معني اعلان قطر للبترول عن عزمها تطوير حقل الشمال

Qatar_conflict.jpg

فيه تطور مهم حصل يوم الثلاثاء 4/ يوليو في موضوع قطر لكن محدش اخد باله منه. قطر للبترول أعلنت انها ستفتح الانتاج في حقل الشمال لزياده انتاج الغاز القطري بمقدار ٣٠٪‏. مصدر ١. ده معناه تقريبا زياده انتاج قطر بمقدار حوالي ٣٠ مليون طن من الغاز كل سنه. ده كده خبر ممكن يعدي بسهوله على واحد مش متخصص. المتخصص بقى يلاحظ ايه؟ 

اول حاجه ان حقل الشمال ده زي ما اسمه باين هو حقل بيقع في الحدود الشمالية البحريه لقطر مع ايران. الحقل ده هوه نفسه الحقل اللي ايران بتسميه حقل جنوب بارس south Pars. الحقل ده اكبر حقل غاز في العالم دون منازع. مصدر ٢. من حوالي ١٢ سنه و في قمه قيام قطر بتطوير مصادرها للغاز و في عز توسع عمليات الإنشاءات في قطر وقتها فجأه أعلنت قطر من جانب واحد وقف عمليات التوسع المستقبليه و الاكتفاء بما هو متفق عليه فعلا. مصدر ٣. القرار ده وقتها كانت له أسباب عديده:

١- ان محصلش في التاريخ تزايد انتاج بالسرعه دي من حقل واحد و تأثير ده غير معلوم و الحقل ده هو ثروه قطر الوحيدة. و ده من الحقول اللي لو فقدت الضغط فيها محدش عنده التكنولوجيا لاسترجاع الضغط ده في حقل غاز غير مفهوم بدقه. حقول البترول العاديه مفهومه لكن حقول الغاز ظاهره جديده. 

٢- توقع القطريين عن حق ان العالم مش حيستحمل زياده كبيره في انتاج الغاز و ده حيقلل أسعاره و ده مش مطلوب. 

٣- انه مفيش داعي لإغضاب ايران و الدخول في نزاع معاها حوالين انتاج الغاز في حقل مشترك بين الاتنين. 

قطر دلوقتي بتقول انها حتتوسع في تطوير الحقل و من الصعب تخيل ان توسع بالضخامة دي بيتم دون اتفاق مع ايران. و ده وضع طبيعي و ضروري. بالعكس التوسع دون الاتفاق مع الجيران يعتبر بلطجة في حقل يجب ادارته بالتنسيق بين الطرفين. و طبعا مش من مصلحه قطر امتصاص الحقل على حساب حق ايران المستقبلي في تطوير نصيبها. و المسأله مش بس هي الحفر في ناحيتك من الارض. الموضوع اعقد لأنك ممكن تحفر في ناحيتك من الارض لكن بسبب انك بتسحب الغاز بسرعه جدا فتتسبب في الإضرار بكل الحقل ناحيتك و ناحيه جارك. لذلك الأفضل دائماً هو التنسيق و الشفافيه و اطلاع الجانب الاخر على خطط الانتاج و الأبحاث العلميه التي تم عملها للتأكد انه لن يحدث أضرار بحقوق الجانب الاخر. 

