يا انتصار تعالي أوريكي الامله اللي احنا فيها

Seesy_Intisiar.jpg

احنا مش حنتريق و نقول يع على الصالون المدهب بتاع الناس البيئه و لا خريطه مصر المرسومة بزيت العربيات. و لا حنقول اللوحات اللي وراهم و السجاد تصميماته بتاعه محدثين نعمه. مش حنقول كده لان احداث النعمه مش عيب. كلنا اصلنا فلاحين و اَي حد اغتنى في وقت من الأوقات اغتنى أهله من فقر. بالعكس. احنا عاوزين الناس كلها تبقى محدثين نعمه عشان النعمه تبقى مع الناس كلهم. احنا مش حنقول كده خالص. 

الصوره دي مما يطلق عليه الصاله الرئاسيه في مطار القاهره. في العالم كله اَي رئيس شركه حتى بيجي من عربيته و يطلع الطياره على طول. و بيوصل من الطياره ينزل في عربيته على طول. محدش بقى عنده حاجه اسمها صاله رئاسية هو يقف فيها الا لو جه ضيف من الخارج و حتحصل مقابله سريعه في المطار. زي ما السادات كان بيحصل معاه كتير في وقت كانت الطيارات معتدهاش مدى طويل و بالتالي كانت بتقف في مطار القاهره عشان يقابلوا السادات اللي طبعا كان زعيم عالمي. دلوقتي مفيش رئيس في العالم مسافر بيقف في الصاله الرئاسيه. مستني ايه؟ ختم الباسبور؟ بيخلصوله الإجراءات؟ كرمش عشره جنيه للأمين عشان يشيل اسمه من قوائم الممنوعين من السفر؟ 

كل اللي حصل ان السيسي قالها “يا انتصار تعالي أوريكي الامله اللي احنا فيها. تعالي نقعد و نجعص في صاله الرئاسه اللي كان السادات بيقعد فيها.”

وطبعا الصاله الرئاسيه دي لسه متجدده بذوق الجيش. هوه ده ذوقهم. ٥٠٪‏. لا في حضاره و لا نيله. 

فاكرين الحلم النحس اللي حلم بيه السيسي. بتاع الاوميجا و الدم و السادات. ادينا عايشين الكابوس أهوه. 

و طبعا انتصار رايحه تلم الهدايا و الألمظات من السعوديين. مولد يا حبيبي.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s