التنازل عن أرض زي تيران وصنافير وأمثلة من العالم

Teeran_sanafeer _Egyptian

حاولنا ندور في التاريخ على الدول اللي اتنازلت من غير حرب و لا ضغط عن أراضيها. او عشان نقرب المثل شويه، حاولتا ندور على الدول اللي بذلت مجهود كبير عشان تتنازل عن ارضها او حتى ارض واقعه تحت سيطرتها. الامثله صعبه و قليله لكن موجوده.. 

مثلا ماليزيا في سنه ١٩٦٥ اتنازلت عن سنغافورة. لكن ده كان بعد حرب اهليه عنيفه و مات ناس بعد ما سنغافورة رفضت تطبيق سياسه تفضيل السكان المالايو الأصليين. و بعدها على طول ماليزيا فكت ارتباطها بسنغافورة. لذلك منقدرش نقول انه من غير ضغط. بالعكس الهدف كان إنهاء الحرب الأهليه القصيره في المالايو. و ده انتهى انه بقى قرار حكيم جدا خلى ماليزيا و سنغارفوره ينطلقوا بسرعه اكتر و دون مشاكل عرقيه او نقول بمشاكل عرقيه و دينيه اقل. مصدر ١. 

طبعا فيه كمان في سنه ١٩٩٩ تنازل بريطانيا عن هونج كونج للصين لكن في الحقيقه انه ده كان التزام باتفاقية تأجير هونج كونج من الصين و اللي انتهت سنه ١٩٩٩. مصدر ٢. 

امريكا كمان تنازلت عن الفيليبين اللي احتلتها في الحرب الاسبانيه الامريكيه. امريكا تنازلت عن الفيليبين سنه ١٩٤٦ و أدتها استقلالها. و ده طبعا في وقت صعود الامبراطوريه الامريكيه في العالم كقوه جديده لا تريد مستعمرات. و دي ربما اذكى حاجه امريكا عملتها لان المستعمرات الحقيقه لبريطانيا و غيرها انتهت انها عاله على الدوله الام بالذات لما بتبقى دول فقيره و محتاجه معونه. بالعكس افضل عدم استعمارها و جذبها كدوله مستورده و مستهلكه لمنتجات الدوله الام. مصدر ٣. 

امريكا كمان في السبعينات تنازلت عن ملكيه قناه بنما لحكومه بنما. طبعا كان واضح في السبعينات انه مفيش قوه خارجيه ممكن تهدد سيطره الأسطول الامريكي على نصف الكره الارضيه الغربي و بالتالي مفيش اهميه للملكيه و الاداره طالما ان المصالح مؤمنه. مصدر ٤. 

لكن يفضل المثل الأهم في التاريخ هو تنازل روسيا عن ألاسكا لامريكا. القصه دي مهم نقرأها شويه. 

في سنه ١٧٢٥ بعت قيصر روسيا بطرس العظيم مهمه أستكشافيه من سيبيريا نحو الساحل الامريكي بقياده مستكشف روسي اسمه فيتوس بيرينج (اللي اتسمى على اسمه مضيق بيرينج الفاصل بين ألاسكا و سيبريا). مشكله روسيا الازليه كانت ان ألاسكا بعيده جدا جدا عن المركز الروسي في موسكو و سان بيترسبورغ. و بالتالي عدد الروس اللي عاشوا في ألاسكا كانوا حوالي ٤٠٠ واحد بس. لما روسيا انهزمت في حرب شبه جزيره القرم (اللي لسه عليها مشاكل لحد دلوقتي) قصاد بريطانيا في أوائل القرن ١٩، روسيا خافت ان الجيش البريطاني في كندا يدخل ألاسكا يحتلها بسهوله لعدم قدره روسيا على تأمين ألاسكا. معندهاش لا الإمكانيات البشرية و لا العسكريه. روسيا خافت ان ده يزود من تصاعد بريطانيا في المحيط الهادي و بالتالي يقضي على اَي أمل لروسيا انها تكون قوه مهمه في المحيط. و روسيا كمان خافت انه ألاسكا تضيع عليها من غير اَي مقابل. لذلك في سنه ١٨٥٩ روسيا عرضت على امريكا انها تشتري ألاسكا. وقتها الحرب الأهليه الامريكيه كانت على وشك الحدوث. بعد الحرب الأهليه الامريكيه على طول روسيا عرضت مره تانيه تبيع ألاسكا و طبعا امريكا انتهزت الفرصه تماما و وقعوا اتفاقيه بيع ألاسكا في سنه ١٨٦٧ في مقابل ٧ مليون دولار أمريكي يعني بسعر ٢ سنت للفدان. الاتفاقيه دي أنهت تواجد روسيا في القاره الامريكيه و خلت امريكا تتحول لقوه مسيطره في المحيط الهادي (وقتها كاليفورنيا كانت لسه في بداياتها). 

