بيقولها السيسي:

– أهل الشر اللي دايما السيسي بيتكلم عنهم و لما بيتكلم عنهم بيدور وشه بعيد عن الناس كأنه بيكلم المجهول. كأنه بيقول أشتاتا اشتوت. 

– حلم الدم و حكم مصر و الساعه الاوميجا اللي السيسي أتكلم عنهم في اول الانقلاب بشكل غريب جدا. الراجل فعلا مقتنع ان فيه قوى تحت-ارضيه بتساعده. 

– المنديل اللي مسح فيه و حطه في كمه في حركه ملهاش اي تفسير الا انه خايف ان حد يأخذ منه اتر. و يبدو ان دي كمان حاجه الست والدته وصته بيها عشان محدش ياخد اتر منه و دي معتقدات كانت منتشرة جدا في مصر بالذات عند سكان المناطق الشعبيه في القاهره زي خان الخليلي و الجمالية. 

– حديثه عن رمضان انه موسم الشر. و ده كلام مش في المعتقدات المصريه اطلاقا. بالعكس يبدو كلام غريب و خارج السياق. 

– كلامه عن “حضرتك يا رب”. ده كلام اخر اثر ليه لما كانت زينات صدقي بتقول حضراتكم يا اسيادنا. دي برضه لغه انتهت من مصر و لكن يبدو ان والده السيسي بحكم انفصالها عن تطورات المجتمع المصري و اتجاهه نحو العوده للجذور الاسلاميه في التلاتين سنه الاخيره، يبدو جدا ان والدته احتفظت باللغة دي و العادات دي و ورثتها لابنها. بالعكس كبرتها في دماغه جدا عشان يحافظ عليها ضد معظم المجتمع اللي اختفت منه اللغه دي و العادات دي. 

مش السيسي بس. محمد بن زايد مستضيف الحبيب على الجفري عنده في ابي ظبي و يحضر مجالسه (مصدر ١). و السيسي يقدمه للضباط بفخر و انه مصدر السماحه و الوسطيه مقابل ان الدنيا تعبت من بقيه المسلمين الإرهابيين (مصدر ٢). 

و السيد الجفري يقيم ما لا يمكن ان يطلق عليه الا الزار (مصدر ٣). و قربه من السيسي و ابن زايد و حضوره ندوات تثقيفية للقوات المسلحه المصريه (مصدر ٤) هو مما يجعل هذه المعتقدات الدين الرسمي للدولتين في ابي ظبي ومصر 

و بالطبع فالجفري اليمني الأصل و السعودي الجنسيه و المقيم بالامارات لا يشكل اي مشكله للوطنيه المصريه التي تتحمق فقط في حال حلم اي احد بالخلافة. 

نحن إذن لسنا فقط امام ناس طبيعيين بل هناك جزء من الاعتقاد الأيدلوجي في الخرافات. و الحقيقه ان هذا مما يمكن بسهوله استغلاله. فالجن ممكن يركبنا زي عبد الفتاح القصري و نقول كتاكيت كتاكيت. 

المصادر:

١- علي الجفري واصل لاعلى المستويات في حكومه ابي ظبي

https://youtu.be/hvC9Sc2bfu8

٢- السيسي يرحب بالجفري

https://youtu.be/NUVPr7z4npI

٣- الغناء و الزار في المساجد 

https://youtu.be/-_JrjapGIPE

https://youtu.be/WvL12oV6Afw

٤- الجفري في ندوات الجيش التثقيفية 

https://youtu.be/sNbk2anfwXk

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s