الإمارات و السعوديه ليه بيعملوا كده؟ 

UAE_Saudi_Why_They_Do_This.jpg

لأنهم شايفين ان وجود ترامب في امريكا هي فرصه ممكن تكون الاخيره انهم يتخلصوا من كل منافسيهم في المنطقه بدون رجعه و تكون الضربه القاضيه. ازاي؟ يعني كل ده و لسه مخلصوش على الثورات العربيه؟ آه لسه تخيل! النار ما زالت تحت الرماد برغم كل القمع. الناس بس خايفه لكن مش ناسيه. و ثورات الربيع العربي دي تهديد مباشر لعروش الخليج existential threat لان لو مصر بقت ديمقراطيه و تقدمت شعوب الخليج حتطلب نفس التحرر بالذات في الدول كثيفه السكان نسبيا زي السعوديه او الإمارات. كمان لو مصر تقدمت اهميه الخليج للراعي الامريكي و الحليف الاسرائيلي تقل كتير جدا. و بالتالي الناس دي مش بس عاوزه تتحاشى الثورات. عاوزه انها متقوملهاش قومه تاني خالص. احتمالات ده ايه؟ 

١- ان امريكا يرجع فيها رئيس زي اوباما يقولهم حقوق إنسان و يتعاطف مع ثورات الربيع العربي. عكس وضع ترامب اللي عاوزهم يزودوا الانتهاكات اكثر و دي فرصه. 

٢- ان قطر لسه عندها الجزيره و عندها هاربين كتير. صحيح انكمشت. لكن ممكن تتمدد تاني في اَي وقت خصوصا بعد كاس العالم. ممكن الجزيره مباشر مصر ترجع تاني في يوم. ممكن القيادات الهربانه ترجع تقود تاني و لو حتى من بعيد. و التخليص على كل دول فرصه. التخليص على جيل بحاله من القيادات فرصه على الأقل لتأجيل الثورات جيل كمان. 

٣- تركيا لسه عندها نموذج جذاب جدا للحكم الاسلامي الرشيد او على الأقل اللي بيحاول يكون مش معادي للإسلام. النموذج ده خطير جدا. و كمان تركيا عندها قيادات الشباب هربانه هناك. التخلص منهم مش بس يخلص على جيل من القيادات. لا. يخلص على جيلين كمان. و القيادات دي من غيرها صعب تحصل ثوره. و التخلص من النموذج و القيادات على بعض مره واحده فرصه. 

٤- جماعه الاخوان هي البديل الحقيقي لحكام الخليج. كلهم معتمدين على الاسلام و الشريعه و بالتالي جماعه شعبيه مستنده للإسلام هي اكبر و اهم بديل ليهم. مش بس في عيون الشعوب. لا. كمان في عين الغرب اللي فاهم كويس ان حكم الدول دي محتاج سند من الاسلام ضروري لا غنى عنه و الكلام ده من ايّام الحرب العالميه الاولى و انهيار الدوله العثمانيه اللي الغرب لقى ان بديلها هو تحالف دول تدعي الاسلام و تدعي الوصايه على المسلمين مع جيوش عربيه قمعيه في حاله ان السيطره بالدِّين غير كافيه. و مع ان الاخوان اخدت ضربه قويه في مصر الا انها لم تنتهي. و القضاء على قياداتها في تركيا و قطر و إنجلترا فرصه لا تعوض. 

٥- حماس سكينه في خاسره اسرائيل و تستطيع مع الجزيره عرقله اَي اتفاق سياسي في الضفه. اذا التخلص منها أيضا فرصه سانحه. 

اذا هي فرصه ترامب للتخلص من كل الأعداء في كل الأماكن مع دفع الأموال لترامب في المقابل. و بمجرد دفع الأموال انطلقت عمليه التخلص من الأعداء. لا يهمكم كلام وزير خارجيه امريكا لان السعوديه و الإمارات لن يهتموا بكلامه. انهم في العمليه من اجل تنفيذ كل أهدافها و الخلاص من كل الأعداء و ليس التهويش فقط. و بالعكس كلما زادت مشاكل ترامب في امريكا كلما ستسرع السعوديه و الإمارات و خلفهما اسرائيل من العمليه. 