Teeran_sanafeer _Egyptian

بعض الناس في امريكا اعترضوا على شراء ألاسكا و سموها “حماقه سيوارد” و هو وزير خارجيه امريكا اللي عمل الصفقه. لكن في سنه ١٨٩٦ اكتشفوا منجم ذهب ضخم في يوكون في ألاسكا و ده كان مفتاح مخزون الذهب في كلوندايك اهم مخزون ذهب لامريكا و بعدها اكتشفوا البترول في ألاسكا لتصبح واحده من أغنى الولايات الامريكيه لدرجه ان المقيم في ألاسكا بياخذ فلوس من حكومه الولايه من ريع الذهب و البترول. مصدر ٥. 

سيرجي لافروف وزير خارجيه روسيا زار ألاسكا مع كونداليزا رايس وزيره خارجيه امريكا السابقه. فعلق قال ان الجو و الطبيعه بتفكره بروسيا. كونداليزا رايس (و هي أستاذه في الجامعه و خبيره في الشئون الروسيه و تتحدث الروسيه بطلاقه) قالتله ما هي كانت جزء من روسيا فعلا. مصدر ٦. 

بشكل مشابه برضه كان لما فرنسا باعت لويزيانا لأمريكا عشان تقلل نفوذ بريطانيا في نصف الكره الغربي و ظنت فرنسا انها بتبيع ارض كلها أحراش و ملهاش اهميه لامريكا. برضه بسعر ٣ سنت للفدان. الارض ده بقت عده ولايات امريكيه جنوبه بها مجموعه من اهم مصادر الزراعه في امريكا و كمان احد اهم موانئ امريكا في نيو أورليانز. 

بيع تيران و صنافير هي صفقه أهدافها هي:

١- تمرير فتره رياسه ثانيه للسيسي. 

٢- في مقابل مليارات الدولارات اللي دفعتها السعوديه لدعم الانقلاب. 

٣- لرفع شعبيه محمد بن سلمان و تلميعه كي يصبح الملك القادم للسعوديه. 

٤- رغبه السعوديه الدائمه في التوسع سواء على حساب قطر او الإمارات (البوريمي) او البحرين (السعوديه الان تحتل البحرين) او اليمن (جيزان). 

٥- تقنين وضع السعوديه كالقوه الاولى في المنطقه العربيه كي تحسن من شروط المفاوضات القادمه و تضمن استمرار تواجد السعوديه كدوله في التسويات التي ربما ستحدث خلال العقود القادمه في الشرق الاوسط. 

٦- تحطيم و إنهاء مكانه مصر تماما في المنطقه لتصبح تابع رسمي للنظام السعودي – الاسرائيلي – الإماراتي. 

٧- بادره تقارب مع اسرائيل كي تصبح اسرائيل شريكا رسميا للسعوديه و ضمان لأمن السعوديه و استمرار تواجدها. 

ناس كتير بتقول اسرائيل ضالعه في الموضوع او انه لمصلحه اسرائيل بسبب تحويل مضيق العقبه لممر ملاحي دولي. مصلحه اسرائيل الأهم هي تثبيت السيسي و وصول محمد بن سلمان للحكم. سواء مضيق العقبه ممر دولي او محلي مصر ملتزمه باتفاقات دوليه لضمان حريه الملاحه في المضيق حتى في ظل انه ممر ملاحي مصري محلي. و الأهم أيضا ان اسرائيل من القوه انها تستطيع فتح ممرات الملاحه دي غصب عن مصر و السعوديه و العرب مجتمعين. للاسف تكرار هذه الاقوال هي بسبب ان الشعوب العربيه تعيش في الستينات و لا ترى ان التهديد الحقيقي هم حكام العرب الحاليين السيسي و محمد بن زايد و محمد بن سلمان و ابوه سلمان. و من الطبيعي انه عندما تريد مصر تسليم الجزر للسعوديه ان تحصل على موافقه اسرائيل لان السعوديه بترث تعهدات دوليه محدده و لازم تمضي انها موافقه على التعهدات دي. احنا مش بنقول كده عشان نبرر الخيانه. احنا بنقول كده عشان نبقى على بينه ان الخيانه دي اصلها محلي تماما و ان الحكام دول مش مضروبين على أيدهم يكونوا خونه. لا. دول خونه فقط عشان كراسيهم. 

المصادر:

١-

https://books.google.com/books?id=ByKTNqQQLawC&pg=PA148&lpg=PA148&dq=malaysia+singapore+cessation&source=bl&ots=jbst8hBA_y&sig=aaP0j7zys2fRLdlEDu0bnlix1Ts&hl=en&sa=X&ved=0ahUKEwigiseuibbUAhUGIJoKHYLIDmkQ6AEIQTAE#v=onepage&q=malaysia%20singapore%20cessation&f=false

٢- 

http://www.history.com/this-day-in-history/hong-kong-returned-to-china

٣- 

http://www.philippine-history.org/independence-from-americans.htm

٤- 

http://www.history.com/this-day-in-history/carter-agrees-to-transfer-panama-canal-to-panama

٥- 

https://history.state.gov/milestones/1866-1898/alaska-purchase

٦- 

https://books.google.com/books/about/No_Higher_Honor.html?id=6mtTvdrZgDIC&printsec=frontcover&source=kp_read_button#v=onepage&q&f=false

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s