ثانيا. عشان نفهم يعني ايه تطوير ٣٠ مليون طن غاز في السنه، نوضح مثلا ان الرأسمال المطلوب لإنتاج كل طن زياده من الغاز في السنه حوالي ١٥٠٠-٢٠٠٠ دولار. و ده بيشمل تكلفه الحفر و تكلفه تسييل الغاز لإنتاج غاز مسال liquified natural gas او اختصارا LNG يمكن نقله و تكلفه انشاء السفن المجهزه لنقل الغاز المسال ده و اخيرا تكلفه إنشاء الموانئ المخصصة لاعاده تحويل الغاز المسال الى غاز مره تانيه. يعني راس المال المطلوب لإنتاج ٣٠ مليون طن غاز في السنه حيبقى حوالي ٤٥-٦٠ مليار دولار. و دي ارقام حتبعث الحياه مره تانيه في شركات الغاز و البترول في العالم اللي اتأثرت جدا بتراجع أسعار النفط. مصدر ٤. و احنا بنتذكر في عد سنين ٢٠٠٤-٢٠٠٦ لما كانت قطر بتزود إنتاجها بأرقام كبيره وقتها كانت شركات زي إكسون موبيل الامريكيه و توتال الفرنسيه و جنرال إليكتريك الامريكيه (و فرعها نوفو بينيوني الايطالي) و براكس اير الامريكيه مستعدين يعملوا اي حاجه عشان قطر ترضى عنهم. و بالمناسبه وقتها كان رئيس شركه إكسون موبيل هو ريكس تيليرسون وزير خارجيه امريكا الان و في عهده تم افتتاح قطر جاس ٢ Qatar gas 2 و هو اكبر منشأه تسييل غاز في العالم و هي بالتعاون بين إكسون موبيل و قطر للبترول. و حضر الافتتاح ريكس تيليرسون و وزير الطاقه في قطر وقتها العطيه (الصوره). 

لتوضيح ماذا يعني ٣٠ مليون طن إضافية في العام، نذكر ان استهلاك اليابان الكلي من الغاز حوالي ٨٠ مليون طن في العام و نحن هنا نتحدث عن احد اكبر اقتصاديات العالم. مصدر ٥. 

لتوضيح حجم المصانع في قطر اللازمه لتسييل الغاز نذكر ان راس غاز و قطر غاز طول المصنع الواحد فيهم عده كيلومترات و من الصعب الحركه فيه على الأقدام بل تحتاج لمواصلات لتنتقل من طرف لآخر. 

و بالطبع فانفاق ٦٠ مليار دولار هو امر سيسيل له لعاب ذات الشركات (إكسون موبيل، توتال، جنرال إليكتريك التي توسعت في مجال البترول و الغاز و تمتلك الان شركه بيكر هيوز و بالتالي تستطيع ان تتحصل على عقود حفر أيضا و ليست عقود تسييل الغاز فقط) و ربما بالاضافه لقادم جديد في عالم الغاز هو شركه سيمنز الألمانية. و هذا يفسر ربما جزء من أسباب وقوف الألمان و الفرنسيين لجانب قطر و يفسر كذلك وقوف ريكس تيليرسون بجانبها. 

في اعتقادنا انه بالتعاون مع العالم و ربط شركاته باستقرار قطر نستطيع ان نقول ان قطر ربحت الجوله الاولى. و بالطبع ما لم يحسب حسابه المتآمرون هو التدخل التركي في قطر الذي دون شك لخبط كل الحسابات. فهم ظنوا انهم طردوا اردوغان من الباب فعاد لهم في المنطقه و بشكل اكثر قوه و ارتفعت اسهمه أدى الشعوب كذلك. 

لكن في اعتقادنا ان السعوديه و الإمارات سيحاولون جوله ثانيه مثلما فعلوا في مصر بعد هزيمتهم في ديسمبر ٢٠١٢ (مظاهرات الاتحاديه و محاوله اقتحامها) و سيكونون مشابه لحركه تمرد في قطر او البلاك بلوك لاثاره التقلبات في قطر و التدخل بدعوى استتباب الأمن. ذات سيناريو مصر. 

المصادر:

١- اعلان قطر للبترول عن عزمها تطوير حقل الشمال

http://www.cnbc.com/2017/07/04/qatar-ratchets-up-gas-production-30-percent-despite-sanctions.html

٢- حقل جنوب بارس/ حقل الشمال 

http://mobile.reuters.com/article/idUSTRE66P1VV20100726

٣- توقف قطر عن عمليات التوسع

http://mobile.reuters.com/article/idUSKBN175181

٤- تكاليف انتاج الغاز الراسماليه 

http://www.igu.org/download/file/fid/2123

٥- استهلاك اليابان من الغاز

http://m.lngworldnews.com/#newsitem-194715

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s