!الإمارات والحرب على مسلمي أمريكا

United_Arab_Emarates_and_War_on_Muslim_Americans.jpg

بقلم احمد غانم

الإمارات تبرعت بمليون دولار لإدراة الاستخبارات التابعة لشرطة نيويورك في عام ٢٠١٢..ومن المعروف أن هذه الإدارة كانت متورطة بشكل كبير في التجسس على المسلمين وعلى معظم المساجد في نيويورك وكانوا زارعين مخبرين في كل المساجد وحتى المدارس والجامعات اللي فيها مسلمين

مصدر تسريب خبر التبرع هو موقع الأنترسبت الأمريكي

وهذا هو لينك التسريب: https://goo.gl/aFQty4

طيب وما هي المشكلة …ايه يعني؟

المشكلة أن كل مسلم يعيش في أمريكا يعرف أن عام ٢٠١٢ شهد أكبر نقاش مجتمعي وأكبر حملة قام بيها المسلمين لتحجيم دور وصلاحيات إدارة الاستخبارات التابعة لشرطة نيويورك واللي المسلمين ساعتها كانوا شايفين انها تهديد لحرياتهم ولحياتهم..وعلى سبيل المثال ده تقرير لأكبر منظمة حقوقية بتتكلم عن الموضوع ده:

https://goo.gl/ucnUp2

——————-

مش بس كده..دا كان الموضوع ده من أهم مواضيع الخلاف بين عمدة نيويورك وقتها مايكل بلومبرج اللي كان بيدعم التجسس على المسلمين وبين السيد دي بلازيو اللي بيعد نفسه للترشح للعمودية واللي كان ضد التجسس

– موقف بلومبرج العمدة القديم https://goo.gl/32Cqsr

———————

وبعد انتخاب ديبلازيو لعمودية نيويورك حاول انه يوقف أجزاء من البرنامج ده وفعلا وقف أجزاء منه

https://goo.gl/c5Ww4Y

————————

طيب يعني الموضوع كان معروف للجميع ومش سر ..والوحدة الاستخبارية اللي الإمارات كانت بتدعمها كان معروف إن إحدى أنشطتها هو التجسس على المسلمين ومساجدهم ومدارسهم وحتى محاولة توريط بعض الشباب في قضايا إرهاب بدعوى الوقاية من الإرهاب والموضوع كان مالي الإعلام والمنظمات الحقوقية بتشتكي والمسلمين بيشتكوا وحتى المرشح للعمودية بيشتكي من تصرفات الإدارة دي في سنة ٢٠١٢ بالذات..وتلاقي إن الإمارات يا مؤمن في عز البلاوي وفي السنة دي بالذات جاية تتبرع للإدارة دي بمليون دولار !!!

مش كده وبس..دا المسلمين في السنة دي رفعوا قواضي على الإدارة دي وكسبوها

وشهدت سنة ٢٠١٢ أشهر قضية اترفعت ضد الإدارة دي واسمها قضية حسن ضد مدينة نيويورك

https://goo.gl/7WnaZP

يعني في نفس السنة ٢٠١٢ اللي المسلمين الأمريكان كانوا بيحاولوا بإيديهم وسنانهم يوقفوا شرور الإدارة دي عنهم ماكانوش يعرفوا إن الإمارات كانت بتدعم الإدارة اللي بيحاربوها بمليون دولار..

دا اسرائيل نفسها ما عملتهاش!

————————-

طيب ليه الإمارات بتعمل كده مع مسلمي أمريكا اللي مالهمش أي أطماع سياسية في الإمارات وماعندهمش أي مشكلة أساسا مع الإمارات؟!!

وليه الإمارات حطت أكبر مؤسسات إسلامية معترف بيها في أمريكا على قائمة الإرهاب والإدارة الأمريكية نفسها استغربت وطلبت توضيح!

https://goo.gl/eTvcfo

أيوه والله..الإمارات حطت منظمة كير اللي بتدافع عن حقوق المسلمين في قائمة الإرهاب هيا ومنظمات إسلامية كبيرة في أمريكا وأمريكا نفسها أدانت وضع مسلمي أمريكا على قائمة الإرهاب!!

طيب إيه سر عداء الإمارات لكل ما له ريحة من الإسلام ولو حتى في أمريكا؟!

سؤال لا أجد له إجابة!

 

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s