محمد النبي الهاشمي الأمين

Saudi_Jordan_Relations

فيه شراره احتكاك كده لمعت في السماء في قمه الرياض و محدش اخد باله منها لان الاضواء كانت باهره جدا و مينفعش انك تشوف شراره الاحتكاك بسهوله الا في الضلمه. الملك عبد الله بن الحسين ملك الاْردن بدأ كلامه بالصلاه على محمد “النبي الهاشمي الأمين” في اشاره لا تخطئها عين الخبير انه بيقول انا هاشمي و حفيد النبي محمد. و طبعا زي ما احنا عارفين ان عبد الله يبقى عبد الله بن الحسين بن عبد الله بن الشريف حسين والي الحجاز ايّام العثمانيين. يعني ابو جد عبد الله كان والي الحجاز و بعدها بقى ملك الحجاز بعد نهايه الحرب العالميه الاولى. و كان غريم الشريف حسين اللدود يبقى الملك عبد العزيز ابو الملك سلمان مباشره. و طبعا محدش من ال سعود حيسمح ان كلام عبد الله يعدي كده بالذات في التلفزيون السعودي قدام الناس بصرف النظر ان كان حد فاهم و لا لأ. فرد سلمان و راح قايل لعبد الله: الصلاه على النبي تكون اللهم صلي على محمد و ال محمد كما صليت على ابراهيم و ال ابراهيم. و بارك على محمد كما بَارَكْت على ابراهيم و ال ابراهيم. و طبعا الاشاره واضحه ان كلنا عرب من أبناء و احفاد ابراهيم و أبناء و احفاد ال محمد. مصدر ١. 

لو انت عاوز تفهم تاريخ الموضوع احنا كتبنا سلسله كامله عنه في مصدر ٢. 

و على فكره اللي يبص على حال ال سعود و الخلافات اللي حتحصل لما يحاول سلمان يورث الملك لابنه محمد يعرف ان عبد الله ممكن برضه يكون بيشاور عقله. ما أهو أصل المنطقه دي لسه عليها فتره طويله لحد لما تستقر و كل واحد بيفكر انه هو اذكى واحد في العالم و ليه لأ؟ اذا كان السيسي فاكر نفسه طبيب الفلاسفة. 

المصادر:

١- 

http://huffp.st/3GfJjeM

٢- 

https://jawdablog.org/category/التاريخ/صفحات-مخفيه-من-التاريخ/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s