الأمور واضحه جدا. احنا شايفين تحالف مصري – سعودي – اماراتي – إسرائيلي – روسي مع اليمين المتعصب الامريكي و حنسميه “تحالف صهيوني ديكتاتوري”. و في مقابله تحالف اقل تماسكا بين قطر – تركيا – الاخوان – غزه – تونس و حنسميه “تحالف الربيع العربي” و علاقتهم مع اليسار الامريكي مبهمه و غير محدده. 

و روسيا ضالعه تماما في التحالف الصهيوني و كما واضح في التحقيقات الامريكيه فروسيا هدفها وصول اليمين الامريكي المتطرف للسلطه لانها تشترك معه في العداء للإسلام السياسي. لاحظ ان اهم تهديد لروسيا من الداخل هو الاسلام السياسي في جمهوريات جنوب روسيا اللي ممكن يفرط روسيا بسهوله و شفنا قد ايه روسيا استخدمت العنف في الشيشان. و الإمارات و السعوديه اتعلموا من درس الشيشان ان العنف و القضاء الكامل على الخصم ممكن و سهل كمان. و اذا كانت روسيا استغلت وجود بوش الابن و الحرب على الاٍرهاب عشان تخلص على الشيشان و المقاومه فيها بهدم جروزني تماما فالإمارات و اسرائيل و مصر و السعوديه مستعدين يتخلصوا من اعدائهم بهدم مدن الشرق الاوسط تماما و أعاده بناءها مثل جروزني. 

و شفنا ان روسيا هي اللي دخلت على موقع وكاله الأنباء القطريه عشان تمهد العمليه الاماراتية ضد قطر و هي اللي دخلت على موقع الحزب الديمقراطي الامريكي عشان تمهد انتصار ترامب. 

العجيب هو ان التحالف الصهيوني ده شايف ان ايران مش وقتها دلوقتي. الإمارات و السعوديه و اسرائيل و ترامب يكرهون ايران لكن هم عارفين ان الإمارات و لا اسرائيل و لا السعوديه يقدروا على ايران لوحدهم. محتاجين القوه الضاربه للجيش الامريكي كله. و ده مش وقته دلوقتي. بعد ما نخلص من الأعداء القريبين دول ندخل على ايران. و طبعا فيه ناس بتقول الاخوان او تركيا او قطر ممكن يبقى سند ضد ايران. الكلام ده لو كان الهدف تسويه مع ايران فيها توازن قوى. الناس دي مش عاوزين تسويات. عاوزين تخلص من ايران تماما. انها تستسلم تماما تحت تأثير قصف يعيدها للعصور الوسطى. لذلك لا الاخوان و لا قطر و لا تركيا مهمين في الحسابات دي طالما الهدف مش تسويات. 

و بالتأكيد محاوله قطر توصيل رساله لإيران عبر العراق انه تم اتفاق في الرياض على ضربها هو تطور خطير يضرب حسابات التحالف الصهيوني تماما لانه بيقرب ايران من تحالف الربيع و يخليها تفهم ان سوريا مش الهدف لكن الهدف نظام الحكم في ايران ذاته. طبعا الخلاف السني الشيعي اللي رعته السعوديه و اسرائيل صعب جدا تجاوزه و ده شيئ مؤسف. 

للاسف المنطقه مقبله على مصايب. و اَي عود كبريت دلوقتي حيشعل منطقه محدش فيها طايق التاني دلوقتي. 

في الأغلب سيتم تضييق الحصار على قطر ربما بافتعال اشتباكات معها. و الهجوم القادم في الأغلب على غزه فهي الطرف الضعيف في المعادله. و الهجوم هذه المره سيكون بهدف القتل و التخلص التام من حماس و احلال دحلان في غزه. 

كمان في رأينا انه في حين التحالف الصهيوني قوي و بنيانهم متماسك و وراهم جزء من قوه عظمى فالتحالف الربيعي هش و غير متماسك و مش قادر لحد دلوقتي يستقطب اليسار المعادي لترامب داخل امريكا. 

حنشوف. 

#دراسات_استراتيجيه

و كل سلسله دراسات جوده الاستراتيجيه هنا:

https://jawdablog.org/category/الإقتصاد/استراتيجيات-وحلول/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s