تعالوا كده نحاول نتنبأ بالدول الفاشله و الناجحة

Predicting_winning_and_Losing_Nations_1

فيه دول في المنطقه بتاعتنا حتنجح و تعلى و فيه دول حتفشل او تفضل فاشله. تعالوا كده نحاول نتنبأ بالدول الفاشله و الناجحة. قبل ما نقول الدول بالأسماء تعالوا نتعرف على الصفات. نمسك ٣ امثله.

المثال (أ) دوله دلوقتي بتحاول تصمم و تصنع طياره و محرك طياره و بتحاول ننتجهم و تصدرهم و تنافس بيهم لكن بتعمل كده و بتتعاون مع العالم من حواليها. 

المثال (ب) دوله دلوقتي بتحاول تستقطب استثمارات في مجال الطيران و تصنيع الطيارات و بقت مصدر مهم لمكونات الطيارات الاوروبيه و بتحاول تنتج و تشتغل. 

المثال (ج) دوله بتضحك على شعبها و تقولهم كله حيبقى حلو بس اصبروا و مش عارفه تجيب استثمارات لان الجو فيها كله فساد.

تفتكر مين اللي حينجح بتفوق؟ مين حينجح؟ و مين حيفشل؟

احنا حنسيب الاجابه ليك لكن دائماً من جد وجد و من زرع حصد. اللي بيزرع همبكه بيجني فقر.

احنا عملنالكو جوله في معرض لو بورجيه لصناعات الفضاء و الطيران في باريس اللي شغال الأيام دي. اللي هوه اكبر معرض لمصنعين الفضاء و الطيران في العالم. اي حد بيشتغل في صناعات الفضاء و الطيران بيحضر معرضين كبار واحد هو لو بورجيه في باريس و التاني هو فارنبورو في لندن. طبعا بيصاحب ده عروض للطيران و أكروبات. مثلا السنه دي كانت الطياره آلاف ٣٥ الامريكيه موجوده و ورت عروض مبهره لإمكانياتها. طبعا الاعلام المصري مش حيكلمكم عن لو بورجيه لانه عاوزكم تفضلوا في المستنقع اللي احنا عايشين فيه ده.

في الجوله دي احنا ركزنا على دول المنطقه بتاعتنا.

حتلاقي ان ٤ دول من المنطقه بس كانت موجوده! اسرائيل و تركيا و تونس و المغرب. بس.

قطر كانت موجوده بتعمل دعايه لشركه الطيران بتاعتها. البحرين كانت موجوده بتعمل اعلان عن مهرجان البحرين للطيارات. لكن اسرائيل و تركيا و تونس و المغرب بس هم اللي كانوا موجودين كمصنعين لصناعات الفضاء و الطيران.

أمسك أعصابك بقى دلوقتي.

– اسرائيل طبعا منتج حربي كبير و بتعمل طيارات دون طيار. الجديد انها بتعمل طياره مدنيه صغيره لرجال الاعمال. طبعا فكره جباره لان كتير من الأغنياء في العالم يهود.

– تركيا عندها مشروع كبير انها تنتج طياره و محرك هيلكوبتر و طياره مقاتله و محركها بحلول عام ٢٠٢٣. و بالفعل عملوا الطياراتين (بص على الصور) و ماشيين في تصميم و تصنيع المحركات.

– تونس بتعمل دلوقتي اجزاء محركات الطيارات و بتصدرها لشركه سافران الفرنسيه و جنرال إليكتريك الامريكيه. اللطيف ان بعض الأجزاء التونسيه دي بيروح يتصدر لمصر و السيسي بيفرح بيه قوي.

– عدد الشركات العالميه اللي شغاله في المغرب و بتنتج اجزاء طيارات زاد من ٥ شركات في سنه ٢٠٠٠ و بقى دلوقتي اكتر من ١٠٠ شركه.

– مفيش حد تاني.

– فيه دوله تانيه بتقولك أهل الشر و بتسجن كل اللي يفتح بقه و شبابها بيهاجر و مش عارف حتى و رمت فلوسها كلها في ترعه.

– و فيه دوله تانيه بتضيع فلوسها عشان تخلي ولي ولي العهد يبقى ولي العهد.

يا ترى مين حينجح بتفوق و مين حينجح و مين حيفشل خلال العشرين سنه الجايه؟

الاجابه سهله.

الموضوع مش بالتمني.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s